هذه الايام جميع قلوب السودانين تنبض بخوف......

ما بين بنت مجلودة بسوط عنج وابتسامة متشفية في شفاه جالديها ... الي خطاب الرئيس الذي يدل علي الهبل

وعدم وجود من يصيغ الخطابات علي الاقل حتي تحفظ ماء وجهه امام شعبو الفضل

ومابين شكل خريطة السودان البقي شيييييييييييين ومقرم الي غلاء عجيب وتلاتة عيشات بالف

وكل واحد تسالو كيف الحال يقول ليك عليك الله ما بتعرف ليك طريقة فيزا لبرا!!!!!!!!!!

ااااااااااااااخ واحييييييييييي وكل ما استطيع اخراجو من اصاوت علها تشفي قليلا من قلبي

دارفور الان!!!


فيلم يحكي عن ماسي دارفور التي نستمر في نكرانها حتي من قبلنا نحن الشماليين

ربما لانه وان كان في مجمله فيلم ظاااااااااهر انو محاولة امريكية لمهاجة السودان

الا انه ايضا يوضح بعض الحقائق الهامة والعيار الما بيصيب بيدوش

الفيلم من بطولة جورج كلوني والبطل بتاع هوتيل راوندا

نزلوه يا العندهك تورنت وشوفه وقولو رايكم فيه

حقائق مخيفة.................


معظم الشباب السوداني مابين عمر 14-25 لا يعرف عن دارفور شيئا الا انها منطقة تعاني من المشاكل مثلها مثل اي منطقة في السودان

والاغلبية تعرف عن قريق ديفيد اكتر مما تعرف عن مدن السودان الاخري اذا كانت في شماله او غربه او شرق

هل تعلم ان هنالك منظمات كثيرة تاتي وتروح الي دارفور وبيعملو استبيانات وبيشوفو احوال المواطنين من غير حتي ما تمر بالعاصمة الخرطوم

يكفي انها تخش بالحدود بس!!!!


ولله فهمي في السياسة زي فهمي لعلم الكيموثوبيا ولا اعلم ما هذا العلم اصلا

امانويل جال

شاب جنوبي صاحب قصة مؤثرة جدا

تبنته استديوهات هوليوود لعمل فيلم سيصدر قريبا عن قصة حياته التي تستحق ان تروي

طفل قتلت كل اسرته في حرب الشمال مع الجنوب وفي عمر الخمسة سنوات

من سن 5-11 كان من ضمن الاطفال المحاربين بعد ان اخذ الي مدرسة تهتم بتدريب الاطفال ليشاركو في الحرب

بيقول انو كان بيكره كل مسلم وكل شمالي وهدفو انو يقتل كل شمالي

بعده بيحكي عن التغيير الحصل ليه بعد ان اخدتو ايما العاملة في احدي المنظمات الانسانية وربتو وودتو بريطانيا

هو مغني راب حاليا وعندو منظمة تهتم ببناء المدارس في الجنوب

قبل فتر احتفل بانو اكل يا دوب اكل تلاتة وجبات في اليوم بعد ما عاهد نفسو ما يكال تلاتة وجبات الا بعد بناء اول مدرسة في الجنوب من قبل المنظمة بتاعتو



اتمني اتمني اتمني انو يكون نحن الشماليين عندنا القدرة علي تغيير نفسنا وفتح عقولنا وقلوبنا اخذ المثل الجميل وتطبيقو بغض النظر

عن هوية اي كان صاحب القصة

رابط عنو

http://en.wikipedia.org/wiki/Emmanuel_Jal

تسلم يا علي علي التوضيح


يا شباب انا عاوزة انو نعرف الطرف التاني فكرتو عننا شنو

يعني في البوست دا انا ما بدعم اي افكار غربية ولا بتبناها انا بعرض حاجات حاصلة بيعملوها الناس التانين واحنا نايمين في العسل

يسلم يا دعاش على طرح الموضوع
نحنا برضو استشهد من كل بيت شهيد تقريبا
لكن عارفين انها حرب وانتهت
مافي زووول بحرض انوا نكرهم ولا بنبز فيهم

وامثال ايمانويل حتى لو انفصلوا ما حيرجع

اعزائي المتابعين فعلا دا الكلام الصاح ما بعد الانفصال

زيارة صغيرة .. ولايك جداً النقاش الجميل !!!

بالمناسبة مافي أيقونة بتاعة (لايك) ممكن تركب هنا ؟؟؟