كلامك صااااااااااح والله يا عبدو وفعلا الفترة الفاتت قصرنا شديد لكن انشاء الله الكل راجع باذن الله .

والله يا صياد ما حكاية جحود ولا نكران أفضال
انا من ناحيتي بدخل يومياً المنتدى دا بتفرج وبطلع .. يعني ما قطعت نهائي
بس حاسة انو مافي حاجة تتقال .. ما عارفة ليه

جايييييييك جايييييييييك يا ابوشراء جايييييييييييييييك داير افتو معاك نعم نعم لعودة المنتدى الى الامام الى الامام مواضيع مواضيع كتابة كتابة ههههههههههههههه

داقي صيواني
وقاعد حارسكم هنا

حقك علينا ياصياد الدنيا دى ذى البحر مابتغطيهو شبكة واحدة.
وأنا بالحد أسف على الغياب بس والله البلد دى درشها كتييييير.
والنت ذاتو بقا عندو حركات.ذى الحركات البايخة الفى بلدنا دى.

بس أوعدك راج أنا تانى ليكم.وحتى لو أخش بالموبايل ولو مسكول حتى بخش.
باذن الله.
بالمناسب أنا زول قدييييييم.
بس بالنية.

ماعاوزة اقول انه الناس اللى قلبهم على المنتدى .. تعبوا جدا .. في محاولة إحياؤه لكن بالجد لم تنفع لا المحاولات الجادة ولاغير الجادة

و بالجد في ناس موجوعة على صحبة وخوة ..مامعروف حسبوها كانت من جانب واحد ولا الحاصل شنو ماتعرف

لكن كان همهم انه الناس تتلاقي وترجع وتملا جنبات المنتدى .. و تحس بالحياة فيه .. اول ما تدخل

مابقول المنتدى مات .. الدم ممكن يتغير بأقلام جديدة أو أفكار جديدة .. لكن الحاصل قتل مع سبق الاصرار والترصد

ندخل ونقلب صفحاته .. ونطلع ..و بس !!

يمكن فى مشكلة .. يمكن فى آراء مختلفة .. يمكن حصل اى شئ .. خلف الكواليس ولا غيره ..ولا داخل اجتماع

هل ده بيمنع انه القائمين على المنتدى ..لو بتهمهم مصلحته .. يقعدوا ويتفاكروا أو يحلوا مشكلة ؟

هل زى ما جمعتكم صفحات المنتدى ده على الخير .. وصارت اسماءكم مقترنة بيه .. ومقترنة ببعض ..ممكن تجتمعوا ولو مرة

بنفس قصد الخير ده .. عشان تدوه نظرة وتستكشفوا علته وين ؟ وحلها شنو ..؟

هل يرضيكم ..ما وصل اليه .؟؟ هل كل واحد راضي تمام الرضاء عن ماقدمه للمنتدى ؟ وخلاص بيكفي؟

هل انتو مستمتعين جداً .. بأنكم لاتشاركون ؟

اختلاف آارائنا واختلافنا ..ما بغير الارض اللى نحن واقفين عليها .. ولا حيغير اسم المنتدى ..لأى مسمى آخر

ولا حيدى واحد صلاحيات أكثر من الثانى ..عشان يحجر عليه أو على قلمه أو مشاركته ..لو عاوز يشارك

وغرف المنتدى ومواضيعه و اقسامه تشيل مليون فكرة وفكرة ..واساسا تعج بملايين الافكارالمختلفةو المغايرة والمشاترة وكله

اهلنا بقولوا الفقراء اتقاسموا النبقة ..اتقاسمتوا فرحكم فى المنتدى ده .. ماقادرين تتقاسمه همُه ؟!

لقد هرمنا ونحن ننادي بالرجوع
ليس من أجل أن نخدم أجنده خاصة
بل من أجل طرد الجحود والنكران من أجل التغاضي عن الأشياء التافهة والإلتفات الي أهم الامور الإجتماعيات واعمال الخير
هل تذكرون الشنطة المدرسية التي كانت تقدم من هذا المنتدي ؟
هل تذكرون مشروع إفطار الصائم ؟
هل تذكرون المشاريع الخيرية التي كان يشارك فيها هذا المنتدي ؟
هل تذكرون الإجتماعات التي كانت تقام في ظل هذا المنتدي ؟
بل هل تذكرون الرحل الترفيهية التي كانت تقوم في ظل هذا المنتدي ؟

يا تري هل ممكن أن يرجع كل هذا ؟

أتمني الرجوع بكبسولة الزمن كي أري تلكم الأشياء حولي
وأطرد شبح الهجره الذي يسيطر الآن

حقيقة هذه ليست بالدعوة الاولي للرجوع
فقد سبقتها دعوات ودعوات
ابتداء من من هم في حقبة البراقيش الذين تنحو عن النظام ولا أدري لماذا

آخيرا وليس آخرا
هذه ستكون آخر كلمات أكتبها ها هنا إلا إذا ...........

واخيرا جدا
من أراد الرجوع فمرحبا به
ومن لم يرد فليذهب غير مأسوف عليه


هنا إنتهي البيان رقم '' 1 ''
....

ياحليل زمان وسنين زمان
بما انو البتعمل فيهو ده يسمى ثوره
اطالب باسقاط النظام كااااامل بالذات الرئيس ض١
كان في كذا مقترح للم الشمل من تاني خاصه انو التيييييس بوك خرب موضوع المنتديات عامه
من ضمنها تضمين الفيس او تضمين المنتدى للفيس ع اساس انو الناس تكون في الفيس ومتابعه المنتدى
بس بدون فايده
تضمين الشات الزماااااااان داك وكده...

بالجنبة : النسى لي قديمو ضلا ضلا
سير سير يا .......
بالمناسبه
عدنا

اولا سلام عليكم:
انطباع عضوه جديده "دانتيلا"
يعنى في البدايه كان في شوية نشاط وهمه كده لكن اسي نوم العوافى عليكم

يعنى ده ماذم للمنتدى لا بالعكس احنا عايزينو يكون عاامر والناس كللها بتعرف بعض وتشارك بعضها البعض ضحك وحزن وفرح

ومواضيع هادفه

يابت فلا
اوزون عرفتيها شنو.
سجم خشمك تف.
انا مستقيل منكم.قبل مالحكومة تشم خبر.
يالجداد أمرقوا انتو فى حوش امنجى
خخخخخ