اليوم هو الجمعة سبتمبر 19, 2014 12:43 am   جميع الأوقات تستخدم GMT + 3 ساعات

تسجيل الدخول

اسم المستخدم:
كلمة المرور:
الدخول تلقائياً  
 

قوانين المنتدى



لائحة و قوانين المنتدى .. هام قبل المشاركة

حمـــــــــــلة مكـــــافحــة : معا ً ضد المنقول و المعلب !

هام بخصوص الصور الشخصية والتواقيع



إرسال موضوع جديد الرد على الموضوع  [ 27 مشاركة ]  الانتقال إلى صفحة 1, 2  التالي
 
الكاتب رسالة
 عنوان المشاركة: بعض من رحيق الاغنية الشايقية
مشاركةمرسل: السبت أكتوبر 11, 2008 12:04 pm 
غير متصل
عضو متميز
عضو متميز

اشترك في: الأحد يونيو 29, 2008 3:50 pm
مشاركات: 1692
مكان: الرياض
النوع: ذكر
الاغنية الشايقية :

اشتهرت الاغنية الشايقية بانه ذات كلمات تفيض دوماً بالحنين

والشوق فاذا رجعنا لذلك ننعيه لارتباط الشوايقة باراضيهم ووطنهم الذي

اجبرو على فراقه سعياً وراء لقمة العيش .

فالشاهد هنا ان كل او معظمها اغانيهم تشمل على كلمات السفر والمراسيل

لدرجة انهم غير قادرين على اخذ العفو من اماهتهم كما في الاغنية ( يا يمة رسلي لي عفوك )

كناية على البعد وعدم الاستطاعة لملاقاة امه واخذ العفو .

لذا جاءات اغانيهم تحمل هذا الكم الهائل من العاطفة وخرجت كلماتهم رصينة ومعبرة

وتجد ان كل اطياف مجتمعنا السوداني يميلون الى اغاني الشايقية رغم ان البعض لا يحب

الطنبور ولكن يحب تلك الكلمات التي تأتي بسيطة في الكلمة وكبيرة في المعنى .

فاليكم بعض من رحيق اغاني الشوايقة .

واتمنى ان تنال اعجابكم .



كلمات الاستاذ/ محمد سعيد دفع الله
اداء المبدع الفنان / عبد القيوم الشريف

مليت من الغربه آعلى .. يا ولدى يا ايدى اليمين
داير الرجوع بس كيف يكون ... وتفكيرى فيهو انا من متين
كل ما اقول اصبر شوى باكر تكون الحاله زين
القى الظروف ياها الظروف .. بس زايده سؤ بحلف يمين
وآخد لى لفته على الزمان ... القاها مرت كم سنين
لمتيـــــــــن بتتفك القيــــــــود ... القاسى قلبها ما بيلـــــين
**********
جيت فاكر انى اكون سعيد ... بى مال بيجرى على اليدين
لكنــو مقسوم يــا لعــــزاز .... رزقا يكون دائمــا ضـــنين
والشئ العجيب مما وصل ولليلى فوق اكتافى دين
حســرة وهموم متواليات .... والدمعه يوت هالابه عـيــن
نيران مولعى فى القلب مسكين فقد لضرا الامين
كان عيشو هاديه قبل يجى ... و فى بيتو كان قوتو اليقين
والليله فى الاهوال دوام يصرخ ومو لاقى البعين
وينــك بعــدتى على ّ ليه ... وانا ليكــى كاتلنــى الحــنيــن
يا السمحه سموكى القرير والناس تجيك من وين ووين
وانا قـمــت منك شــن اقول .... غير ده المسطر فى الجبين
يا درة الوطن العزيز يا النادره يا لماليك وزين
عشمى ومناى ارجع واجيك ....... انا غير هواك متل السجين
داير اكون بين الاهل محضون وحاضن اعز طين
داير حياتى مع الصحاب ..... واللقمه ما بين العوين
***********
يا لوبه شمر للضراع والليلى جيت اوصيك دحين
كونك تقصر ما اظن وانا عارفو طبعك يا الخزين
يات من معلم درسك شاكرك علم وخلقا يزين
ما عليك خوف ما دام معاك زولا مسمى الزين وزين
انت البتعرف للاصول كاسب رضاء الوالدين
من قمت درفونا صغير ما كت يوم نيا عجين
دائما مواظب و مجتهد فى الجانبين دنيا ودين
ورافع السماوات غير عمد داعيهو ينصر وليك يعين





***************************

الغنية الثانية
حليلكم يا أهلنا ..
ياحليلها بلدنا ليها الشوق كتلنا ..
الدموع بالشوق تكب من يوم رحلنا ..
أهو منك يا ظروف عاد كيف زعلنا
باقي نحنا نريدة ريدتا من جهلنا ..
وكمان هي قليبها رتاي للمتلنا ..
الفرح انشر و الدار تبقى جنة..
والدليب ان دق حس طمبورنا رن..
زغرتن بنوتنا في الدار ان دخلنا ..
يرقصن قدامنا و الشبال يصلنا...
ماها قاسي السيرة بالعافية ان نزلنا..
من جميع نتلم كلنا بعدلنا..
نفرحك يالخاطر ان سرنا و قدلنا
بتحت يتهزن الحيطان قبلنا ..
وا طيابة فينا نحن الزين فعلنا ..
وا سماحة فوقنا سمحين زي شتلنا ..
نحن زي قشا مفرهد في سهمنا..
و زي جزاير بي تحت خيرن شملنا..
زي تمرنا اللا تحت شايل متنا ..
ويا حلاة القمري فوقن قوقى غنا..
مافي زولا يزعل ان شلنا و اكلنا..
يا حليل الما بكوسو درب زعلنا ..
ياحليل الريد حليلكم يا أهلنا ..
يا حليلا بلدنا ليها الشوق كتلنا

_________________
صورة


أعلى
 يشاهد الملف الشخصي  
 
 عنوان المشاركة:
مشاركةمرسل: السبت أكتوبر 11, 2008 12:46 pm 
غير متصل
عضو متميز
عضو متميز

اشترك في: الأحد يونيو 29, 2008 3:50 pm
مشاركات: 1692
مكان: الرياض
النوع: ذكر
انــا المأسـاتي ما بتتقـال ... ( للفنان /عبدالرحيم البركل )
انا المأساتي مـا بتتقـال بقيـت احسـب عميـري الفـات
عـــــــــــــــذب لا حـــــفـــــلــــــة لا شــــــــبــــــــال
لقيـت الفـات كتيـر وكتيـر مـرق لا زوجـة لا اطـفـال
ترانـي فـى مهـب الريـح مريـكـب لا فحـهـا الـشـلال
بقيـت مسحـور عيـونـك ديــل اتحـجـر بقـيـت تمـثـال
وافـتـش فــى مكـانـك ويــن لقيـتـك فــى قليـبـى هـنــا
انا الجرب مآسي الغي تعال شوف كيف حفن كرعي
وانــا اتبشتنـتـا يــا خــلاي فــوق درب الفـريـع الـنـي
بقت لى مع العيون قصة مخلفة فوق جروحـى الكـي
خيـالـن مــادوام نـافـر يحـلـق فــى خـلاهــو الـصــي
ولا قـــادر افـيــق وارجـــع ولا قـــادر ادارى الـبــي
واشوف غيمك انا العطشان واقول هسع يجيني الري
وفكر فى امور الحب وادور فـي ساقيـة غيـر معنـي
يــا حليـلـى انــا حلـيـل ايــام سعـادتـي مـعـاك وكــت
كـــان الـزمــن بـســام يـشــاور لـــى دوام ضــحــاك
يضمنا كان هدوء الليل هو لا حس همسة لا كـوراك
لقـيـت يــا قـلـب زولــك بـعــد وجـعــك لقـيـتـو دواك
اتاريهـو الزمـن دولاب قسـي ورجعـنـي الــف سـنـه
طـريـتــا انــــا طــريــت الـسـمـحــة بــيـــن اهـلــهــا
وكـت تنـزل وكـت تطلـع مـع الحـوب يجتمـع شمِلهـا
تــمــد ايـديـهــا للـمـنـقـة تــداعــب لـلـجـريـد قـبـلـهــا
وماهمـاهـا زولا فــات يقـاسـي الغـربـة مــن اجـلـهـا
ماخلانـي ابتليـت بـي ريدهـا افتـل فـى حـبـال رمـلـه
كمان خايف الجنون يحصل تفوت عقليتـي بـى قبلهـا
بوريكم مآسـي غرامـي عشتهـا وعمـرى كـان تمنهـا

&&&&&&&&&&&&&&&&&&&&&&&&&&&&&&&&

الوداع ... ( الفنان / عبدالقيوم الشريف )

بتمشي من غير ما توادعي لا تقولى مع السلامه
برضي ما قادر اعاتبك ولاّ ارمي عليك ملامة
ليه تسافري بدون توادعى ينسي قلبك وين حنانو
كيف عليك العشرة هانت ريدنا ليه لحظاتو هانو
بين مخاوفى شوقى ضايع لما سفرك حان اوانو
قلبي كان متمني شوفتك يا العليك تكلوا ورهانو
فى السراب صدقت مخاوفى ظنى اصبح فى مكانو
ما الزمان دايما معاند واصلوا ما مضمون أمانو
عدي فوقى العيد وروح لا معايده لا إبتسامه
من بعادك ونار فراقك قلبي عيديتو الندامه
والخلوق طلت تبارك بي تهانيها وسلامه
والعيون اجفانها لا قت لا استراحت فى منامه
فى الغياب سيرتك معايا ياما ناجاك قلبي ياما
كلما لاوحلى طيفك ابكي بي دمع الندامه
يا مسافري على بلدنا شايلى روحى معاك هديه
ليك وللناس الغلابة برضو شايف الروح شويه
داير اوادعك كنتا واكتب فى سواد عينيك وصيه
ابقي ميه على عيونك ريدنا ابقي عليهو ميه
وقولى للوالدة الحبيبه انا جاي في عيد الضحيه
كلميلى ابوى عنك عن بنا الريد والمحبه
شيلى من بركات عيونك ادى اصحابى الاحبه
امشي يوم جمعه الضرايح زورى فيهم قبه قبه
قولى للوطن البريدو قلبي بالاحزان معبا
غربتي الطالت شقتني وكل يوم زايدانى غربه
لما ترجعى بالسلامه جيبي لى معاك نسيمه
من بلدنا وجيبى لى من طنابرتا كم نغيمه
فوق جمر راجيك تعودي تومه لى روحى اليتيمه
تاني لى قبال تسافري وتبقي فى صيف عمرى غيمة
وتبقي فى الابد المؤبد خالدة عشرتنا الحميمه
ريدة تجمع بين قلوبنا عامره بالنيه السليمه .

&&&&&&&&&&&&&&&&&&&&&&&&&&&&&&&&&&

بجيك قاطع مسافات العشم ... ( عبدالرحيم ارقى )

باكر بجيك قاطع مسافات العشم
شايل معاي هوى العيون
آمالي في أجمل نغم
باكر بجيك قاطع مسافات العشم

بجيك من سكـــة القلب العشق ذاتك سنين
بجيك من صفحة الماضي الكان قاسي وضنين
خايف يكون زيف المدن غير أصالتك والحنين
جايك من ليل العـذاب ارجيني بالصبح المبين

فُتيني للليل الطــويل يرميني في حضن الآلم
سبتيني بين شبح الظنون وأحزان بتنبع من وهم
ارجيني فوق أرض الصبر جايك من زمناً سجم
لا فيهو للأفــراح طريق ولا فيهو للأيام طعم

باكر بجيك بي لعنة الريد المـــــلك قلبي الجريح
بي حال بيغني عن السؤال ما بوصفو الخاطر الفصيح
خايف يقصر بي العمــــر تحملني من الدنيا ريح
لو كان مُقدر إني اروح سوي لي في روحك ضريح


سافرتي مـــا خليتي خيط ابراه للمرسى الجديد
سافرتي مـــا خليتي لي غير ذكرة الزمن البعيد
علمتي روحي الإنشراح علمتي قلبي يحــب شديد
فجاءة اختفيتي من الدروب وأخفيتي كل زمني السعيد


لكني لي أحســـاس يسوق خطواتي لأجمل عيون
باكر بتلقي خطاي معــاك تتمشى ما بين الغصون
ما تقولي لي وصلت كيف مــن دل قلبك يا حنون
أنا قلبي أصبح ليك مكان يا الناسية إني انا ليك كون

باكر بنكشف الضباب القـــاك في فرح الشباب
تقشي في دمع الفـــراق وتزيلي في أثر العذاب
بكرة المسافـات تجتمع وتلم قلوب يوم عيدها آب
ويعود شباب الفي هواك يا حلوة بي أحزانو شاب

&&&&&&&&&&&&&&&&&&&&&&&&&&&&&&

مرام الطفلة البريئة التي اغتصبتها الذئالب البشرية
في اول ايام عيد الفطر المبارك
قال فيها الشاعر الكبير حاتم حسن الدابي هذه القصيدة:-

*******
مرام مرقت على الجيران
ومرن ديل كم ساعات
غابت نجمة الضيفان
واكتست الارض ظلمات
مرام ما جات…!!
حكاية كان وياما كان
حكاية تشيب الولدان
حيرت الانس والجان
وبرهنت انو ما في امان
رجع وأد الطفولة زمان
زمن عبدة(هبل)و(اللات)
بعد لبست جديد في جديد
مرام مرقت تبارك العيد
وقفت سمعتنا نشيد
حلاوة موبايلا الفي الايد
مع التسريحة والباندات
اتاريهو الغدر منصوب
مسطر ومافي منو هروب
برغم رضانا بالمكتوب
ده غدر ما وراهو سكات
بدون إنزار..بدون اسباب
مرام غدروها جمب الباب
مرام هجمت عليها ذئاب
طباعم من شريعة الغاب
ملاكاً حولوهو رفات
قلوب لا رحمة لاإحسان
مدبجة بي صفات شيطان
وظهرت قدرة الرحمن
محل اسنانها هو الاثبات
دريبها على الارض منقوش
سريرها من العصر مفروش
معالمو باقية وسط الحوش
ملابس الروضة واللبسات
بعد شمس العصاري تغيب
مرام كانت تودي تجيب
عندها بسكويت وحليب
في تلاجتن راقدات
وحيدة اخوانا والوالدين
عليها يخافو متمنين
تتعلم تتم الدين
وليها يوزعوا الشربات
*******
يا صاحباتها وينها مرام
سماح يادوبو فرهد قام
عمير ما تم خمسة اعوام
ملازماها البراءة سمات
عيال الروضة ياسمحين
لمن جيتو متماسكين
ما شفتوها راحت وين
مرام سرقت منام العين
مرام حرقت حشا الامات
وليه بتقول مرام ما جات
*******
مرام كلما وجيها يلوح
تبق جوانا احساسات
مرام بقت القلب والروح
سحابة تخدر البلدات
مرام غصة حلق مجروح
تقوقيها القميريات
مرام صفحة كتاب مفتوح
يقروه الطلبة والطالبات
مرام عصفور يئن مجروح
ما شفعها الدمعات
مرام جزء من (محمد) و(نوح)
و(تبارك) و(عم) و(النازعات)
مرام شربت محاية ولوح
وفي ساعة المغيب بخرات
مرام دعاء للجميع مسموح
بعد ما تكمل الصلوات
مرام حاتظل سؤال مطروح
جوه بيوتنا والطرقات
مرام حاتظل سؤال مطروح
وسط اولادنا في الجامعات
مرام حاتظل سؤال مطروح
موجه للشباب بالذات
وليه بدت السماحة تروح
إرث اجدادنا والعادات
*******
اخيرا داير اجيز القول
منو المسؤول..؟؟!!
تقول دي ثقافة البتر
ولا سيف العولمة المجهول
الدجتل مع المحمول
افلام فاضحة والمسكول
عموماً…….
بيوتنا في فك غول
مخيف اسموا الفضائيات
ومرام ما جات..!!

_________________
صورة


أعلى
 يشاهد الملف الشخصي  
 
 عنوان المشاركة:
مشاركةمرسل: السبت أكتوبر 11, 2008 12:48 pm 
غير متصل
عضو متميز
عضو متميز

اشترك في: الأحد يونيو 29, 2008 3:50 pm
مشاركات: 1692
مكان: الرياض
النوع: ذكر
الوداع ... ( الفنان / عبدالقيوم الشريف )

بتمشي من غير ما توادعي لا تقولى مع السلامه
برضي ما قادر اعاتبك ولاّ ارمي عليك ملامة
ليه تسافري بدون توادعى ينسي قلبك وين حنانو
كيف عليك العشرة هانت ريدنا ليه لحظاتو هانو
بين مخاوفى شوقى ضايع لما سفرك حان اوانو
قلبي كان متمني شوفتك يا العليك تكلوا ورهانو
فى السراب صدقت مخاوفى ظنى اصبح فى مكانو
ما الزمان دايما معاند واصلوا ما مضمون أمانو
عدي فوقى العيد وروح لا معايده لا إبتسامه
من بعادك ونار فراقك قلبي عيديتو الندامه
والخلوق طلت تبارك بي تهانيها وسلامه
والعيون اجفانها لا قت لا استراحت فى منامه
فى الغياب سيرتك معايا ياما ناجاك قلبي ياما
كلما لاوحلى طيفك ابكي بي دمع الندامه
يا مسافري على بلدنا شايلى روحى معاك هديه
ليك وللناس الغلابة برضو شايف الروح شويه
داير اوادعك كنتا واكتب فى سواد عينيك وصيه
ابقي ميه على عيونك ريدنا ابقي عليهو ميه
وقولى للوالدة الحبيبه انا جاي في عيد الضحيه
كلميلى ابوى عنك عن بنا الريد والمحبه
شيلى من بركات عيونك ادى اصحابى الاحبه
امشي يوم جمعه الضرايح زورى فيهم قبه قبه
قولى للوطن البريدو قلبي بالاحزان معبا
غربتي الطالت شقتني وكل يوم زايدانى غربه
لما ترجعى بالسلامه جيبي لى معاك نسيمه
من بلدنا وجيبى لى من طنابرتا كم نغيمه
فوق جمر راجيك تعودي تومه لى روحى اليتيمه
تاني لى قبال تسافري وتبقي فى صيف عمرى غيمة
وتبقي فى الابد المؤبد خالدة عشرتنا الحميمه
ريدة تجمع بين قلوبنا عامره بالنيه السليمه .


&&&&&&&&&&&&&&&&&&&&&&&&&&&&&&

للفنان جعفر السقيد

الله من عذاب الريدة
الله من جحيمها وهولها
الله من شجونها ونارها
وكتين تشتعل فوق زولها
يتحلف يقول التوبة
تاني أنا أهوى ما معقولة
لكن فجأة ينسى القالو
يرجع تاني يسقي شتولها
يا قلبي الحزين
وين تمشي ليك
كل الدروب مقفولة
كيفن زول يصل للجامعة
يرجع تاني لي سنة أولى
ياما كتار حليلهم ضاعوا
في زحمة دروب مجهولة
يزرعوا في النوايا الطيبة
كان ثمرة ضياع محصولها
الواحد يريد النجمة
ما بيقبل يشوف ويطولها
تلقا وسط ظروف يا الشادي
عشمان إنو بكرة يطولها
مسكين كان يخادع نفسو
بي سحب الخريف وهطولها
متعشم يقول المسرة
يوم باكر يدقوا طبولها
مسكين يا حليلو إتناسى
نكبات الزمان وفضولها
وإتناسى إنو نحنا غلابة
أحلامنا العراض مطبولة
من زمان القرايـي ترايا
ما شف غير سيوف مسلولة
كل ما أقول وصل لي مرسى
ألقا أحلامي شادي خيولها
قاسي الزي يلقا الدايرو
نقاي يعرف المصقولة
أول ما يقول ديك لي
كل خلق الله بكرة يجولها
عايش فد سؤال جواي
ليه لحظة فرحنا عجولها
وأيام الحزن تندب
زي السلحفاية مهولة
اختلطت علي أيامي
قدامي الهموم مسدولة
مشكلتي العلي والبي
ماها مرض دواء وكبسولة
آه من دنيتي وأقدارها
آه أنا من جحيمها وهولها
شين الزي يلقا أحلامه
منو الدمعة ما مقبولة
لكن يا رفاق بالدغري
كلمات بي صراحة بقولها
كان جنيت أو ودرت
تبقا ظروفي هي المسئولة

&&&&&&&&&&&&&&&&&

لســــــــــــــــــــــــــان الحال للشاعر حاتم حسن الدابى

معذرة لو معاك مني الكلام حره
ومعليش الخطاب كاتباهو مضطره

حرام والله حرام....مننا أنت تتبره
وخمسة سنين تفوت تجي فيها فد مره

وراك أنا كم شقيت وعشته في مره
وتعبته مع الصغار ال هم للعيون غره

بخاف الغرق الغاص وراء دره
وقالوا أدب الصغار والعقدة من خدره

حليلي أنا الزمن زي خاطري مانفره
وخمسة سنين غياب مابتحملن حره

أنا الحاضنة العذاب وأمالي محتضره
وأنت الفي النعيم ماخات حساب بكره

مسكينة التقول في الأغتراب ستره
وتتناسى القروش في يوم تكون ضره

حليل زمن كت عايشنا بالأجره
ويا ريت لا عرف ولا مرق بره

الكاتمه في جواي كتير أتملك الجوف والعصب
ماكنت دايره أقولو ليك لكن لسان الحال غلب

مابنسى يوم ودعتنا وسافرته في غرة رجب
خليت وراك الدار حزين أتباكى والدمع أنسكب

أعذرني.. والله العظيم لولا الضرورة أنا ماكتب
وانا خايفي في بعدك أكون الضاحي بحصل مكتسب

اليوم داك ناس البلد هنوني شايقية وعرب
قالوا لي خير وجاك وإكتب سلامتو الأغترب

قالوا لي يادوب نجم السعد طلاك من بعد إحتجب
ويادوبو بالك يستريح وتنسي العذابات والتعب

فضلت أحسب في الشهور قاعدة لي فوق نيران لهب
صابره وحريصة علي الولاد مايبقو للريح في المهب

سديته خانتك من مشيت قايمابو واجبي كأم وأب
والأسرة يضنيها المسير تتهاوى لو مافيها رب

والله مابنكر جمايلك لينا....برضو سناك وجب
موكب هداياك ماانقطع كان ستره في الزمن الصعب

لابسين وماكلين... والنعيم كايلنا في يوم مانضب
وعايشين معيشة المترفين طولنا.. ما الطبع أنخرب

حامدنو كان قلته الأكل....... والله للتين والعنب
أما الجناين شيله كابي كب ماكلين فواكه والرطب

البيت مفروش بالحرير..... مليانة آيدي بالدهب
لكن خسارة علي محل عاش سيدو خمسة سنين عذب

الشي المهم ماقتو ليك... ليهو أنت ماظنيت حسب
كبرو الصغيرنين خلاص خايفه لم الطبع الكعب

وصلوها مرحلة الخطر ... والآمن مازال مستتب
وأنا كنتا قاداهم زمان.. لكن بعد كبرو إتغلب

حصلني قبل الجد يفوت... دوب انهم فوق العتب
قبال نحصد الخير ندم ومابجدي كان لمته وعتب

خايفه لم الطيش في الدروب.. مابرضى لو واحد رسب
خوفي المتعبني الكبير ... بعدين يمرقوو بلا آدب

وريتك الحاصل علي..... لا فيهو ثورة ولا غضب
شان الحديث مايبقى ني والواحة يكتنفا الجدب

أنا قلبي مازال لسه حي .. ونجمو الملهلب ماغرب
باكر كلامي تردو لي .. ما ابقى بكرة أناالسبب

&&&&&&&&&&&&&&&&&&&&&&&&&&&&&&&

ودحمد أحمد يا رفاق للشاعر الفاتح ابراهيم بشير

ودحمد أحمد يا رفاق
زول في وضوحو بلا الشمش
من شب قام درفون صغير
سوالو جوة الناس عرش
ياهو الركيزة الفي الفريق
زول حوبة شقيش ما يمش
تلقاهو قدام الرجال
حاشاهو كلمتو ما بتطش
من شب قام زولاً قنوع
ما زكة يوم درب القرش
و ما شالّو حق زول بالغلت
و ما بيرضى سمعتو تتهبش
في ليلة كان راقد حزين
و سارح مع الزمن الوحش
كيفن بعد كان حالو
زين و السوق مفرهد و منتعش
مرّت عليهو سنين عجاف
خلت ضماير الناس تطش
بس فجأة سمع الباب يدق
و ياالله قام من الفرش
بي سرو قال إنشاء الله خير
و أطرافو كلها ترتعش
فتح البوابة بلا نفس
و قدامو كان ود الفتح
قال ليهو أدخل قالو لأ
أنا حالي ما داير شرح
قاليهو جيتك و العشم
سايقني ياب راياً سمح
وقفت أماما بيتي الظروف
حلفت يمين تب ما تزح
البيت معاهو المدرسة
خلّني بي إيدي أزح
و النخلة هادي قدر تشيل
ياخدوها قبال يصطبح
قال ليهو بس نقع البنوك
سلفية و الحال ينصلح
قلبة و قلبتين يا رفيق
و بعدين نشيل من الربح
بس قوي قلبك يا رفيق
و قلبك يكون عجوة محس
من بعدو كان درتة النجوم
تلقاها في شهقة نفس
قبال كمان تصحى الشمس
مشى للخزين ود العوض
قال ليهو إلا تمش معاي
أولادي ديل أكلوا القرض
إتماسكو الإتنين سوا
ود حمد أحمد دار يطير
مرات يجك و مرات يخب
و مرات تحِسّبُو زي عزير
بس فجأة في لمحة بصر
لقى نفسو قدام المدير
نزّلهم كل الشروط
فيهم شرط قاسي و عسير
كان الشرط إيه الضمان
مالبنك منهجو برمجي
صاحبنا قام رهن الأرض
الشاربة من دمو الزكي
مدّاهو معنى الإنتماء
و الضحكة في الزمن البِكِي
ذرات ترابة تقولّو لأ
و الدنيا غرقت في البِكِي
وين تاني تلقالك حضن
يا زولنا وكتين تشتكي
مين السواي بيفهمك
يا حمد أحمد غير حكي
أنا ياني أمك يا جناي
من قمتة زي تمر الفكي
يوم اليشيل فوقك تعب
لابد فوقي أنا تنتكي
لابد ترجع لي صاد
لو حتى في آخر العمر
ربيت أعمامك و أبوك
ماحتاجو لاعند القبر
يا ابني لاترهني هوي
يا ابني هوي عض الصبر
ود حمد أحمد ضمة حار
خلط البيصلح باليضر
ما همو إيه باكر يكون
ماطال حقق للغرض
شال القريشات و إنطلق
و في جيبو شيك سمى السند
مبسوط و يضحك منتشي
و صاحبك يجقلب في البلد
أولادو دايرين يابة جيب
صاحبنا يدي بلا عدد
البت تجيهو المدرسة
صاحبنا يدي بلا عدد
الحاجة همها توب سمح
صاحبنا يدي بلا عدد
لامن شهور الجن مضت
لقى نفسو محمود بالمسد
الشيكة باقي وكيتة جا
أقصاهو لايوم الأحد
ود حمد أحمد إنضرب
بقى يجري زي القانقرض
مرات يفوتك في السلام
و مرات يسوي بكا و حرد
بس فجأة صاحبك إختفى
و همّل عقاباتو و شرد
ما راعى أحساس الورا
و ما راعى للبت و الولد
لي زوجتو الممكن تضيع
في زحمة الزمن النكد

&&&&&&&&&&&&&&

صدقني الفنانة اكرام بت العز

انا باكيه بالدمع التقيل

ماناسيه للعهد القبيل

وريني كيف يسعد قليب

زفوهو بالنوح والعويل

بين التباريح والحزن

عايش سواد ليلو الطويل

اعذرني يا عشق الخلوق

مابييدي اخترت البديل

اختارو لي اهلي الكبار

ملعون ابوالمال البحيل

انا كنت دايراك في اليمين

والدارة طربانا وتميل

في الحنه والزين والضرير

قايدني للشبال تشيل

الا الاهل حرمو القلوب

من فرحة العشق النبيل

&&&&&&&&&&&&&&&&

عـــافــيـــة مــنــك للفنان عبد الرحيم أرقي
عـــافــيـــة مــنــك وراضــيــة عنــك سـو رضايـا
ومـــا بـيــخــــيـــــب الـرضــا والـدتــو يـا جــنـايـا
أنت مـن يـا دوب صـغــيـــر مـن زمان دايماً مـعايا
أنــت ديـمـه أمـامـي سـايـــر مـا بخـليـك بـي قـفايـا

ما بتغيب من عيني لحــظـة ولا حصـل سبتك ورايا
لا من الله يشيـل أمانتوا أنا بـبـقي خاصاك بالرعـاية
ليَ يــرعــاك الـبـيـــرعـي لـيَ بـيــك يبـــرد حشايـا
أصــلـك أنــت هـديــه مـنـو والله بـيـك أجزل عطايا

جيـتــنـي واحـد مـالـي تــانى رحمـه في آخر صبايا
قـبــل مــا أفــقــد قــدرتـي وقـبــل مـا تنـهـار قـوايـا
جيـتـنـي ذي بــدر منـور وفجـأة طلـيــت فـي سمـايا
انـت لــمـا خـلاص كـبـرتـا دار تسيبني أعيش برايا

دار تـفـارقـني وتـسـافــر والـحــزن يصـبــح جـزايا
كيف يـهـون لك تحـزن أمـك شـان تحـقـق ليـك غاية
كان مسـافـر شـان عـلاجي بـلـقي في شـوفتـك دوايا
وكان عشـان تـســقـيــنـا نهـلك نحـن بي حنـك روايا

كان عشـان كــرعــيــنـا راحـل نحن بي بـعدك حفايا
كان مهاجـر شــان تـعـرس خـيـر أبـوك مالي التكايا
خـيـرو وافـر أبــوك يحـمـدوا مراحو مليـان بالسعايا
وبالـقروش الجـيــب مـجكن ولسه برضو الجايا جايا

بـرضـي مــنــك مـا بـقـصـر بـحـفــر أديـــك المعـايا
كــان ده كـلــو كـمــان شُـويّ بـتلقي في دهبي الكفايا
أصـلـي مـن ســويـتــو نــاذرا إبـقـي لــي أيـام قسـايا
خـاتـــا للــزمــن البـعــانـد لـي سعــادتــك يــا عشـايا

أنـت مـن شبـيـت صـغـيــر راسـي مـا بتحتاج وصايا
مـا حـصـل خيـبـتــا ظـني ولا فشــل فيـك زين غنـايا
لا تسـيـب أمــك تـهـاجــر يـمـه محـتـــاجــي الحـمايا
لا تسـيـبـني وراك تـرحـل إنـت يـاك ضُـلـي وضرايا

أنـت فـوق الـحـوبــة مـقـنــع إنـت للـمـكشـوف غطايا
دايري مـنـك تـبــقـي جنـبي . جنبي في فـرحي وبلايا
دايـري كـان قحـيـت اتـبـنـك ارفـع اقـســمـلـك غـتـايا
أنت سـاعـة تـبـقي جنـبـي تـبـقـي ضُـلــي وتـوب قفايا

ومـا بخــاف ظـلـم الـلــيــالي وأنـت يــاك عكاز عمايا
دايـري أقـضـي عـمـيـري جنـبـك أصـلو قارب للنهايا
خـايـفـي كـان ســافرتـا ترجع تلقي فـاضي البيت بلايا
حـيـنــا مـا بتـنـفـع قـروشـك وما تجـيــب لك أم سـوايا

مـاني عــارفـي سـبــب رحـيلك يـا وليدي شنو الحكاية
إلا تبـقي بـــراك شــايـف فـي فــــراق الــوالــدة غـايـه
ما بعاتبك وما بلومك لو رحلت بلـقي في الأمثال عذايا
عـلـي حـجــر دايـمـاً قليـبـك وقليـبـي كـله عليـك جنـايا

_________________
صورة


آخر تعديل بواسطة قلب الجزيرة في الثلاثاء أكتوبر 14, 2008 12:45 pm، عدل 7 مرات

أعلى
 يشاهد الملف الشخصي  
 
 عنوان المشاركة:
مشاركةمرسل: الأحد أكتوبر 12, 2008 9:42 am 
غير متصل
عضو متميز
عضو متميز

اشترك في: الأحد يونيو 29, 2008 3:50 pm
مشاركات: 1692
مكان: الرياض
النوع: ذكر
[twh]الرواسي للفنان جعفر السقيد [/twh]

بـدر مـــدر يـــا رواســـى نـحــن بـعــاد لحـقـنـا الـقـيــف
انـت مدبـج ونحـن نقاسـى بــرد امشـيـر والـمـوج والزيـفـة
مركـبـك الماليـهـا مـطـارق تمـشـى تقـيـف تـسـرح بيكـيـفـة
مـرة مغـارب ومـرة مشـارق وانـت تخـاف الريـح وحقيـقـة
ساوهـا زينـة وفـوقـا بـيـارق وأنــت مـدبـج تــوب وقطيـفـة
فيها المات زو الضاربه الفالق والمسلمين فـى حالـة مخيفـة
كـل النـاس تـرزح فــى كـفـة وأنــت ونـاسـك فــوق الـدفـة
الدايشيـن والراسهـم لفـة والشاخصيـن فـى الـمـدى للضـفـة
سـاولــك فـوقـهـم الـفــة فـــوق الـمـويـة وريـقـهــم جــفــة
مـن العطـش النـص اتوفـى وبـاقـى الـنـص الفـضـل جيـفـة
ضاقوا المـر والحـال استعصـى الشغـال واللاحـق الحصـة
الـواصـل للـرحـم اتقـصـه والـهـداى مــو لاقــى الـفـرصـة
الرسـاى سافـر مـا وصـى خلـى محـمـد واحـمـد وحفـصـة
الأطـفـال العـرفـو القـصـة ســدت جــوه حلـوقـهـم غـصــة
مــن الـجـوع الــدم اتمـصـه واصـبـح كــل الحـلـم رغـيـفـة
كـل الراكـب شـاف احـلامـو دون احـسـاس مـاتـت قـدامـو
فـن كتابـو وكسـر اقـلامـو لا الوالـديـن لا جــار مــا لامــو
هزموه اخوانو البى الجوع ناموا وكم خريج ما لاقى وظيفة
يـا الفكيتهـا وقلـت لهـا سيـرى وعـارف إنـو الدنيـا دمـيـرى
لا فى ضفاف لا شفنا جزيرى لا فى الحيرى لا فى الطيرى
كسـرت جناهـا وقلـت لهـا طيـرى واتملكـت الكانـت ميـرى
يـا السـودان الناصـع وحيـرى ايـد الـحـق صابـونـة وليـفـى
قبلـك كـم متعلـم وقــارى عـكـس الـريـح فكـولـو الـصـارى
مشدوهـيـن متعـشـى وحــارى ريـسـهـا شـلـتـه والـبـحـارى
كـم سنـوات علامهـا البـارى واقفـة وهــم شايفنـهـا جــارى
بقينـا هـلاك والقيـف مضـارى لا حجـار لا دوحــة وريـفـة
حـسـك عيـنـك مــا تتـمـادى وتنـسـى الـراكـب عـنـدو إرادة
الأهـوال الشافهـا وخاضهـا كــان فــى مـدرسـة ولا عـيـادة
شفـنـا الإيــد الكـانـت اجــواده عـلـمـت الله مـــن التعـريـفـة
يــا ريـسـنـا قـــدر وديـــرك فـــك الـدفــة وادهـــا غـيــرك
احفـظ نفسـك ترضـى ضميـرك وقـف اوع تواصـل سيـرك
كان طاوعتنـا شـن بيضيـرك عـرض اكتافـك وفـك البيريـك
لا هنـى وشكـرا وكتـر خيـرك انسـان فـى الأرض خليفـة

&&&&&&&&&&&&&&&&&&&&&&&&&&&&&&&&&&&

--------------------------------------------------------------------------------

[twh]ولا شوفتا تبل الشوق ولا ردا يطمن للفنان النعام ادم [/twh]

لا شوفة تبل الشوق ولا ردا يطمّن
أريتك تبقى طيب إنت ، أنا البي كلو هين
قليبا لي رهيّف عارفو ماب يحمل حنيّن
إنت ماب يغباك حالو الفيهو كل البيهو بيّن
بقيت مالي غير أشعاري أكتبه فيك وأدوّن
أقول يمكن تزيل ما بي ولاّ قليل تهوّن
ومالكن يا قماري بتشدن إيش لازمة تغنّن
نغيماتكن تهيج أشواقي للعينين يبكّن
بدّيكن وصية أمانة لي سيد روحي طيرن
ترا الحال العي شفتنو قولن ليهو أحكن
قوليلو السحب في روضو ما عادن يكبّن
وأضحى محل خراب ما فيهو غير زهرا مضبلن
قولن ليهو ليلو طويل .. طويل.. طولا يجنّن
لا قمرا ظهر في سماهو ، لا نجمات يضوّن
وكل ماليهو يتصبّر يقول أيام يعدن
يمنّي لنفسو بي لقياك ولاّ ترد لو يمكن

&&&&&&&&&&&&&&&&&&&&&&&&&&&

[twh]حبل الصبر
للشاعر عبدالله محمد خير
والفنان صديق أحمد [/twh]

تلب أمسك حبل الصبر خلو قلبك لا يبقي ني
أصلو ود أب زيد كل يوم من بلدنا يرحل جدي
شن بسويلك عاد أنا القبلك الحرمان مر بي
والضنا الهسا عليك زاد من زمان أنا زايد علي
كم حبيبا شغل الفؤاد في العيون كان متل الصبي
حل بي (توفيق) السواد مافي زول قال كفاره لي
أرقى يا تلب ودعت قبلو كم قمره منوره
وكم تحف نادرات سافرن وكم فراشه وكم جوهره
وكم قلوب متلك بالفراق الأنين والشوق سهره
شوف عوض عبدون الحروف خل من باطنه ظاهره
يا عوض مدرسة الشعر بي جداره إياك ناظره
بي غناك حرف السين بقت فوق بنات جيله مبطره
سابك اللى بلد الجليد ودعك ودقّ مغادره
يا قلب مالك انجرح ولسه ليه جرحك مابره
أما أنا المسكين الطروف غرزت في أظافره
وين غناي لي شتل الجروف والجناين وأزاهره
أسألوا الدرويش عن صديق عمرو كم جمرات عاصره
خلو يحكيلكم عن حياه النجيفى الهو معاصره
الككر يا رحمن زمان ضاع مع العشاق شاعره
مانفع تغريدو الحزين ما نفع صدق مشاعره
جننو (البتوفيق) رحل وهام ورا القام بالباخره
خلا دنياهو فرندقس ما عرف أوله وآخره
أرقى يا رحمن في السماح مافي بلداً بتجاكره
الله مديها سماحه صاح من كروها ولى تكره
أصلو ود أب زيد معترف بي جريمتو ومو ناكره
كلو جور القال سفروها وقطع ليها تذاكره.

&&&&&&&&&&&&&&&&&&&&&&&&&&&&&

[twh]يا قمره
للفنان صديق أحمد
والشاعر عبدالله محمد خير[/twh]

يا قمره ... صبي السنسني الحمره
شوفي أبوي أنا الراجاهو كلو صباح
يا زينوبه أبوكي هو أصلو حالو بره
لو قاري العلم هو ولاهو سيد خبره
ومو زول غربه لكن الظروف جابره
مالو إن كان صبر كل الخلوق صابره
والصابرات روابح لو يجن قماح

هو أصلو متين نساكم يُمة شان يطره
بيتنفس هوا ذكراكم العطره
رهيف إحساس حنين قلبو بالفطره
نديمو بقت دموعو الديمه منقطره
وأصلو إن ما قعد بينكم ولا بيرتاح

جاهو العيد كمان زاد القليب حسره
ساد العبره حلقو ونفسو منكسره
هو لا لمّ القروش لا حصل المسره
بلد ما فيها زول مات من عدم كسره
فراقكم ليها يا أحباب ولا كان صاح

يا أمارتي الما طاعت الأمره
ندماني وبقت محتاره في أمره
بعد قسن الدرادر قصرن عمره
الشوق فاض وعماها الحنين غمره
الشوق للبلد لي بهجته وسمره
الشوق لي مقيلا ضم ضم تمره
الشوق لي حديثا ضم ضو قمره
الشوق للبلد جابريتا وككره
كان الشوق يخفف والله يبرى جراح

مشتاق للحسيناب أسقه وبكره
مشتاق للقبيل إتربوا فوق حكره
مشتاق للدميري ومويته العكره
مشتاق للجزيري وتشقه وهكره
مشتاق لي قطع بحره ودخول وكره
مشتاق للأبي يفارق الفؤاد ذكره
مشتاق للعلى مشغول دوام فكره
مشتاق للصباح ديدن غناي شكره
وياريت كت بقدر أسوي شوقي جناح.

&&&&&&&&&&&&&&&&&&&&&&&&

[twh]دروب الريد
الفنان صديق أحمد
والشاعر عبدالله محمد خير
[/twh]

ريدكم لي شديد يا يابا ريدي أنا للبريدو شديد
إلا أنا ما معاكم ديمه لكن عن حبيبي بعيد
خلوني اللسافر أبوي لو كان في إجازة العيد
أمشي أزور حبيبي الغالي داير أوفي حق الريد
عشان يا يابا من يوم روح ما جاب لي منو بريد
وما قال لي وين يا زولي كيف عامل براك وحيد
ليشن يابا ما بترضوني ياني وليدكم الويحيد
خايف بكره ما تلقوني إلا تتلتولي القيد
شان شوق الحبيب مالكني والنار في ضلوعي تقيد
داير يابا أمشي وأزورو يمكن شوفتو لي تفيد
يابا عليك عطفك لي ما تخلوني أبكي شديد
ويابا إن كت بتدري البي ماب تأبى لي أبقى سعيد
يابا إن كت قادر أخلي كت خليتو بدري أكيد
زولاً حبو عاش في قلبي كيفن عن طريقو أحيد
كان يا يابا ما جربت تهواها الحسان الغيد
وكان يا يابا ما أشجاك صوت البلبل الغريد
وكان يا يابا ما ساهرت وعينيك ضاقن التسهيد
ما بتهتم بي أعذاري مهما أقول ومهما أعيد
دحين يا يابا ماك مشتاق وحيدك يبقى عندو وليد
يحوم في البيت ويلعب فيهو يمرح في براءه سعيد
يقول لي يمه يا حبوبه يا حبوبه عندي نشيد
يسعدني ويسر بال أمه ليك يا يابا يبقي حفيد
هاك يا يابا من أشعاري أبيات أنهكا الترديد
كم تاه في دروب الريده قلبي وكم نظم له قصيد.

&&&&&&&&&&&&&&&&&&&&&&&&&&&&&&&

[twh]قصيدة يا محسنين (( غناء الرائع / جعفر السقيد))[/twh]قومة من النباه ما ضاقلو قوت الفاه
غير كلمتين فى اليوم إعتادن الحلقوم
من الصباح للنوم يا مـحسنين لله
تبدأ الصباح بالآه ومنك زمن تواه
وتتمسى يا الله من شدة المأساه
ترقد رفقت الشاه حالاً صعب رضاه

جواها صوت مخنوق ما بيسمعوا المخلوق
وبالاً شتيت ممحوق وأنه أسى وخازوق
بحت لسان مريوق ينادى مـعـتـصـمـاه
يا محسنين لله
حبل المروه الكان ممدود من الجيران
وأعـمـــامـه والخلان بالمطرقة وسندان
يا حليل رجلنا زمان بس فضلو الأشباه

قبال ثلاثة سنين يتمت من الوالدين
ومن بعـــــدو بسنتين راح الكفيل وحنين
خلا لها دمعة عين وخلا لها خمسة أفواه


صبارة قادرة تطيق كل الآلم والضيق
وتغلب نشاف الريق والمصلا والابريق
وقلبـــاً وفى وصـــــديق لا ضل يوم لا تاه

إلا الصغيرونين يتبـــــاكو هم دايرين
فى لحظة وحين مـا بيعوفـوا المن وين
والحــوجة سيفه سنين يقتل رقاب الجاه

سالت دموع أنهار جسر الصمود إنهار
عارفى العدم جبار مر ما بيراعى صغار
إلا الفقر مـو عار بس للوجوه شواه

ضايقى العذاب كم نوع وعارفى السؤال ممنوع
شبعانه فوقو الصوع ورويانه نوح ودموع
الله يجازى الجوع كم كم حنالو جباه

تب يا زمن مـحاق من ضلك الرقـــــاق
يا قاسى يا فراق يا اللى الفرح سراق
حنضل أساق دقاق مـا بيحملنو شفاه

عطش السنين فى الجوف طرد السئم والخوف
فرش دواخلى حـروف روينا بالمعــــــــروف
ولا قلة المصـــــــروف لا الحـــــوجــة تتوطاه

&&&&&&&&&&&&&&&&&&&&&&&&&&&&&&&&&

[twh]سارى الليل ... ( عبدالقيوم الشريف ) [/twh]

يا ساري الليل : ما شفت عوض تابع النجمات فات لي قدام ؟؟
يا ساري الليل لقد ذهب عوض في ليلة من فيضان 1988م
من يوم البحر الجانا وتسب وقام
يوم دخل الحلة وهدم بيوتنا ترا وهدام
صبحنا ضيوف ما خلاّ وراهو صلة أرحام
يوم داكا عوض خلاها مرق سفره طويل مع الأيام
ثم يسترسل في أوصاف عوض
درويشاً صغير عشرة أعوام
الزول زول الله من الصلاح الرفعت عنهم الأقلام
من غرث الرسل الدارو الآخرة أم خيرن دام
التركو نعيم الدنيا الزايل للعبدوها وللحكام
ثم يبدا في وصف ملابس عوض وما كان زاده يوم خروجه
متجلبب بي تيبان الرحمة غتا وهندام
متنعلت بي أرض الله الواسعة خطى الأقدام
متزود شايل خير الزاد تقى وإلهام
يا ساري الليل ما شفت جناح جبريل غتاهو بقالو مظلة جلوس وقيام
يا ساري الليل أين ذهب عوض هل غرق في جوف الليل أم رحل في رحلة تصوف
يبقالي نجع متوجه قاصد أرض الشام
ما شفتو هناك مع الحجاج لابس الإحرام
بين يثرب ومكة وفي بيت الله المكسي رخام
يبقالي هناك يكون مندسي مع الخدام
يا ساري أبل جهدك نحنا فتشنا في كل محل ما خلينا بكان
فتشنا سما أرض ما شفنا منام
في التمر الشايل تكا سبيطو مدلول خام
في الجرف الأخضر في لوبيهو وفي النجام
في جدول جاري تسرسر مويتو نعيماً دام
ومع ذلك لم نجده وقد طال الغياب ولن نيأس فالحلة في الانتظار فاينما وجدته بلغه السلام
يا ساري الليل أنا داير أوصيك وأديك كلام
الروح إين صعدت لي باريها وفي جنات الخلد مقام
لو لاقيتو في إي مكان في إي زحام
روح كلمو قولو الحلة بكت من شوقا إليك تغريك سلام

&&&&&&&&&&&&&&&&&&&&&&&&&&&&&&&&&&&&

[twh]آخر زمن ... ( عبدالقيوم الشريف ) [/twh]

تـانـي مــا بنـدسـه الخـبـر نـحـن قــدام واقــع مـريــر
فى البنات زي السـوس نقـر يـا خـى دنيـا اخـر زمـن
عـوانـس فــى المجتـمـع ديـــل بـقــن للـبـنـوت عـبــر
قبلهن كم الات سمـاح ضاعـن واخيـر ياخـدن الحـذر
الزواج صح قسمه ونصيب حكمـة ممـا خلقـوا البشـر
بيهو كم عاشقين ضاقوا مر مؤمنين بيهو قضاء وقدر
اوعــه مــا تخـدعـك الـوجـوه المنـديـة مـتـل الـزهــر
تبدو مبتسمه فى الصباح وفى الدواخل عـدوان وشـر
السمـاح ماهـو سمـاح عيـون واقعـه متمتعـه بالـحـور
ماهو عود نادى ومستقيم نامي فوق عز وفـوق بطـر
مــا تـقــول سـمـحـات الـشـفـاه المـنـديـه زى الـزهــر
مــا بتـأكـدوا لـيـك الكـتـوف الـمــردم فـــوق الـشـعـر
مــا تـقـول سمـحـات الشـفـاه الكـلامـن يـهــز الـوتــر
مــا بتـأكـدوا لـيـك الكـتـوف الـمــردم فـــوق الـشـعـر
السمـاح فـى العفـة والديـن القنـاعـه وغــض البـصـر
دي القناعـه وكنـز الزمـان واحتـمـال نكـبـات الـدهـر
البـنـات تابـعـات الـهـوي مغـرمـات باللـيـل والـسـهـر
الغرام بقى بس بي الجيوب والبيـوت والطيـن والمتـر
الواحـدة تتعلـق بالـدروس والمـراوغـة مـنـذ الصـغـر
تنتظر لن تقضي الدروس وتسهى لمن يفوتهـا القطـر
حـتـي كــان قلـتـا الامـهـات الـعـرس سـونــو مـتـجـر
اصبحـن للدنيـا العبـوس وللقـروش سعـرانـات سـعـر
يــا حلـيـل زمــن الابـهـات كـانـوا غسالـيـن للـصـقـر
الزمام صار عند الحريم صار عديل البيع فـى المهـر
فـات زمـان الحـن والحنيـن الفضيـلـة وعـاهـا انـدثـر
لا تهـم يـا اخـوي إن سمـع قالـوا قــام شــوك للعـشـر

&&&&&&&&&&&&&&&&&&&&&&&&&&&&&&&&&&&&&&&
[twh]
البنوك ... ( ود اليمنى ) [/twh]

البـنـوك فــى كــل شــراع شغـالـة بــى فـعـل الـمـضـارع
ومــا بتسـاعـد للـمـزارع الـدقـون فــى الـسـوق تـصــارع
لا ضمـيـر لا حـتـى وازع شـعـب يبـحـث عــن كـــوارع
رومــــــــــــه مـــــــــــــن خــــرفــــانـــــو طــــــالـــــــع
كـلــوا زول شـايـلـوا سـبـحـه الـدقــن دايـرالـهـا مـسـحــة
الــكــرش دايـرالـهــا زحــــه لـعـبـايـة الـفـوقــه طــرحــه
الـبـلـد ماسـكـاهـا قــرحــه لا فــــى صــحــة لا مـصـحــه
عـاســوا للـقـانـون عـواســه الـبـتـر مـــن غـيــر دراســـه
بعـض ناسـا قطـعـوا ايــدا وبـعـض نـاسـا قطـعـوا راســه
بـعـض نـاسـا فـــى الـحـراسـه الـدقـيـق والـزيــت اغـاثــه
الـغـنــى يــدوهــو اردب والـفـقـيـر مــــا يـلـقــى طــاســه
انتو تجروا وبي وراكم نحن نجرى وللوراكم ما بتفكـروا
تلقـى نـاس قاعديـن يذكـروا بعـد شويـه يقومـوا يسـكـروا
انتـو جـاريـن بــى لسـاتـك ونـحـن جـاريـن بــى حـداشـر
انتـى فـى الطابـق الحداشـر ونحـن فـى الحـارة الحـداشـر
انـتـو توصـلـوا مــن تـلاتـه ونـحـن نـقـعـد لـــى حـداشــر
الـفــرق بينـاتـنـا شـاســع انـتــو ماسـكـيـن يـاتــو شـــارع
انــتــو حـارسـاكــم مــدافــع ونــحــن بـالـيــل أى شــافــع
يـقــوم يـكــورك يـمــه يـابــا ويـمــه شالـتـنـى الـعـصـابـه
وبــــــــــــــــرضــــــــــــــــو تــــــــــــــــجـــــــــــــــــرو
كـــل نـائــب عـنــدو دائـــرة واى واحـــد عـنــدو دايـــره
الحقيـقـة الدنـيـا دايــره وفــى الـجـنـوب الـحــرب دايـــره
محمد احمد مرتو دايره وبتو دايره والقيم فى وطنى دايره
وبــــــــــــــــرضــــــــــــــــو تــــــــــــــــجـــــــــــــــــرو
القاعـة بـاردة وبالمكيـف ونـاس وراء الباصـات تصـيـف
شــــــعــــــب فــــــاضــــــل لــــيــــهـــــو يــــخــــتـــــف
اليـشـوف كبريـتـه يـرجـف واليـشـوف صـابـونـه يـهـتـف
مــا ده شـعـب الإنتفـاضـه شـوتـوا بــي فــوق الـعـراضـة
ومــا اظــن الشبـكـه شـافـه ومــا اظـــن قـــاس المـسـافـة
وشــــــاتـــــــه بـــــــــــــي فـــــــــــــوق الـــكـــشـــافــــه
كــل نـائـب ادو قطـعـة وقطـعـة ناصـيـة ودرجــة اولـــى
وكـــل كـيــال لـيـهـو فــولــة الـحـكـومـة الـتـمــه حــولــه
تـزغـردولا تفرتكـوهـا تشـبـلـوا لـــى لـلـطـرف البـنـاتـف
والـبـقــيــة تـرجـعــوهــا والــبــلــد مــلــعـــون ابـــوهــــا
الرايه فوق القصـر شامخـه الرايـة برضـو كمـان جريـده
البنـوك مسـكـوا اقتصـادنـا ونـحـن جيبـنـا عـلـى الحـديـده
الـنـمــر مــركــوب ويــرقــش سـبـحــة لالــوبــا غـلـيــده
الــدقــن بـالـحـنـه تـلـمــع راكــبــه مـرســيــدس جــديـــده
وناس تكابـس فـى العصيـدة وانتـو تضربـوا فـى الكويتـى
حمداحمـد ونـاس بخيتـى ياكلـوا عيـش ماسـكـه الهريـتـى
ويــا عصـيـدة فيتـريـت انـتـو تاكـلـوا شـيــه وكـبــده نـيــه
ونـحــن راجــيــن الـضـحـيـه يــــا لـقـيـنـا ويــــا عـدمـنــا
ومـافــى صــابــون لـهـدمـنـا انــتــو ســكــان الـصـرايــه
قـولــوا لـيـنـا شـنــو الحـكـايـه جـبـتـا وريــقــه ودوايــــي
وجـــــيــــــب لــــــــــــى قــــرطــــاســــة مــــحــــايــــي
انــا اصـلـى محـتـاج للكتـابـى ويـــا حلـيـلـك يـــا تـرابــي
واخـرابــك وا خـرابــي ونـــاس تـكـابـد فــــى الــروابــي
وتــــلــــقــــى شــــــافــــــع لادغـــــــــــــو دابـــــــــــــي
ونـاس وراء الباصـات تشابـى مــن الكلاكـلـة وللصبـابـى
ونـاس يـوردوا فـى الكبابـى ونـاس يحنسـوا فـى الترابـي

&&&&&&&&&&&&&&&&&&&&&&&&&&&&&&&&&&&&&

[twh]أنا ماشبه عريسك ... ( ود اليمنى ) [/twh]عــاد مـانـي شـبـه عريـسـك أنــا حفـيـد تـربـال وغـبـش
مــــــــشــــــــقــــــــقـــــــــات إيـــــــــــــــــــــــــــــــــده
ومانـي شبـه عريسـك أنـا وانـا الـلـى بـكـره مــا عـنـدي
حــــرم والــكــرم والــجــود والـطــوريــه والــواســـوق
يــــــاهـــــــا ورثــــــتـــــــي مـــــــــــــن جــــــــــــــدي
وشباكـاً يجيبلـي هـواك اتحـداك مـن تـالاى عديـل سـدى
وعريـسـك دايــره لـعـبـه مـحــل مـــاك دايـــره بـتــودي
وإن ملـيـتـى مـنــو كــمــان مـمـكــن لأى زول تــهــدي
وإن حبـيـتـي واحـــد تـانــي طـلـقـي أوعــــه مــاتــردي
وهـو كـان عنـدو ليـك سـؤال يـمـد إيــدو ويـقـول فـنـدي
وإن كــان مـنــو فـلـتـت كـلـمـة لآ جـــد جـــدو تـنـسـدي
وعــريــســك يــشــبــه الــقــمــره يــشــاركــك ديـــمـــه
فــــــى الـتـولــيــت والأريــــــاح وفـــــــي الــخــمـــري
وكمان عند حفـرة الدخـان يقولـك يـا أختـى زحـى كـدي
عــاد ملـقـطـه كـلــك اسـبـيـرات مـثــل فـضـيـة الـعــدي
ضفـورك مـن صنـع باريـس رمــوش عينـيـك هولـنـدي
مسـاحـيـق وبـــدرة مـصـريـة بـــي صـابـونــة بـتـهــدي
كــدي اقلـعـي البـاروكـه كــان مـــا تشـبـهـى الـقــوردي
ولا تـــعـــالـــى بــفــســتـــان قـــصـــيــــر رجـــــلـــــى
كــــــــان مـــــــــا أحــــلـــــف عـــلـــيـــك ســــعـــــدي
أنـا كـان وديتـك تـردي هنـاك بتشيـلـي الصفـيـح تــردي
وإن كــان مــا لقيـتـي البـاسـطـة مـــن الـدومــه بـتـكـدي
وإن قـت ليـك مراحنـه جعـان تعرفـى تمعطـي السعـدي
وحـات اسـم الله مـن نـص حـوض إلا تمسكـك الــوردي
إذا قايلى السماح فى الشارلي أنا زولى سماحتو بالفردي
وكان قايلـى انتـى جميلـة زولـى انـا فـى الجمـال هنـدي
وكـان قايلـي زيـك مافـى عايـنـى وفــى النـجـوم عـنـدي
وكـان قايـلـي انـتـى بــراك اخجـلـي ومــا تقـولـي كــدي
أمـانـة الدنـيـى مــا مليـانـه بالـحـور حــواء كــم والـــدي
واحـدات فـي لبـاس السـن ووحـدات فـى عـرش شـنـدي
عـاد عليكـم الله يـا اخــوان ماتشـوفـوا المطرطـشـي دي
اقولهـا لا تـسـوى كــدي واخيـرلـك كــان تـسـوى كــدي
تـقـولـى (نـــو) آسـفــه (ســـورى) ذوقـــك ذوق بــلــدي
قـــبــــال مـــنــــى مــاتـــعـــدي عــــنــــدي وصــــيــــة
لــيـــك بـقـولـهــا اخــيـــر تـاخـديـهــا مــــــن عـــنـــدي
شـان عـرس البلـد عنـدي شـان عــرس الـمـدن شـحـدي
أنــا أهـــرب مـــن الـبـنـدر وأروح لـــى بـنــات بـلــدي.

&&&&&&&&&&&&&&&&&&&&&&&&&&&&&&&&&&&&&

_________________
صورة


أعلى
 يشاهد الملف الشخصي  
 
 عنوان المشاركة:
مشاركةمرسل: الاثنين أكتوبر 13, 2008 10:09 am 
غير متصل
عضو متميز
عضو متميز

اشترك في: الأحد يونيو 29, 2008 3:50 pm
مشاركات: 1692
مكان: الرياض
النوع: ذكر
لغرامك لى شريك
الفنان عزالدين شكري

ما كــنــتـــا قـايــــــل فـــى غــرامــــك لـى شريك
لـكــن عــرفــــــــتـــــا وتـــــــانى مـــا برجع إليك
والله كـل مــا اتـذكــرك اتـذكـــر إنو معـاى شريك
زي ما قـلـيـبـى اشـتــهـــاك تـلـقاهو ايضا يشتهيك
قولى لى ذنـبـي آيــه مـا الـنــاس جميع مفتونه بيك
طماعه يا ست الجـمـال كـيـفـن تطيرى مع جريك
ماكل غرام بيظل غــرام ماكـل بـريــق سن إبتسام
ما كُل خـطــوة إلـى الأمـام أحـيـانـا بيتعسر مشيك
قولى لى كيف قلبك سـمـح يـخـدع قـليبى الإنشرح
ودرتى زول كايـس فـرح عيشتيهوا فى دنيا الترح
مـسـتــنـى كـان تـبـقـيلوا غيمه تظللى من حراً لفح
لكـن بـقـيـتـيـلـو الهـجـيـر فى وادى منو الغيم نزح
لو قيس سمع ماكان ندم كان يرثى لى حالى ويحن
كان يبكى زين دمعاتوا تهـطل فوق عيونا ويغسلن
ما بـيــرضـى كــان الــغــرام يصبح سلع ونتبادلن
رغم الحصل قلبى الأمين لا راضى لنفسو الخداع
لا راضـى لـى غـيــــروا الأنين
واحساسوا بيك يا ست الــجـمال
ما بيرضى غيروا يعيـش حزين
انا اصـلــى مــن ريـــــدك قنعتا
وآخــر وصــيـــه بـقــــولـه ليك
ابــقــى عــشـــرة عـلى البريدك
لا تـخـيــبـــى ابــداً ظنـــوا فيك
ابــقـــى زى لـيـــلـه وبـثــيــنـه الغرور لا يعتريك
قــالــوا للــريــد عـداوه مـن عـداوتـو بخاف عليك

_________________
صورة


أعلى
 يشاهد الملف الشخصي  
 
 عنوان المشاركة:
مشاركةمرسل: الاثنين أكتوبر 13, 2008 10:18 am 
غير متصل
عضو متميز
عضو متميز

اشترك في: الأحد يونيو 29, 2008 3:50 pm
مشاركات: 1692
مكان: الرياض
النوع: ذكر
السيرة الذاتية
الاسم : عباس عيسي علي
من مواليد قرية أرقي عام 1959
نشأ في القرية ذاتها تلقي مراحل التعليم
الاولية : المدرس الاميرية الدبة
الاسطي : الاميرية الدبة
وكان الشاعر متفوقاً ذكياً وكان متسلطاً ويهوي الابداع والجمال
ويحب الابتكار ويحاول دائماً ان يكون مخترعاً لذلك قطع تعليمه
ودخل مجال العمل حيث بدأ عمه بالنقاشة والخط والرسم والديكور
لم يكن دارساً او مدرباً لهذا المجال الا ان الموهبة والهواية والاصرار جعلت لمهنته تاخذ طابعاً وشكلاً جميلاً واصبح عمله متطوراً وكانت هذه الفترة ما بين عام 69 الي 73 بعدها احترف مهنة النقاشة وانضم لوزارة التشيد والاشغال العامة بدنقلا.
وعمل ضمن فرقة النقاشين الذي قاموا بقاشة المسرح والكبانية الالية وكاتب الكمندانية واستاد الكرة وقصر ود نميري بود نمري غرب جزيرة لبب وصيانة كثير من المؤسسات يوم 1/1/1978م بعدها انتقل الشاعر الى مدينة شندي وعمل في المهنة ذاتها بوزارة الري وعمل بمنطقة النوراب والترجمة و قندتو لم تكن فترة عمله بالري طويلة حتى بدأ مشور الرحيل والهجرة والسفر قبل الهجرة والسفر يقول الشاعر في الفترة ما بين ا977م الى ا982م عرفت الفرح الدموع والعاطفة وعرفت البكاء وعرفت الكتابة.
شئ غريب لم يعرف الفرح ولا يعرف الدموع ولا يعرف متسببات سأله كيف يكون ذلك لا نعرف الفرح والبكاء قال له كنت اعرف الفرح والبكاء ولكني كنت اعرفها بوطاة خفيفة على الصدر واللسان ولكني في الفترة ما بين 77 الى 82م عرفتهما بما يقيمان الان عندي فالفرحة شئ لا ملموس ولا يجدها الانسان عندم يرها والبكاء وقصد به الحزن شئ يخصصه الله لافراد مثلى ربما يكونوا قليلين جدا ومن ضغط تلك هاتين المسميين بالفرح والبكاء وجدت نفسي اكتب كلمات اشعر من خلالها باني قد تناولت جرعة دواء وفي حينها اتمثل الى الشفاء الذي لم يطل كثيراً في تلك الفترة اللحظة كان الشاعر يجلس على احد الكراسي بجواري وكان ينظر الى الارض وكأنه قد اضاع شئ يبحث عنه . كنت اجلس بجوره فحاولت ان اشد انتباهه بعبارة فقلت له قل لي ماذا في تلك الفترة بوضوح فرفع الشاعر رأسه وقبل ان يقل شئ تكلمت عيونه بدمعات سالت الى صدره وصمت عن الكلام فترة ثم قال لي ارحمنمي وطلب مني ان انتقل معه الى ما بعد تلك الفترة .
وقبل ان ارد عليه قال لي لكي تكون رسالتك التي اردت نشرها واضحة للقارئ الكريم.
فأقول لك تلك الفترة قد ترجمتها الكلمات التي تغنى بها الفنان(صديق احمد)
بنات العامة طاريهن عشان فاتن وزولي فيهن وكانت ةاضحة في الكلمات التي تغني بها الفنان (عبد الرحيم أرقي).
لو نشابي نقش نفوسنا الطول عميره دموعه كاَبة وايضاً كتبت مخاطبا احد الاصدقاء الاخ ابراهيم على عمر بعد ان قدري ودنيايا قد جادو فوجدت اتهامه لي غير صحيح فكتبت مخاطبا له قصيدة بعنوان ابراهيم وعباس والحظوظ والتي يقول مطلعها:
لا تشيل هم يا ابراهيم اصلوا مرة تجئ الدنيا نور
وكتبت مواسيا احد الاخوان:
الحاصل خلاني َارفيق وامشي ارجع اصد لي ورا
عشرة سنوات عشتها عذاب بين ضلوعي امسكا ابعثرة
وكتبت قصيدة رحلة الى الشمال مع سربوج:
انت ياسربوج يا عجيب قصتك حيرت العقول
رغم اني هاجرت اشعر فيك ياسربوج عندي قول
وهناك اعمال كثيرة اكتملت ولم يسمح لي الوقت ولم يسمع الكتيب نشرها وهناك ايضاً اعمال لم تكتمل - هذا ما اوضحه ليالاعر .
ثم قال عباس عيسي اليوم انا اب لثلاثة اولاد وبنت وهم (عدي): (قصي): (محمد) : (مراسم ):

حاوره : حمزة محمد احمد ادريس

_________________
صورة


أعلى
 يشاهد الملف الشخصي  
 
 عنوان المشاركة:
مشاركةمرسل: الاثنين أكتوبر 13, 2008 12:44 pm 
غير متصل
عضو متميز
عضو متميز

اشترك في: الأحد يونيو 29, 2008 3:50 pm
مشاركات: 1692
مكان: الرياض
النوع: ذكر
[twh]هذه القصائد للشاعر

عباس عيسى علي
[/twh]اهـــــــل أرقـــــــي ســــــــلام
ياسـلام لامـن اقـول سـلام بلديـيـارض الطيبـيـن
عاد متين امش اقول وداع بالغربـة قاعـد فيـك لامتيـن
نهجـر الاوطـان نسافـر ونتكتـب مــن اللائجـيـن
وهجرى ليك ياوطنـى العزيـز يتكتـب فـوق الجبيـن
لم فتنا بلادنا يـا ام زيـن فتنـا لاكيـن مانـا راضيـن
والسفـر والغربـة يالزيـن قسمـه مـن رب العالميـن
فتنا ست الريد في شكـك نمشـى والله نجيهـا راجعيـن
فتنـا نـاس امنـه ومحاسـن فتنـا حبوبتـي ام الحنيـن
فتنا ارض النيـل والنخيـل والجزائـر العامـره وزيـن
فتنا ام بى دموعها تـودع فـي وليـده جنـا المصاريـن
ويا حلات قولا تقولو وكت خلاص نجى نبقـى ماشيـن
السفر يا ولدى طاير والرحيـل عـاد حـدو لـى ويـن
مـا ابينـا لاكـيـن غـيـر نفـكـر قمـنـا ماشـيـن
قمنا فوق درب المجانين وفـوق طريقهـم قمنـا داجيـن
يا الاهى ارجوك فى الحين عوده لى ناس أرقي اجمعيـن
يا السعيد التتحسب زين شوق دريب الرجعـه بـى ويـن
وبى قناعت النفس استعين وبـق فـي وسـط المسالميـن
ان اعطيت وكان انطلب دين ماب يقولو لـك لـى متيـن
انت بين ناسا مسامحيـن وبرضـو بيـن اهـلا حنينيـن
امطرح في الضل الرهين من جداولـك تـروى بالهيـن
نومه في نيمة الخال عـوض ومـده فـوق ود الحسيـن
فطرة في بيت الخال الخال حسن والقى فيها شبابنا رابطين
اصلوا تمرة سيدى الحسـن يـاه مربـط فـرس الحنيـن
تلقى فيهـا كبيـر العمـر وبرضـو مجمـع للصغيريـن
مانى ناسيك انا يـا بلـد وحيـن مراكـب التكـر تبيـن
بمشـى فـى المنجـره اسـع ومـع البكـره مدلقشيـن
طمبنارتـى قشابـى وجراديـل اكبـر لـى شاهـديـن
كم حفرنـا القرمـوص متـر ومـاب تدفينـا البطاطيـن
كم بنينا بيوت الحطب ومـره فـى القايلـى مصنقريـن
برضو بين اهـلا طيبيـن وكنـا بـى دا وداك راضيـن
يازمني تجور لـى متيـن وليـه معـاى بتعمـل الشيـن
البلـد الليلـى فـي زيـن نحنـا بـس فاقديـن اليقيـن

&&&&&&&&&&&&&&&&&&&&&&&&&&&&&&&

[twh]ارض الــــــــــــــوطـــــــــــــــن
لـلـشـاعــر: عــبـــاس عـيــســى عـــلـــي [/twh]
الله يــا ارض الـوطـن الـشـوق عـديـل فــي امـتـحـن
خلانـى زى جـاهـل رضـيـع الليـلـى يــا درب اتفـطـن
خلانـي ازرف فـى الدمـوع حتـى الـدمـوع مــا جامـلـن
تنسـاب تسيـل وكـل مـا يجـفـن تـانـى اشـوفـن رقـرقـن
خلانـى ابكـى علـى عميـرى علـى عميـرى الضـاع ســدن
الله يا ارض الوطن جرتنا اقدار الزمن مـن غيـر عقولنـا يفكـرن
وجابتنـا للغـربـة اللقيـنـا الفـرحـة فيـهـا كـمـا الـحـزن
والله مـن زمـن البعـاد يـا بـلـدي عـايـش فــي المـحـن
وشايف سهام الزكرى يا بلدى العزيز جـواى فـي جـواى طعـن
وشابيـت علـى درب الـرجـوع وكــل الــدروب اتـسـددن
من غير ارادة المولى القعدة في طرف الجروف وحفر اللوبى يهبهبن
والطيـر يـوج فـوق المقـد بـعـد القنـاديـل مــا اسـتـوت
والشربـة مـن نيلنـا العـزيـز تـبـرى الـجـروح الـقـورن
والنومة في ضل العصر والقعدة في ضل التمر ترجع ايامنا المضن
العشرة ديك الكـان مـن النـاس الحنـان ايامـا لامتيـن يرجعـن
والله يـا ارض الوطـن للرجعـه ليـك كـل الموازيـن رجحـن
والعيشـة فـي ارض بـلاك لا بتحـلـى لا بيحـلـى السـكـن

&&&&&&&&&&&&&&&&&&&&&&&&&&&&&&&&&&&&

[twh]بــــنـــــات الـــعـــامــــة [/twh]
للشاعـر عـبــاس عـيـسـي عـلــي
بنات العامة طاريهن عشان فاتن وزولى فيهـن
عقيلى يروح ويجيهن وقلبى صبح بيـن ايديهـن
دايما انا مشتهيهـن طاريهـن ونفسـى فيهـن
بعد واحسب يوم مجيهن امشى واندل الافهيـن
دموعى تكن توريهن عشان انا صرت حابيهـن
فيهين وحدى زى صيدة في الكون صبحت فريدة
ماهـا غبيـة وبليـدة واللغتيـن كيـف تجيـدة
تايهة عيونى في جيدة محكوم مـوزون عويـدة
بى نهديهـا هديـة وعيونهـا مضـادة ومبيـدة
ديمـة علـى كييـدة وللسيـف ديمـة جريـدة
بقرا حروفه وبعيـدة ولسانـى يعجبـو تريـدة
برضو اهواها واريده ومجبور يحكمنـى قيـدة
حقيقة الدبة استنارت وبى نور أرقي اسعانـت
الايام لـى خانـت والقيـد ازمانـو وطالـت
متين يا ايام تجودى متيـن يـا افـراح تعـودى
اسرع الاقى مريودى واحس بقيمـة وجـودى

&&&&&&&&&&&&&&&&&&&&&&&&&&&&
[twh]
الــــــــمــــــــشـــــــــورة [/twh]
للـشـاعـر : عـبــاس عـيـســي عــلــي
يابا حقو تشـاور بنيتـك عشـان مـا تصبـح ضحـي
وحقو كان تاخد راي فيهـا عشـان مـا تدفنـي حـي
بنيتـك لسـع صغيـرة مفرهـدة مـا استـوت نــي
وبنيتـك لسـع شويفعـة وقصيـبـة تقـنـت نــدي
ومتين يابا بقيت كبيري وامس كـت فـي الاولـي لـي
امــال يـابـا كمـنـت بعـيـدة ومـاهـا مـرئـي
تـدور منـي انـا جهـدا بـدل عشـرة اسـوي مـي
ادرس واقـرا واتعـلـم بنيـتـك شـاطـرة وذكــي
يابامنـاي نيتـي انجـح واضيـف لـلانـوي كـلـي
في طب النفس اتخصص دراسـة تكـون خصوصـي
عشان بعديـن يابـا اصبـح طبيـب يـراس تمرجـي
تعـرف ليـه يابـا تختـار تكـون دكتـورة البـنـي
وهنـاك دوافـع كثيـرة وهنـاك اسـبـاب اسـاسـي
عشـان يابـا انـا اعالـج نفـوس البـشـر الـدنـي
نـاس تختـاؤر فينـا تعـزل قلوبهـم ميتـي موحـي
بيشروا النـاس بالدراهـم متـل مـا يشـروا السعـي
اخير يابا انـا اصارحـك ومعـاك اكـون صرايحـي
بكـون قـدرك او نديلـك او اكبـر مـنـك شــوي
احـب وأدقـن حسابـك ليهـو بكـون انـا مـا بنـي
اوع تغـشـك بيـوتـا مشـيـدة عـالـي مـبـنـي
واوع تغـشـك بيـوتـا مـجـرة جــوة مــروي
انت لو دايـر لـي السعـادة السعـد محتـاج لحـري
ويكون راي انا فيـه جايـز بنسبـة ميـه فـي المـي
للمـال نحـن مـا بنقبـل تكـون رؤوسـن محـنـي
بيمننـا شرفـنـا يـابـا ونفوسـنـا المـهـا مــادي
لو النـاس بغيرهـا مالهـا نفوسنـا بـلا مـال غنـي
لـو النـاس جهلـت الاهـا نفوسنـا مطيعـة وتقـي
وحتي لو تعجبها كبريائهـا التواضـوع شيمـة معنـي
يابا معذرة في الكـلام طالـع منـي انـا بحسـن نـي
حقائـق حاولـت اقولهـا وجـات بـي نيـه سخـي
وكـــان يـابــا اتفـقـنـا وقـلــت نــعــم
وقلت اي اكيد الناس بكرة تعرف حرام زي يكون ضحي

_________________
صورة


أعلى
 يشاهد الملف الشخصي  
 
 عنوان المشاركة:
مشاركةمرسل: الثلاثاء أكتوبر 14, 2008 1:23 pm 
غير متصل
عضو متميز
عضو متميز

اشترك في: الأحد يونيو 29, 2008 3:50 pm
مشاركات: 1692
مكان: الرياض
النوع: ذكر
الرســـــالة

بت الخير يجيك الخير
وصل جوايك الكاتباهو للولد الحتالي
وكان الظن ترسلي ليه هين هينين من البركاوي
داك الطعمو حالي
ولو بالقل شخاليب دوم
وهنا والله ني ومسيخ وغالي
سؤالك يمة عن احوالي
كان شفتيها تغنيك عن سؤالي
انا اتوكرت في قلب البنادر
زي غريب شرقان مدلدل في الدوالي
جات شايلاني حرّة جوف
انا اتحديت مجالا مومجالي
مصايب الجامعة اكبر من جميع الشفتو
ولا سمعتو في ايام الخوالي
قعاد الكرسي كان شفتيهو
ورم ساقي زي سيد الزلالي
اقلب في الدفاتر من صباحا بدري
لامن تمسي ما بنسي انشغالي
اسوق الليل تحت ضوء الكهارب
وديمة هارب من فراشي
وهادو حالي
ده كلو عشان اجيب نمرا
انافس بيها واستر بيها حالي
والله عاد حالة ما بتسر البال
ومن يوم ما هديت ما انسر بالي
سلاطين العلم يايمة
ينسوا العشرة في فد يوم
يدفروك بره زي دفر الطبالي
وخايف من اجيك مرفود
وهادي الفكرة من ما جيت
معشعشه في خيالي
واخير افتح اضانك
قبل ما تلقي فوق اضني
ملويات حبالي
وكان حصل القدر يايمة لا تلوموني
لومي علي البنادر نورا اقوي من احتمالي
بناتا فيها رويانات جسومن بالدهون
تلصف بلا جلود السحالي
سبيبن ديمة بالحزم الكبار مبهول مردم
فوق قفاهن..وا حلالي
صدورن طامحة زي موية الدميري
الهايجي تكشح في العوالي
عيونن واسعة تبلع مية
زي ولدك تشرك للموحد والضلالي
وحاتك ضُمّه ما بقدر عليهن
ساعة اقيف قدامن
انكس راسي بي قدري وجلالي
مشيهن سوا زي سرب الغزال
لكن نفورن مو غزالي
عدادن مابخبرو
الا وين ما امشي الاقاهن قبالي
وقصاصن ينقّر بي عصاتو
ومايفرّق دربهن
من بين دريبات القماري
بخورن في سماء البندر
يدوخ متل مسك العشاري
رقيصن ينهزنو بلا الفلو
الّلماتو غابن منو في ضل الضهاري
يجمّع في قفاهو وينطرح
يتمطّى تتحتحت مفاصلو
وده ياهو الفاك جباري
دلالكين تجيب الضلّ
علي متاهات الضهاري
غناين اصلو ما سمعنابو
كنت بقول ليكي الا هسع ما ني طاري
وطنبورن مبرقع وحسو فاقع
لا في كنتر لا ودع فوقو بيراري
عشوقن في الرقيص
يتلوي متل سيد المغص
يوم يبقي في حالة طوارئ
والمداين ديمة فايري
زي وحوشا في البراري
والمـآسي كتيرة حاصلة
والمكضب يلاقي بوليس السواري
عاد دي حالتا بقدر اتستر معاها
خلاف احاكي الناس واجاري؟
وانتو راجيني يوم اجيكم بشهادتي
وينبسط ضهري وكباري
وبرضو خايفين من اجيكم بي غربية
وفي خجل قايد صغاري
والقدر بي غادي كاتب ليه شيتا
لاني حاري ولا ني طاري

حاجة واحدة تكون في علمك
اني جايي وتاني راجع لي دياري
وياني حمّيد القديم
الا بس فاقد حجابي وراح سواري
يمة كتري من رضاكي
وسلميلي علي المعاكي
وقولي لي حبوبة زيك
نحن شبنا وماك براكي
سلميلي علي جروفنا وحتى وزينا البكاكي
سلميلي علي بناتنا
وقولي ليهن ماني ناسي
طاري شلاخا مواسي
زي شقوق بيتاً سداسي
طاري نقشا فوق خدودن
بين ضفايرو وشوفو قاسي
جسمي في البندر ممدد الا بينكم بي حواسي
سلميلي علي البكادن والبشتت في التقاوي
في الكرد محراتو قالع
وصوتو فوق تيرانو عاوي
ماحزم بقجة ثيابو وقام فجر لاحق اللواري
اخيرو يحفر في جروفو
مالو مال حفر المجاري
سلميلي علي الضرايح
والفضل من الخلاوي
والفقير الفوق حصبرو
يكتب البخرة ويداوي
مع السلامة ودعتك الله
ولي وصيتك ماني ناسي
لي شفقتك مافي داعي
وابقي عشرة الراعي واعي
في بحور اهل البنادر من زمن طالق شراعي
كان نحجت بجيك غانم
وكان فشلت بجيك ضراعي

_________________
صورة


أعلى
 يشاهد الملف الشخصي  
 
 عنوان المشاركة:
مشاركةمرسل: الثلاثاء أكتوبر 14, 2008 1:24 pm 
غير متصل
عضو متميز
عضو متميز

اشترك في: الأحد يونيو 29, 2008 3:50 pm
مشاركات: 1692
مكان: الرياض
النوع: ذكر
الرســـــالة

بت الخير يجيك الخير
وصل جوايك الكاتباهو للولد الحتالي
وكان الظن ترسلي ليه هين هينين من البركاوي
داك الطعمو حالي
ولو بالقل شخاليب دوم
وهنا والله ني ومسيخ وغالي
سؤالك يمة عن احوالي
كان شفتيها تغنيك عن سؤالي
انا اتوكرت في قلب البنادر
زي غريب شرقان مدلدل في الدوالي
جات شايلاني حرّة جوف
انا اتحديت مجالا مومجالي
مصايب الجامعة اكبر من جميع الشفتو
ولا سمعتو في ايام الخوالي
قعاد الكرسي كان شفتيهو
ورم ساقي زي سيد الزلالي
اقلب في الدفاتر من صباحا بدري
لامن تمسي ما بنسي انشغالي
اسوق الليل تحت ضوء الكهارب
وديمة هارب من فراشي
وهادو حالي
ده كلو عشان اجيب نمرا
انافس بيها واستر بيها حالي
والله عاد حالة ما بتسر البال
ومن يوم ما هديت ما انسر بالي
سلاطين العلم يايمة
ينسوا العشرة في فد يوم
يدفروك بره زي دفر الطبالي
وخايف من اجيك مرفود
وهادي الفكرة من ما جيت
معشعشه في خيالي
واخير افتح اضانك
قبل ما تلقي فوق اضني
ملويات حبالي
وكان حصل القدر يايمة لا تلوموني
لومي علي البنادر نورا اقوي من احتمالي
بناتا فيها رويانات جسومن بالدهون
تلصف بلا جلود السحالي
سبيبن ديمة بالحزم الكبار مبهول مردم
فوق قفاهن..وا حلالي
صدورن طامحة زي موية الدميري
الهايجي تكشح في العوالي
عيونن واسعة تبلع مية
زي ولدك تشرك للموحد والضلالي
وحاتك ضُمّه ما بقدر عليهن
ساعة اقيف قدامن
انكس راسي بي قدري وجلالي
مشيهن سوا زي سرب الغزال
لكن نفورن مو غزالي
عدادن مابخبرو
الا وين ما امشي الاقاهن قبالي
وقصاصن ينقّر بي عصاتو
ومايفرّق دربهن
من بين دريبات القماري
بخورن في سماء البندر
يدوخ متل مسك العشاري
رقيصن ينهزنو بلا الفلو
الّلماتو غابن منو في ضل الضهاري
يجمّع في قفاهو وينطرح
يتمطّى تتحتحت مفاصلو
وده ياهو الفاك جباري
دلالكين تجيب الضلّ
علي متاهات الضهاري
غناين اصلو ما سمعنابو
كنت بقول ليكي الا هسع ما ني طاري
وطنبورن مبرقع وحسو فاقع
لا في كنتر لا ودع فوقو بيراري
عشوقن في الرقيص
يتلوي متل سيد المغص
يوم يبقي في حالة طوارئ
والمداين ديمة فايري
زي وحوشا في البراري
والمـآسي كتيرة حاصلة
والمكضب يلاقي بوليس السواري
عاد دي حالتا بقدر اتستر معاها
خلاف احاكي الناس واجاري؟
وانتو راجيني يوم اجيكم بشهادتي
وينبسط ضهري وكباري
وبرضو خايفين من اجيكم بي غربية
وفي خجل قايد صغاري
والقدر بي غادي كاتب ليه شيتا
لاني حاري ولا ني طاري

حاجة واحدة تكون في علمك
اني جايي وتاني راجع لي دياري
وياني حمّيد القديم
الا بس فاقد حجابي وراح سواري
يمة كتري من رضاكي
وسلميلي علي المعاكي
وقولي لي حبوبة زيك
نحن شبنا وماك براكي
سلميلي علي جروفنا وحتى وزينا البكاكي
سلميلي علي بناتنا
وقولي ليهن ماني ناسي
طاري شلاخا مواسي
زي شقوق بيتاً سداسي
طاري نقشا فوق خدودن
بين ضفايرو وشوفو قاسي
جسمي في البندر ممدد الا بينكم بي حواسي
سلميلي علي البكادن والبشتت في التقاوي
في الكرد محراتو قالع
وصوتو فوق تيرانو عاوي
ماحزم بقجة ثيابو وقام فجر لاحق اللواري
اخيرو يحفر في جروفو
مالو مال حفر المجاري
سلميلي علي الضرايح
والفضل من الخلاوي
والفقير الفوق حصبرو
يكتب البخرة ويداوي
مع السلامة ودعتك الله
ولي وصيتك ماني ناسي
لي شفقتك مافي داعي
وابقي عشرة الراعي واعي
في بحور اهل البنادر من زمن طالق شراعي
كان نحجت بجيك غانم
وكان فشلت بجيك ضراعي

_________________
صورة


أعلى
 يشاهد الملف الشخصي  
 
 عنوان المشاركة:
مشاركةمرسل: الثلاثاء أكتوبر 14, 2008 1:33 pm 
غير متصل
عضو فاعل
عضو فاعل

اشترك في: الاثنين أكتوبر 13, 2008 11:53 am
مشاركات: 24
مكان: السعودية
رهيب انت يا قلب الجزيرة

بالجد اغاني روعة

وياريت تواصل لينا في البوست دا باقي اغاني الشايقية الحنينة

_________________
قلتي لي مدني الجميلة
مدني يا أجمل خبر
فيها قضيت الطفولة
وفيها شاب عمري وكبر
قبة السني وبيوتنا
وعامرة حلقات الذكر
مدني في حدقات عيوني
باقية لي أبد الدهر


أعلى
 يشاهد الملف الشخصي  
 
 عنوان المشاركة:
مشاركةمرسل: الأربعاء أكتوبر 15, 2008 2:10 pm 
غير متصل
عضو متميز
عضو متميز

اشترك في: الأحد يونيو 29, 2008 3:50 pm
مشاركات: 1692
مكان: الرياض
النوع: ذكر
حبيب مدني كتب:
رهيب انت يا قلب الجزيرة

بالجد اغاني روعة

وياريت تواصل لينا في البوست دا باقي اغاني الشايقية الحنينة


مشكور يا حبيب مدني على المرور

وان شاء الله ح اواصل ليكم :wink:

_________________
صورة


أعلى
 يشاهد الملف الشخصي  
 
 عنوان المشاركة:
مشاركةمرسل: الأربعاء أكتوبر 15, 2008 2:17 pm 
غير متصل
مسـتشار
صورة العضو الشخصية

اشترك في: الأربعاء مارس 07, 2007 12:39 am
مشاركات: 4521
مكان: سكن الجامعه ... الامارات
النوع: انثى
wowowowo
تسلم يا قلب الجزيره.. 8)
انا بسمع لي جعفر السقيد :oops: ..فنان بمعنى الكلمه :wink:

تابـــع!!!!!

_________________
صورة
...
تقُول آلنآسْ { متگبّرـهـ !
و أنآ بآلعگسْ | عگسْ آلنآسْ
مآ أحبْ آلگبْر و درُوبه و لگنّي , ثقيلْهـ شوَي !
بعضهُم يظلمْ إحسآسيّ
و يقُول إنّي ’-{ عديمْهـ إحسآسْ !
و هُم وآلله مآ يدرُون |
عن آللّي بدآخليّ من شيْ ~

سبحآن الله وبحمده عدد خلقه ورضآ نفسه وزنة عرشه ومدآد كلمآته..]~


(ربي اجعلني مقيم الصلاة ومن ذريتي ربنا وتقبل دعاء)..اللهم آآآآميين ..]~ [[/align]


أعلى
 يشاهد الملف الشخصي  
 
 عنوان المشاركة:
مشاركةمرسل: الأربعاء أكتوبر 15, 2008 3:40 pm 
غير متصل
عضو فاعل
عضو فاعل

اشترك في: الثلاثاء أكتوبر 14, 2008 5:14 pm
مشاركات: 19
مكان: فوق غيوم الحب
[align=center]هذه الصفحة وضعتها في مفضلتي لأعيد قراءتها أكثر من مرة
هي حقا تستحق القراءة ....

سلمت يا قلب الجزيرة .....


تحياتي[/align]

_________________
مشتاااااق يا بورتسودان


أعلى
 يشاهد الملف الشخصي  
 
 عنوان المشاركة:
مشاركةمرسل: الأربعاء أكتوبر 15, 2008 4:21 pm 
غير متصل
عضو متميز
عضو متميز
صورة العضو الشخصية

اشترك في: الثلاثاء مايو 20, 2008 4:28 pm
مشاركات: 1806
مكان: الــــــــدوحــــــه - قــــــــــطــــــــــــر
النوع: انثى
[saa]بجيك قاطع مسافات العشم ... ( عبدالرحيم ارقى )

باكر بجيك قاطع مسافات العشم
شايل معاي هوى العيون
آمالي في أجمل نغم
باكر بجيك قاطع مسافات العشم

بجيك من سكـــة القلب العشق ذاتك سنين
بجيك من صفحة الماضي الكان قاسي وضنين
خايف يكون زيف المدن غير أصالتك والحنين
جايك من ليل العـذاب ارجيني بالصبح المبين

فُتيني للليل الطــويل يرميني في حضن الآلم
سبتيني بين شبح الظنون وأحزان بتنبع من وهم
ارجيني فوق أرض الصبر جايك من زمناً سجم
لا فيهو للأفــراح طريق ولا فيهو للأيام طعم

باكر بجيك بي لعنة الريد المـــــلك قلبي الجريح
بي حال بيغني عن السؤال ما بوصفو الخاطر الفصيح
خايف يقصر بي العمــــر تحملني من الدنيا ريح
لو كان مُقدر إني اروح سوي لي في روحك ضريح


سافرتي مـــا خليتي خيط ابراه للمرسى الجديد
سافرتي مـــا خليتي لي غير ذكرة الزمن البعيد
علمتي روحي الإنشراح علمتي قلبي يحــب شديد
فجاءة اختفيتي من الدروب وأخفيتي كل زمني السعيد


لكني لي أحســـاس يسوق خطواتي لأجمل عيون
باكر بتلقي خطاي معــاك تتمشى ما بين الغصون
ما تقولي لي وصلت كيف مــن دل قلبك يا حنون
أنا قلبي أصبح ليك مكان يا الناسية إني انا ليك كون

باكر بنكشف الضباب القـــاك في فرح الشباب
تقشي في دمع الفـــراق وتزيلي في أثر العذاب
بكرة المسافـات تجتمع وتلم قلوب يوم عيدها آب
ويعود شباب الفي هواك يا حلوة بي أحزانو شاب
[/saa]

_________________
صورة
قالوا لي :
ليه رافعه الراس ونشوفك قويه ؟؟

قلت ليهم:
العفو كلنا اولاد ادم وحــواء بس انا ســـــــــــــــودانــــــــــــــــيــه


آخر تعديل بواسطة جنــة العــــلا في الأربعاء أكتوبر 15, 2008 4:30 pm، عدل 2 مرات

أعلى
 يشاهد الملف الشخصي  
 
 عنوان المشاركة:
مشاركةمرسل: الأربعاء أكتوبر 15, 2008 4:23 pm 
غير متصل
عضو متميز
عضو متميز
صورة العضو الشخصية

اشترك في: الثلاثاء مايو 20, 2008 4:28 pm
مشاركات: 1806
مكان: الــــــــدوحــــــه - قــــــــــطــــــــــــر
النوع: انثى
[b]أفـتـقـدتــك / شعر الفاتح ابراهيم

يــا حـبـيـبـى أنـا افـتـقـــدتــك لـمـا طال الشوق علىَّ
انت عارف روحى غيــرك لا بتمـوت لا بتبقى حيه
يــا حـلـيــلـى أنـا كـنـتـا قايلك زى زمان مهتمى بيه
فى الـحــزن تـحــزن مـعـاى ويوم أغيب تسأل على
بـاخـتــصـــار انــا كـنـتـا قايـلك انت اقرب منى ليه
انــت اتــاريك بـى مشــاعــرك مـسـتـقر فوق الثريا
الصــــبــاح الـفــى عـيــونـك باعنى لى بحر الأسيه
سابـنـي بـيـــن شـطـآنوا هايم جارى لى عند العشيه
لانى قـادر اقـول كـفايه ولانى راضى أكون ضحيه
والمصـيــبــه أنـــا كـان جـنـيـت ولا بكيت هيه هيه
كل مصـيـبــتى هــويت عيونك فى زمن ظالم شويه
يكره الـحــب والـتـصــافـى يـعـــشـق الجفا والرزيه
الطيور وكــتــيـــن تـغــــنى الــزهـــور تصبح نديه
إلا عــاد كـيــفــن تـغـــنى وعــيـنها فى عين الحديه
افتقدتــك وانـت عـــارف زي يــعــشــق بــالسجــيه
مسـتــعــد مــا عـنــدو مانـع يهدي ليك الروح هديه
مـاب يــهـــادن مــابــيـــســـاوم ومـا ببيع أبد قضيه
لو تموت الـــدنيــــا فــوقـــوا يــرتـكـب مليون جنيه
افتقدتك يا منــايــــــــا يـــــا ســعـــــد روحى الشقيه
افتقدتك لما فاضت بى همومى والأمور لاجت عليه
افتقدتك يا صــبــاحى والظـــلام ضـــامى الـعــشـيه
افتقدتك يا نصــيــرى والـعـــزول عـاصـــب عينيه
افتقدتك الــف مـــره لــمـــا شـمـتــــو اصحـابى فيه
شفت كـيــف أنا افـتـقـــدتــك لـحــظـــة الألـم العتيه
انـتــــا مـــاك جايــب خبـيـري ماك مفكر تبقى جيه
حــتــى يـــوم لاقـيــت صـحـــابـك منك اتوقع تحيه
إلا وآخــيـــــــــبــة رجـــاى واحــــلال الحسره بىّ
[/B]

_________________
صورة
قالوا لي :
ليه رافعه الراس ونشوفك قويه ؟؟

قلت ليهم:
العفو كلنا اولاد ادم وحــواء بس انا ســـــــــــــــودانــــــــــــــــيــه


آخر تعديل بواسطة جنــة العــــلا في الأربعاء أكتوبر 15, 2008 4:27 pm، عدل 1 مرة

أعلى
 يشاهد الملف الشخصي  
 
 عنوان المشاركة:
مشاركةمرسل: الأربعاء أكتوبر 15, 2008 4:25 pm 
غير متصل
عضو متميز
عضو متميز
صورة العضو الشخصية

اشترك في: الثلاثاء مايو 20, 2008 4:28 pm
مشاركات: 1806
مكان: الــــــــدوحــــــه - قــــــــــطــــــــــــر
النوع: انثى
الشاعر علاء الدين أبو سير

الزمن مهما كان عنيد شكل أفعالو وصورا
برضو ننسى سواتو ونقول قسمة والله مقدرة
كل يوم يرولينا بى فن قصة مختلفة مغايرة
بحكى من أفعالو واحدة .. بس مثال ما داير أحصرا
عاش منعَّم بين والدين ريدتو فيهم متفجرة
شبَّ بين والد كان عطوف وبى حنان والدة مبطرا
أسرة غرتُو كل الحنان وليهو سقاية محدرة
ولفَّ دار دولاب الزمن والقدر يتّمْ ميسرة
مات أبوهو الكان حنين وليهو كان الضل والضرا
خلى لى أم ورثت الهم والنحيب ودموع ممطرة
خلى لى شابة اترملت زهرة يا دوبا منورة
لسة فى ريعان الشباب حلوة أمورة وآسرة
فلتة من عالمنا الضنين مستحيل تانى يكررا
قررت تتحزم تقيف جم وليدا تكونلو الضرا
وتنْسِى إنو فقد أبوهو وتبقى هى الراجل والمرة
رغم جو الهم والنكد مهدت لو طريقو وقرة
ورغم إنو زمانا غالى كان بتقعدلو مذاكِرة
كان بتحلم بى وليدا يبقى كان كبتن طائرة
والاّ يصبح باشمهندس والاّ يتخرج دكترة
والوليد أصبح كبيِّر وفاتا يا دابو العاشرة
والزمن غيَّر كل شى الا والدتو ما غيرا
زادا فى نظر الكل سماح وفى عيون النَّاس كبرا
مرة يوم الحلى جاطت وقالو إنو سعيد دايرا
كان سعيد راجلاً مهذّب يملك الجاه والسيطرة
قام طلب إيد أم الوليد ونِيْتُو صافية لبن طاهرة
دار يكون لها راجل أمين ويبقى والد لى ميسرة
حست إنو أماما إمتحان قاسى بين إتنين خيرا
ختت الشافع أماما ومغريات الكون بى ورا
بين وليدا الفارق كبير وبين قروش وحُلِى وأسورة
رفضت الفكرة وبى أدب رسلتو جواب معذرة
ورتو إنها داب وليدا وفى العرس ماها مفكرة
يوم سعيد نادى الشويفع رغَّبو وقال ليهو واغرى
جيب لى قلب أمك يا ولد ولينا طلباتك آمرة
كان طلبت الشى المستحيل يبقى ممكن شان خاطرة
كم فرح ميسرة وإنبسط ولى ديارن فرحان جرى
فتحت أمو أحضانا راجا شان تضمو يطيب خاطرا
وبين ضلوع أمو الحنينى غِّزَّ سكين لى آخره
وانتزع قلب أمو عجلان من محل ريدتو موكرة
وماتت الأم جم وليدا فوق دموم سالت طاهره
وشال قلب والدتو بين ايدى وزوَّد السرعة وكترا
ومن كتر سرعتو قام وقعد وما عرف حاجة وما درا
غير سمع قلب أمو ينضم وفيهو كم أنَّات عاصره
بى كلام أشبه بالبكا ومن حلق ساداهو عبره
يا جناي إن شاء الله طيب بى وقعتك متأثره
كان كلام قلب أمو تيار فى دواخل الوجدان سرى
رغم إنو يفيض محنة.. ضاق طعم كلماتو مُرّه
حسَّ إنو فعل جريمة مستحيل تلقى المغفرة
سلَّ سكين داير يموت وفى وسط ضلعو يوكرا
دار يموت كان يرضى الضمير أو يكون للزيو عبره
الاَّ تانى قليبا نادا .. رجِّع السكين لى ورا
ولا تكتل أمك مرتين .. يا جنايا كفايا مرة

_________________
صورة
قالوا لي :
ليه رافعه الراس ونشوفك قويه ؟؟

قلت ليهم:
العفو كلنا اولاد ادم وحــواء بس انا ســـــــــــــــودانــــــــــــــــيــه


أعلى
 يشاهد الملف الشخصي  
 
 عنوان المشاركة:
مشاركةمرسل: الأربعاء أكتوبر 15, 2008 4:26 pm 
غير متصل
عضو متميز
عضو متميز
صورة العضو الشخصية

اشترك في: الثلاثاء مايو 20, 2008 4:28 pm
مشاركات: 1806
مكان: الــــــــدوحــــــه - قــــــــــطــــــــــــر
النوع: انثى
رائعة الاستاذ / الحاج محمد سر الختم
وفاء
وفاء ليه بتردي المويه انت حرام عليكي تشيــلي
ماكان حقو تملي الباقة شان هي عليكي فاضية تقيـلي
انت الزيك ما بخدمو ضمه الا بس الظـــروف عزيلي
والضيف ان جاء للشايقية رابع يوم وقعت طويلي
وما برضاكي تمرقي بره بعض الناس نفســـو رزيلي
راجنــك تمرقي يشوفو كـيف ايد الله فيكي جميــلي
قالوا المويه من ايديك دوو يشفي الرويحتو عليلي
لوبلقالي منها شربة في السنــة مرة تشفي غليلي
عودك حكمة السواهو زودو فوق ندايدو خصيلي
ضيعو وســوه لي خــوفي ينعقد اوعي تنسي تميـلي
وحيلك كلو في عينيك والايد ما خلق لهاحيـلي
ايديك تتعــبه الهبابه والعين متعيباله قبيــــلي
جاتني امس العشيب لبيه تشكــي من الزعل تشكيـلي
قالت انت شلتي جمالنا خليتي لنا حاجه قليــــــلي
ليه يدوكي بي ماعونو شان زي ماك دايرة تكيلي
وعارفك من زمان يا عيني اصلك نا بتعوسي عديلي
تكشفي حالي للدايرنو ما برضيك شئ غير بهديلي
الشئ قبل لساني يقولو حالا دمعة دمعة تسيلي
لو ما انت شن وراني عينا ناعسه والا كحيلي

_________________
صورة
قالوا لي :
ليه رافعه الراس ونشوفك قويه ؟؟

قلت ليهم:
العفو كلنا اولاد ادم وحــواء بس انا ســـــــــــــــودانــــــــــــــــيــه


أعلى
 يشاهد الملف الشخصي  
 
 عنوان المشاركة:
مشاركةمرسل: الأربعاء أكتوبر 15, 2008 4:31 pm 
غير متصل
عضو متميز
عضو متميز
صورة العضو الشخصية

اشترك في: الثلاثاء مايو 20, 2008 4:28 pm
مشاركات: 1806
مكان: الــــــــدوحــــــه - قــــــــــطــــــــــــر
النوع: انثى
[fot][محمد النصري
مـا تظــن انـا بـي وراك ابـقـي زي عـصـفـور كـســيــر
ما ظني ابقي بين صمتي وهواي طول زماني اسير اثير
اللي مـهــد لـيــك طـريــق لـســه قـلــبـك كــان كـبــــيـر
بكــره يـديــنـي الامــان ابـقـي فـي الـســمـــوات اطـيــر
ما اظني
الـطـــريـــــــق السـبـتـو لي وقـبـل مـــا نوصــل نهـايتو
تـقــدر الـخـطــوات تـواصـلـوا حـتـي لـو تـرجــع بدايتو
الهـــوى الشــايــلاه الـدواخـــل صاحي ما بتكمل روايتو
فــوق اعـــالــي الــــروح ترفرف بالاماني الحلوه رايتو
ما اظني
انـتــا لـو فـــاكــر الـمــشــاعـر تبكي يوم تغشـانا ذكري
الـحــظ الـمــشـــــدود وانـــــــــادي كـلـمـا اقـراك واقرا
الـقـــلـيـب الـضــو دربـــك وخـتـــه فـي جـــواك ذكـرى
بـكـــره يـــزرع ورده تــاني وحـــولـه تـكـبــر الف زهره
ما اظني
لا تـظـــــن بالــسـاهــل انـسـي وابـقــي زيـك سكة تاني
الـمـشــاعــر مـهـمـــا تـقــسي ومهـما من الـريـد نعاني
مــافـي زول بـيــن يــــــــوم وليله بـيـدفن الكانت اماني
إلا مــا بـفـضــل اشيــلك طــــول حــياتي وهــم واغاني
ما اظني
[/fot]

_________________
صورة
قالوا لي :
ليه رافعه الراس ونشوفك قويه ؟؟

قلت ليهم:
العفو كلنا اولاد ادم وحــواء بس انا ســـــــــــــــودانــــــــــــــــيــه


أعلى
 يشاهد الملف الشخصي  
 
 عنوان المشاركة:
مشاركةمرسل: الأربعاء أكتوبر 15, 2008 4:34 pm 
غير متصل
عضو متميز
عضو متميز
صورة العضو الشخصية

اشترك في: الثلاثاء مايو 20, 2008 4:28 pm
مشاركات: 1806
مكان: الــــــــدوحــــــه - قــــــــــطــــــــــــر
النوع: انثى
[twh]المواجع


خالد شقورى / عبدالرحيم البركل
لما نبكى من المواجع قلنا نرتاح فى بكانا
قولى كيف نرتاح ونحن نبكى من شدة هوانا
الليلة رحلة الأشواق بعيدة والشواطئ بعيد مكانه
حتى فى بر الأمانى السنين هدت قوانا
كنا نحلم بمداين فيها نرتاح من شقانا
قولى كيف نرتاح ونحن نبكي من شدة هوانا
القدر طاوع قلوبنا وخلى بحر الريد حدانا
ونحن ماصدقنا قمنا نشرب فوق روانا
دى المشاعر فينا فاضت غرقت فرحة صبانا
ما النعم مرات بتشقى والله بالريد إبتلانا
مرة طلت دارنا غيمة ونحن ياما الريد غشانا
شايلة فى الخاطر محنة جات تعيش الريد معانا
جات تصب فى الريدة ريدة لو قليل يبرد جوانا
كيف يا غيمة نرتاح ونحن غلبنا فى هوانا
ما غريبة على البريدو يلقوا فى الريده المهانة
ياما كتير أحبه غرقوا فى بحور الذل عشانا
فى الحقيقة الريدة مره ضقنا مرها فى غنانا
ماهو قيس بكى من هواهو مانحن برضوا الريد أذانا
يا زمن لو تصفى نصفى فى البوادى يعم صفانا
والعيون تصبح مرافئ فيها نرتاح من عنانا
رحلة الهم بينا طالت ملت التسيار خطانا
نعمل آيه ما نحن غلبنا فى هوانا
[/twh]

_________________
صورة
قالوا لي :
ليه رافعه الراس ونشوفك قويه ؟؟

قلت ليهم:
العفو كلنا اولاد ادم وحــواء بس انا ســـــــــــــــودانــــــــــــــــيــه


أعلى
 يشاهد الملف الشخصي  
 
 عنوان المشاركة:
مشاركةمرسل: الأربعاء أكتوبر 15, 2008 4:35 pm 
غير متصل
عضو متميز
عضو متميز
صورة العضو الشخصية

اشترك في: الثلاثاء مايو 20, 2008 4:28 pm
مشاركات: 1806
مكان: الــــــــدوحــــــه - قــــــــــطــــــــــــر
النوع: انثى
حبل الوصال


حاتم حسن الدابي
مرتضى العفاض

تاريهو ريدك كان كلو جور ونفاق
كذابه ضاحكه على يا ناكره للميثاق
وين جدول التحنان الكان بيروينا
الضحكة ليك عنوان يا حليل عناوينا
بدلتى كل الكان ماتت أمانينا
كانت هى فى الأحضان اليوم على الأعناق
ضاعت عهود الريده ليه تبقى كذابه
حلم العديل والزين اصبح حكم غابة
يا زهرة الياسمين ما عدتى خلابه
دهبن لقيتو لجين الحق على الصياغ
كان الضمير مرتاح من جور بنات حواء
قلب الهوى النباح لا حول لا قوة
سمكرتو و المفتاح ضيعتو فى هوة
لا قلتا لزول ضاع لا يوم فتحتا بلاغ
تاريهو جرح مابيبرى بى دكتور
كل التسوى الليد يتحملوا المجبور
جرحاً صبح تأبيد جوه القليب مهجور
تلت علي القيد زعزعنى فى الأعماق
التوبه يا قاسين لى تاني ما فى رجوع
واشكى العلى لى مين والبوح حرام ممنوع
اخفيهو تانى يبين عبرة وسروح ودموع
قالوا القلب والعين بحر الهوي اللداغ
اسف زمانى الضاع درب الرجوع قاسى
وانا تانى ما بنصاع لى لوعة احساسى
سر الدواخل زاع وانا زولى لى ناسى
قلب المحنة خداع إنشره فى الآفاق .

_________________
صورة
قالوا لي :
ليه رافعه الراس ونشوفك قويه ؟؟

قلت ليهم:
العفو كلنا اولاد ادم وحــواء بس انا ســـــــــــــــودانــــــــــــــــيــه


أعلى
 يشاهد الملف الشخصي  
 
 عنوان المشاركة:
مشاركةمرسل: الأربعاء أكتوبر 15, 2008 4:39 pm 
غير متصل
عضو متميز
عضو متميز
صورة العضو الشخصية

اشترك في: الثلاثاء مايو 20, 2008 4:28 pm
مشاركات: 1806
مكان: الــــــــدوحــــــه - قــــــــــطــــــــــــر
النوع: انثى
[light=#003399]لحنها الفنان عبود تبوري وغناها الفنانون عادل عثمان الطيب ثم محمد جبارة :-
إستحلفك بالريد
استحلفك بالريد .. أوعك تفارقني
لا تسيبني في الأحزان أبحر .. تغرقني
**
ياروحي مشغول بال .. محتار أنا ومحتار
ما بهون فراقك يوم .. ألم الفراق تاوار
**
يا المستحيل بٌعدك .. يا الحار فراقك .. حار
قلبي الحنين أصبح .. موطن هواكا .. و دار
**
دنيايا غير عينيك .. ليل مسدل الاستار
فيهو ألقى روحي ، بلاك ، مسجونة دون أسوار
**
وانت معاي أنغام داؤود .. بلا مزمار
تسكر حنايا الروح من كاس ندى الأزهار
**
استحلفك بالفيك .. وبالفيّ موقد نار
بي صرخة في الأعماق دار تفضح الأسرار
**
بي دم دموع عيني وبي دمعك المدرار
يرويك ويرويني ويخنق غنا الأوتار
**
بالإلفة حلفتك .. بالخوة .. حق الجار
أوعك تسيبني تفوت وترميني للأقدار
**
خايف عليك وعلي .. من جور زمن غدار
خايف من الأيام ودولابن الــدوار
**
لا .. لالا .. لا ترحل .. كوس للقعاد أعذار
دابن خطاي وخطاك في الريد بدوا المشوار
[/light]

_________________
صورة
قالوا لي :
ليه رافعه الراس ونشوفك قويه ؟؟

قلت ليهم:
العفو كلنا اولاد ادم وحــواء بس انا ســـــــــــــــودانــــــــــــــــيــه


أعلى
 يشاهد الملف الشخصي  
 
 عنوان المشاركة:
مشاركةمرسل: الأربعاء أكتوبر 15, 2008 4:41 pm 
غير متصل
عضو متميز
عضو متميز
صورة العضو الشخصية

اشترك في: الثلاثاء مايو 20, 2008 4:28 pm
مشاركات: 1806
مكان: الــــــــدوحــــــه - قــــــــــطــــــــــــر
النوع: انثى
[light=#660033]إهداء لى اى شاب اسمو أحمد ........



ودى قصيده رائعه من رواع الطنبور اكيد


جن الريد // علاء الدين عبدالرحيم ...) .


أحمد معروف بالطيبة حسن أخلاق وعليها إتربه . .
تكفي شهادة ناس الحلة إنو خلوق وخجول ومُربّه
رغم حداثة سنو لبس تهذيبو أصالة وهيبة
أدي الناس الحب أدوهو حسن الظن بيناتن شبا
خشت فجأة أميمة حياتو وصارت بينو وبينا محبة
قلبو إختارها عشان معروفة زولة حنينة وراقية وطيبة
دسو الريد في السر بيناتُن وخلّو حبيس دفين ومخبا
وكيف تنضارى متل أشواقن وليه زي ريدُن يوم يتخبأ
وبعد أعوام وصلتلو رسالة جواب مليان تقيل ومعبا
قبال ما يفتحو عرف الراسل باينة وظاهرة رسائل وهبة
أخوهو الليهو زمن متغرب تسعة سنين قضاهن غربه
مرسل ليهو تذاكر وفيزا دايرو يجيهو هناك في طيبه
طار في الأول أحمد فرحه كلم كل الناس والصحبه
لما إتذكر أميمة حبيبتو فجأة إنتابو شعور بالخيبه
لكن قرر إنو يسافر سرعة يعود ويتم الخطبه
لأنو الغربه طريقه قصير وفيها يهون تحقيق الرغبه
جاتو اميمة حزينة توادعو جاتو تجفف دمعو الكبه
جاتو توصي عشان ما يقوى لا ينساها هناك في الغربه
جاتو تطمنو إنو ح يفضل ريده الخالد مهما غبه
حافظه عهود الريدة البينُن ومهما كان ح يظلو أحبه
أهدتلو المصحف شان يرعاهو من العين والهم والكربه
لبّسه عهد الريد في جيده عقد ممهور بصورة الكعبه
قامو إتوادعو زين إتباكو فات خلاها وحيدة وخبا
سافر شال همو وأحزانو بعد أيام في المملكة غبا
لاقو الناس يا زول كيف حالك بالأحضان قام سالم وهبه
قالو نصاح ناس أمي وأبويا مشتاقين راجنلك أوبة
قالو أحمد: سافر يا وهبه غير جوَّك وروِّق حبه
أمك ياخي تلاهي عليك لاخالالا ضريح لاقبه
السودان مشتاقلك كلو ضفاف ورمال سواقي وتربه
وحتى النيل فرحان راجيك تجي وتنهل من مويتو العذبه
بعد أيام كان وهبه هناك بين أصحابو وأهلو وأحبه
في حضن أمو الطول منو في حيشانو الواسعة الرحبه
قالتلو أمو أخوانك كبرو وما فضلنا زول يتربه
بس فضلي أشوفو جديدك وكتين لسع حيه وطيبه
إختارولو بنيي سميحي تشع حيويه ورونق وهيبه
أديبه وراقيه وكلها عفه وبرضو أهل وقراب في الحسبه
يوم العرس الحي صباحي فرح مطبوق والناس منطربه
شاق الليل صوت كم زغروده وحس طنبور ودليبن ربه
إلا في واحده حزينه وباكيه سايله دموعا دوام منسكبه
الفي دموعا سؤال بيحير وفي آهاته أسرار محتجبه
وقالو الناس دي دموع الفرحه وغيرا شنو الحا يكون السِّبه
بعد أيام ساق وهبه عروسو ساقا رجع لي بلد الغربه
سايقو حنين لي كل أصحابو ولي أحمد أخوهو أشواق ملتهبه
وصل الباب كورك يا أحمد فتح أحمد بي لهفه ورغبه
شاف قدامو الما متوقع هم الكون فوق راسو إنصبه
شاف السلسل عهد الريده نفس السلسل وصورة الكعبه
شاف قدامو أميمه حبيبتو كانت قاسيه وقاضيه الضربه
شاف أحلامو تضيع قدامو بعد ما كانت منو قريبه
كانت لحظه تفيض بالدهشه شاف الدنيا كأنها تسبح
كورك أميمه...أميمه وصنقع صنقع ودنقر.. ودّر وغبى
وجن أحمد في نفس اللحظه وجن الريـد ما أظن يتخبا
[/light]

_________________
صورة
قالوا لي :
ليه رافعه الراس ونشوفك قويه ؟؟

قلت ليهم:
العفو كلنا اولاد ادم وحــواء بس انا ســـــــــــــــودانــــــــــــــــيــه


أعلى
 يشاهد الملف الشخصي  
 
 عنوان المشاركة:
مشاركةمرسل: الأربعاء أكتوبر 15, 2008 4:49 pm 
غير متصل
عضو متميز
عضو متميز
صورة العضو الشخصية

اشترك في: الثلاثاء مايو 20, 2008 4:28 pm
مشاركات: 1806
مكان: الــــــــدوحــــــه - قــــــــــطــــــــــــر
النوع: انثى
عـــــــــــــــــــــــــــــــــــافى منـــــــــــــك

عافي منك وراضي عنك سو رضايا ..
ما بيخيب الرضى والدك يا جنايا ..
أنت من يا دوب صغير من زمان دائماً معايا ..
أنت ديمة أمامي ساير ما بخليك بي قفايا ..
ما بتغيب من عيني لحظة ولا حصل سبتك وراي ..
لامن الله يشيل أمانتو أنا ببقى خصاك بالرعايا ..
ليا يرعاك البيرعى وليا بيل يبرد حشايا ..
أصلك انت هدية منو بيك اجزل عطاي ..
انت واحد مالو تاني رحمة في آخر صبايا
.. أنت لما خلاص كبرت دار تسيبني أعيش براي..
دار تفارقني وتهاجر والحزن يصبح جزايا ..
كيف يهون لك تحزن أمك عشان تحقق ليك غاية ..
كان مهاجر عشان علاجي بلقى في شوفتك دوايا ..
لو كان عشان تسقينا مالك نحن بي حنك روايا ..
لو عشان كرعينا راحل نحن بي بعدك حفايا ..
لو كان مهاجر عشان تعرس خير أبوك مالي التكايا ..
خيرو وافر أبوك يحمدو مراحو مليان بالسعايا ..
وبالقروش الجيب مجكن و لسه برضو الجايه جايا ..
أصلي منك ما بقصر بحفر أديك المعايا ..
إن كان دا كلو كمان شوية بتلقى في دهبي الكفاية
.. أصلي من سويتها ناذراها تبقى لي أيام قسايا ..
داخرها للزمن البعاكس لسعادتك يا حشايا ..
إنت من شبيت صغير راسي ما بتحتاج وصايا ..
ما حصل خيبت ظني وما فشل بين غنايا ..
لا تسيب أمك تهاجر يمه محتاجة الحماية ...
لا تسيبني وراك ترحل انت ياهو ضلي ضرايا ..
انت فوق الحوبة مقنع أنت للمكشوف غطايا ..
دايرك تبقى جنبي في فرحي وبلايا ..
إن كان كحيت اتبنك وأقسم لك غطايا ..
داير أقضي عميري جنبك أصلو قارب للنهاية ..
خايفه كان تسافر ترجع تلقى فاضي البيت بلايا ..
حينها ما تنفع قروشك وما تجيب لك أم سوايا ..
ماني عارفه سبب رحيل يا وليدي شنو الحكايا ..
إلا تبقى براك شايف في فراق الوالدة غاية ..
ما بعاتبك ما بلومك ولو رحلت بلقى في قساك عزايا ..
على حجر دايماً قليبك وقلبي كلو عليك جنايا ...
عافي منك راضي عنك ســـــو رضـايا

_________________
صورة
قالوا لي :
ليه رافعه الراس ونشوفك قويه ؟؟

قلت ليهم:
العفو كلنا اولاد ادم وحــواء بس انا ســـــــــــــــودانــــــــــــــــيــه


أعلى
 يشاهد الملف الشخصي  
 
 عنوان المشاركة:
مشاركةمرسل: الجمعة أكتوبر 17, 2008 1:57 am 
غير متصل
عضو متميز
عضو متميز

اشترك في: الأحد يونيو 29, 2008 3:50 pm
مشاركات: 1692
مكان: الرياض
النوع: ذكر
جنــة العــــلا كتب:
حبل الوصال


حاتم حسن الدابي
مرتضى العفاض

تاريهو ريدك كان كلو جور ونفاق
كذابه ضاحكه على يا ناكره للميثاق
وين جدول التحنان الكان بيروينا
الضحكة ليك عنوان يا حليل عناوينا
بدلتى كل الكان ماتت أمانينا
كانت هى فى الأحضان اليوم على الأعناق
ضاعت عهود الريده ليه تبقى كذابه
حلم العديل والزين اصبح حكم غابة
يا زهرة الياسمين ما عدتى خلابه
دهبن لقيتو لجين الحق على الصياغ
كان الضمير مرتاح من جور بنات حواء
قلب الهوى النباح لا حول لا قوة
سمكرتو و المفتاح ضيعتو فى هوة
لا قلتا لزول ضاع لا يوم فتحتا بلاغ
تاريهو جرح مابيبرى بى دكتور
كل التسوى الليد يتحملوا المجبور
جرحاً صبح تأبيد جوه القليب مهجور
تلت علي القيد زعزعنى فى الأعماق
التوبه يا قاسين لى تاني ما فى رجوع
واشكى العلى لى مين والبوح حرام ممنوع
اخفيهو تانى يبين عبرة وسروح ودموع
قالوا القلب والعين بحر الهوي اللداغ
اسف زمانى الضاع درب الرجوع قاسى
وانا تانى ما بنصاع لى لوعة احساسى
سر الدواخل زاع وانا زولى لى ناسى
قلب المحنة خداع إنشره فى الآفاق .


شكرا ليك يا جنة

:wink: :wink: :wink:

_________________
صورة


أعلى
 يشاهد الملف الشخصي  
 
 عنوان المشاركة:
مشاركةمرسل: الجمعة أكتوبر 17, 2008 9:41 pm 
غير متصل
عضو فاعل
عضو فاعل

اشترك في: الجمعة أكتوبر 17, 2008 9:02 pm
مشاركات: 19
مكان: السعوديه
[align=center][font=Arial] [/font]قلب الجزيره
ابداع منقطع النظير
اول مشاركاتي
ارجو تقبل مروري


غناء محمد النصري
الشاعر خالد الباشا
بلاد الشوق


مشيت بعدك بلاد الشوق ..
غشيت في سكتي الأطلال ..
لقيتك لسة في الخاطر ..
وفي مرقة شمس باكر ..
ملان بيك طول حياتنا جمال ..

********************

رسومات روعتك تذكار .. علي ابواب بيوت الحي ..
محل تاوق .. لقيتك شوق .. مشتت في الشوارع ضي ..
اماسينا البتسهر بيك .. نجيماتنا البتشهد لي ..
وراك لاجفن الدمعات .. ولا اتلاقن رموش عيني ..
اونس بيك نصايص الليل .. احجيك دندنة وموال ..

*************************

سألت عليك براي النيل .. تميراتنا وعصيفير الهوى الصداح ..
لقيتك في عيون الناس .. حنين ساكن القلوب مرتاح ..
بتطلع من حكاياتنا .. وخيالاتنا .. بعيد شايفك رهاب رحراح ..
انادي عليك شموس تمرق من الواطه .. قلوب بيضا .. شعاع وصباح ..
يبق نورك مع الفجاج .. علي النخل العزيز وطوال ..

***********************

اتاريك إنت كلنا بيك .. بلاك نحن وبيوتنا شجن ..
تموت سيرة الفرح نبكيك .. نتوه مانلقى لينا وطن ..
جناينا وضرانا الفوق ..
قمارينا وحسيس القوق ..
رحل كل البلد وياك .. نزل جواك .. حنين وسكن ..
وأنا ( الكاتلني ) من يومداك .. علي عينيك عيوني بكن ..
اقالد ذكرتك جواي .. وأعيش باقي العمر رحال ..

**********************

سلامات وين نزل محياك ... تحياتنا وأمانينا ..
اكيد باكر نجي ونلقاك ... قمر باهر أماسينا ..
تبل شوق القلوب ترتاح .. علي نمك غناوينا ..
(لدايات) شايك الرماي ..
مزاجات قهوتك جواي ..
احاسيس فيني تتحكر .. جمال نيلنا وعصارينا ..
نضاريك في العيون تظهر .. بريق لهفة ودمع هطال ..
[/align]

_________________
    الموج جبال .... والضفة كانت مشتهاه


صورة


أعلى
 يشاهد الملف الشخصي  
 
 
عرض مشاركات سابقة منذ:  مرتبة بواسطة  
إرسال موضوع جديد الرد على الموضوع  [ 27 مشاركة ]  الانتقال إلى صفحة 1, 2  التالي

جميع الأوقات تستخدم GMT + 3 ساعات


الموجودون الآن

المستخدمون المتصفحون لهذا المنتدى: لا يوجد أعضاء مسجلين متصلين و 1 زائر


لا تستطيع كتابة مواضيع جديدة في هذا المنتدى
لا تستطيع كتابة ردود في هذا المنتدى
لا تستطيع تعديل مشاركاتك في هذا المنتدى
لا تستطيع حذف مشاركاتك في هذا المنتدى

البحث عن:
الانتقال الى:  
cron

 

Powered by phpBB © 2000, 2002, 2005, 2007 phpBB Group  designed by alisaadali.com
Translated by phpBBArabia