ود ابرق كتب:
سيدا كتب:
اقتباس:
في خطوة مفاجئة أصدرت وزارة الرعاية الإجتماعية قراراً بمنع الزيارات إلى دار الرعاية بالمايقوما وإنتقد دكتور محمد الجميعابي ، رئيس منظمة أنا السودان الخطوة وقال إن القرارغير موفق ومن شأنه أن يقطع التواصل بين المواطنين والدار ، وبحسب صحيفة الوطن اوضح ان الدار تحتاج إلى الزيارات التى قال إنها تخفف عن الأطفال.
المصدر..النيلين
ياخي أنا كلمة مايقوما دي بقت بتضرسني
اي شلة بتاعت أولاد وبنات قاطعين برنامج ..يالله بينا دار المايقوما
ما اعترضنا..والوليدات ديل دايرين من يطبطب عليهم ..أي نعم وأي حاجة
لكن تحول الدار الى منتزه عائلي حاجة مزعجة جدا جدا
تخيل نفسك محل واحد من الشفع ديل واتربيت و قمتا على الشفقة والطبطبة...بعدين شخصيتك حتطلع كيف؟؟؟؟
هؤلاء الأطفال ان كانوا يحتاجون لحاجة بالجد فهم محتاجين للدعم المادي
لا ان يصبحوا معرضا دائما للكتاب
ياخي هسي الزول كان جاهو ضيف كل يوم بزهج
خليك من عشرات الضيوف المابعرفهم كلللللل يومالاخ سيدا....
شكرا لطرح الموضوع اولا..
لكن الحقيقة المرة تقول الاتي....
اولا تاريخ دار المايقوما كان دار لاطفال الشوارع و اللقطاء(المتزايدة اعدادهم في السودان يوما بعد يوم و دة موضوع براهو) مسؤول منها منظمة فرنسية بالتعاون مع اطباء بلا حدود...
و كانت الدار تعمل في امان الله و الناس بتجي و تكفل الاطفال و اي طفل يتم كفالته الكفيل بيأخذ نثرية 300 جنيه شهريا كمساعدة..و الدار ما كانت محتاجة حاجة الي ان انزل الله وحيه على حكومتنا الميمونة بأن تأخذ الدار من المنظمات و تسلم للجميعابي و دة قرار جاحف و جا من غير اي مقدمات,,,,المهم انو ناس المنظمات لما جابو ليهم القرار زعلو (ودة من حقهم)و لمو عفشهم كلو بالبزازات حقت الاطفال و اللبن الفي التلاجات حتى و سلموها للجميعابي(خلا) و طبعا الاخير دق جرس و قال انا بالحالة دي ما بقدر اديرا و اتحمل(و الحكومة قايلا المنظمات دي هتخليها ليها بي حاجاتها و طبعا ما كانت خاته ميزانية للموضوع دة او ربما كان في ميزانية و ربك بس يعلم وين راحت) و الحال اتدهور و حتى الناس الكان كافلين اطفال رجعوهم لانو من غير القروش الزمان هم لي روحهم ما قادرين يعيشو....و كدة الدار بقت محتاجة لي اي معونة ممكنة....
دة التاريخ
انا معاك انو الصورة بقت سلبية بس انت ما تعاين للقاعدين و ماشين , عاين للقاعدين و هيفضلو قاعدين....كدى قول ما اتربو على الطبطبة دي ...هيتربو كان على شنو؟؟؟!!!
يا اخوي الاطفال ديل محتاجين اي مساعدة...
و القحة ولا صمة الخشم....
المايقوما ماجايب ليها المشاكل غير الحرامي الاسمو الجميعابي دا
انا بمشي المايقوما وبت خالتي شغالة دكتورة هناك
ياخي الناس ديل بياكلو في قروش الشفع ديل اكل
لكن انا ما مع انو يلغوا الزيارات
لانو دي الحاجة الوحيدة البتفرح الاطفال هناك
هم بحبو يلعبو مع الناس وبيستنوا الزيارات وبينبسطوا ليها شديد
بس طبعا في الناس المابيعرفوا يتعاملو مع الاطفال او البكون تعاملهم بشفقة مبالغ فيها بس ديل المفروض يمنعوهم
]
