[align=center]وطـــــــــن

عمر الطيب الدوش

****

حأسأل عن بلد رايح
وافتِّش عن بلد سايح
واسأل عن امانينا
الِّي ما بتدِّينا
صوت صايِح
وأسأل وين مخابينا
إذا جانا الزمن
لا فِح
واسأل عن بلد مجروح
وعارف الجارحو ليه جارِح
وابكى على بلد ممدوح
وعارف المادحو
ما مادِح
واحْلم بي حلم مسروق
لا هو الليَلهْ
لا امْبارِح
أعلِّق في جناح سَفَري
خطابات لي زمن فجْري
وادْخُل من درِب سرِّي
لِكُلِّ مضاجع الأحزان
واضفِّر من شجر بلد
بروقاً مارْقَهْ من صدري
حأسأل عن بلد غاطٍ
لحدِّ الليلهْ في الوجْعَهْ
أَنُط فوق سرْجي واتْحزَّم
أقوم من وقْعَةْ
لي وقعًهْ
أخُتْ ايدي البتوجِعْني
على السأم البِراجِعْني
واسأل..
يا وطن يا بيتنا
ليه شوقك مواجِهْني
ليه حُبّك مُجهْجِهني
وليه تاريخ زمن خسران
موكّر لسَّه في شجني؟
حأكْتب لي شجر مقطوع
مسادير
يمْكِن يتْحرك
خطابات لي طِفِل مجْدوع
يقُوم
يجرى
يَقَع
يبْرُك
رسالَهْ لكلِّ قُم
رسالَهْ لكلِّ قُمْريّه
إذا دم الشقا اتوزّع
على كل البيوت
ما تْرِك
واسأل
عن وطن رايِح
وادّيكم خبر جارح:
بأنّو جميع جُموع الناس
حيفْضَلوا لا كُراع
لا راس
ونشترى في الدكاكين يوم
مسابِح من دموع الناس
مساحيق من هموم الناس
زَهَج
يتْعَبّا في الأكياس
ونعْلن في المزاد علناً
وترْغي الجوقَهْ والأجراس:
"!نبيع الطِفلَهْ والكرّاس"
واصْرَخ
! ياوطن! يا بيتنا
ليه ما تبقى لينا الساس
قَدُر
قَدُر ما تجري فيك
أفكار
يزيدوا الحَبْس والحُرّاس
قَدُر ما تجري فيكْ الخيل
تَدُوس الهيبَهْ
والإحساس
واسأل
يا وطن رايح
اذا كل القبور دَخَلت
بيوت الناس
بلا اسئذان
بلا صلوات
بلا أكفان
جريمَهْ اسائل الدّفَان؟
حريمَهْ طَلَب تَمَن قبري
من البايع في أيِّ مكان؟
واقولكَ يا وطن
رايح
واقولك يا وطن
آمر
سلام النّفْسِ ما كافر
ولا كافر
ولا كافر


ضلمــــــــــت

أقـــول

والشمْسِ في عِزّ الامل

تُهْتَ ومشيتْ

أقول يا نحن يا انتو و

بكيتْ

يا مواعيد

يا صباح من غير وسِم

تُهْتَ ومشيت

ما ضَلّمَتْ

ما بْتَعْرِف الزول البِجِيك

ولا البِجيكَ

بيعْرِفَك

حتى الشبابيك

والزوايا الكان بِتَجْمَع

في حنايا الشكوك

ضلّمتْ

أغْشاكِ يا نفسي الغريبَهْ

من همومي اطلِّعِك

القاكِ واقْفَهْ على الطريق

أحزان بِتفْرح

وتشْتبِك

أفراح بِتحْزَن

وترْتَبِك

لمّنْ رحلتَ مع الغُنا

عِز الأماني و

ضلّمـــــت

مَدّيتْ على الأمل القريب

أشواق كتيرَه و

قَصّرَتْ

في زاويهْ من ضُل الشجون

جابتْ ظُنونا و

قيّلَتْ

كلّمتَ أشجار الخريف

عن شوق نَمَا

في الوحشَهْ والزمن الأسيف

دلّتني اْفتِّش

في المغارِب

والمشارِق

عَن علامات

أو رصيف

ترقُد الأزهار عليهو

يا بنفسج

كُحْلي غالي

وبُتقالي

امشوا انتو

أنا البقِيف

ما ضلّمَـــتْ


[/align]

[align=center]في الفؤاد ترعاه العناية




في الفؤاد ترعاه العناية



بين ضلوعي الوطن العزيز



لي عداه بسوي النكاية



وان هزمت بلملم قواي



غير سلامتك ما لي غاية



إن شاء الله تسلم وطني العزيز



ليه ما ارعي الوطن الرعاني



والدهاه اشيله واعاني



الشباب والشيب شجعاني



قالوا نفدي الوطن العزيز



بقاسمه حظه سواده وبياضه



وايه مرادي انا غير مراده



ارعي نيله اشجع بلاده



يشيلوا حمل الوطن العزيز



عندي وطني بقضيلي حاجة



كيف اسيبه واروح لي خواجه



يغني وطني ويحيجني حاجة



لي عدوك ياوطني العزيز



طبيعي اعشق صيده ورماله



وما ببيعه واقول مالي ماله



وما بكون آلة البي حباله



داير يكتف وطني العزيز



علمونا اهل الحضارة



كيف اضوق شان وطني المرارة



والمحن برضاي اصلي ناره



خوفي تحرق وطني العزيز



شفنا فيه جواب فيافي



والبطير وبسابق السوافي



ما مراده عفارم عوافي



بس يعظم وطني العزيز



نحن للقومية النبيلة



ما بندور عصبية القبيلة



تربي فينا ضغائن وبيلة



تزيد مصايب الوطن العزيز[/align]

وطنا البإسمك كتبنا ورطنا

أحبك ..

أحبك مكانك صميم الفؤاد

وباسمك اغنى..
تغنى السواقى
خيوط الطواقى
سلام التلاقى
ودموع الفراق

واحبك ملاذ
وناسك عزاز
أحبك حقيقه..
وأحبك مجاز

وأحبك بتضحك
وأحبك عبوس
بعزة جبالك ترك الشموس
وما بين ظلالك
افتش وأكوس

أفتش طفولتى وملامح صباى
بناتك عيونن صفاهن سماى
وهيبة رجالك بتسند قفاى

أحبك بتضحك
واحبك عبوس
صحى بتملا عينى..
وتشّرف غناى

بحضرة جلالك..
يطيب الجلوس
مهذب أمامك يكون الكلام
لأنك محنك
عميق الدروس
مجيد المهابة
مديد القوام
شبابك تشابك
شديد الزحام
أراهم وراهم غبار الحياه
مداين تعاين
كأمّ العروس
تهلل تكلل جبين الإمام
رزازاً يبلل أغانى الخليل

أصدق كلامك حقيقه وبخاف
أخاف الطريق اللى ما بودى ليك
وأعاف الصديق اللى ما بهم بيك
معاك انتظارى ولو بالكفاف
وعنك بعيداً أبيت الرحيل
وبيك اعتزاز الصباح الجميل
جميع الأغانى اتكالن عليك
جميع الأغانى اتكالن عليك

أنا سوداني أنا


كل اجزائه لنا وطن اذ نباهي به نفتتن
نتغنى بحسنه ابدا دونه لا يروقنا حسن
حيث كنا حدت بنا ذكر ملؤها الشوق كلنا فداه
نتملى جماله لنرى هل لترفيه عيشه ثمن
خير هذي الدماء نبذلها كالفدائي حين يمتحن
بسخاء بجرأة بقوى لا يني جهدها ولا تهن
تستهين الخطوب عن جلد تلك تنهال وهي تتزن



أيها الناس نحن من نفر عمروا الارض حيث ما قطنوا
يذكر المجد كلما ذكروا وهو يعتز حين يقترن
حكموا العدل في الورى زمنا اترى هل يعود ذا الزمن
ردد الدهر حسن سيرتهم ما بها حطة ولا درن
نزحوا لا ليظلموا احدا لا ولا لااضطهاد من امنوا
وكثيرون في صدورهم تتنزى الاحقاد والاحن
دوحة العرب اصلها كرم والى العرب تنسب الفطن
ايقظ الدهر بينهم فتنا ولكم افنت الورى الفتن



يا بلاددددددددددددددددى يا بلاددددددددى


يا بلادا حوت ماثرنا كالفراديس فيضها منن
فجر النيل في اباطحها يكفل العيش وهي تحتضن
رقصت تلكم الرياض له وتثنت غصونها اللدن
وتغنى هزارها فرحا كعشوق حدا به الشجن
حفل الشيب والشباب معا وبتقديسه القمين عنوا
نحن بالروح للسودان فدا فلتدم انت ايها الوطن


فلتدم أنت أيها الوطن


انا سودانى أنا

[align=center]لحظة من وسني
للشاعر / محمد الفيتوري




لو لحظة من وسني
تغسل عني حزني
تحملني
ترجعني
الى عيون وطني
يا وطني ..
يا وطني يا وطن الأحرار والصراع
الشمس في السماء كالشراع
تعانق الحقول والمراعي
واوجه العمال والزراع
يا وطني ..
أصبح الصبح كأن الزمن الماضي على الماء نقوش
فارفعي راية اكتوبر فالثورة مازالت تعيش
وانا مازلت في البعد انادي
يا بلادي
يا مغاني وطني ..
أجمل من فراشة مجنحة على ضفاف المقرن الجميل
أجمل من نوّارة مفتحة ترقد تحت ذهب الأصيل
أجمل من رائحة النضال لم أشم رائحة في صبحك الجليل
يا فخر هذا الجيل
يا وطني ..

[/align]

وأبو السيد عليه رحمة الله ...
ـــــــــــــــــــــــــــــــــــ


[font=Traditional Arabic]يا وطني يا بلد أحبابي فى وجودي احبك وغيابي
............................................

يا الخرطوم يا العندى جمالك ....جنة رضوان

طوول عمري ما شفت مثالك

في أي مكاااان
............................................

أنا هنا شبيت يا وطني

زيك ما لقيت يا وطني

في وجودي احبك وغيابي

................................................

يحليلك ويحليل أيامك

على ليالي زمان

وقلبي عايش لي غرامك ما بعد غراام

.........................................

كانت أيام يا وطني

زى الأحلام يا وطني

........................................

بتذكر فيك عهد صبايا

على شاطئ النيل

حبيبي جالس حدايا

أسمر وجميل
.................................

أنا بفخر بيك يا وطني

بالروح افديك يا وطنى

....................................[/font]

[font=Traditional Arabic]أكتوبر الأخضر[/font]/محمد المكي ابراهيم




[font=Traditional Arabic]اسمك الظافر ينمو في ضمير الشعب ايمانا وبشرا

وعلى الغابة والصحراء يلتف وشاحا

وبأيدينا توهجت ضياء وسلاحا

فتسلحنا بأكتوبر لن نرجع شبرا

سندق الصخر ..

حتى يخرج الصخر لنا زرعا وخضرا

ونرود المجد..

حتى يحفظ الدهر لنا إسما وذكرا

بسمك الأخضر يا أكتوبر الأرض تغني

الحقول اشتعلت قمحا ووعدا وتمني

والكنوز انفتحت في باطن الأرض تنادي

بسمك الشعب انتصر ..

حائط السجن انكسر..

والقيود انسدلت جدلة عرس في الأيادي

كان أكتوبر في أمتنا منذ الأزل

كان خلف الصبر والأحزان أحيا..

صامدا منتظرا حتى إذا الصبح أطل

أشعل التاريخ نارا واشتعل

كان أكتوبر في نفضتنا الأولى

مع المك النمر

كان أسياف العشر

ومع الماظ البطل

وبجنب القرشي

حين دعاه القرشي حتى انتصر

بسمك الأخضر يا أكتوبر الأرض تغني

الحقول اشتعلت قمحا ووعدا وتمني

والكنوز انفتحت في باطن الأرض تنادي

بسمك الشعب انتصر ..

حائط السجن انكسر..

والقيود انسدلت جدلة عرس في الأيادي[/font]

[font=Traditional Arabic][align=center] شعبا تسامى/محجوب شريف [/align][/font]


[font=Traditional Arabic][align=center]يا شعبا تسامي

ياهذا الهمام

تفج الدنيا ياما

وتطلع من زحاما

زي بدر التمام

تدي النخله طولها

والغابات طبولها

والايام فصولها

والبذره الغمام

قدرك عالي قدرك

ياسامي المقام

ياملهم رماحك

سناهاالصدام

ام در والطوابي

في صدرك وسام

ملامح كم

تسامح

تغضب لا تلام

همه وعبقريه

ذمه وفنجريه

ضد العنصريه

وتحلم بالسلام

فداك وفي حواك

يامدد الكلام عفوك

انت ورضاك

وبرنا ليك تام

وبحلم بهواك بي حسن الختام

دينك كم علينا

منك والدينا

واجمل مالدينا

من يوم السمايه

من قبل الفطام

منك كل حته

في الخاطر

صبابه

جنبك نبته نبته

نكبر نحن ياما

نسألك انت

وانت ورينا الاجابه

علمنا الرمايه

والحجا والقرايه

والمشي بي مهابه

في الضحي والظلام[/align][/font]

لكم جزيل الشكر إخوتي علي هذه

اللفته التي تتسم بالكثير من الابداع

الادبي الذي يحرك الكوامن لكل محب و عاشق

لهذا السودان العظيم

عـــــــــ عليكم ــــــــوافي

يا سلاااااااااام انا سوداني انا دايما بتخليني انفعل ما عارفة لييه فجعة كده احساس بالفخر ما عارفة انتماء المهم بحبها شديييييييد

مش دي العرضو فيها ناس البشير وسلفاكير

فاهم وقواسمة ما قصرتو

دي مقطع قصيده صغيره ماعن السودان بوجه الخصوص لكن عن الوطن بشكل عام .. وحبيت اشاركها معاكم
للشاعر عمر الفرا .. باسم الوطن ..
وياريت الناس كلها تجرد معنى الوطن من كل الصور السياسيه ومن كل النزاعات .. ونحب الوطن لأنه وطنا فقط ...

[ram]http://www.dwaihi.com/poem/25omarr21.ram[/ram]

[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
إلى الخرطوم من بعد اغترابِ=وبعد بِلَى الشهيّ من الشبابِ
غريب في بلاديَ سوف يفنى=غريباً في سباسبها سرابي
وآثرت الكتاب على خليل=يرائيني بأصناف الكذاب
وألفيت الكتاب يلوح منه=جبين الله في الظّلَمِ الرِّهاب
يحدثني عن الأشباه ولّوْا=فحولي معشر مثل الذئاب
وآواني الرضا في سِتر بيتي=من الأهواء والإحَن الغضاب
أُحِبّ النيل ذا التيار يطمو=ويلطم جانبيه بالعباب
سمعت بكاءها والعمر غض=يعللني بآمال عذاب
وبين السُّنط في الأسمال شُعْثٌ=دلَفن مع العشية لاحتطاب
أحب النيل حين صفا وشعت=تهاويل الأصيل على الروابي
وآواني الرضا في سِتر بيتي=من الأهواء والإحَن الغضاب
ومن صور ألاقيهن صُورٍ=من القبح انتقبْن بلا نقاب
أُحِبّ النيل ذا التيار يطمو=ويلطم جانبيه بالعباب
أحب النيل زمجر ثم لجّت=سواقيه الشجية في انتحاب
سمعت بكاءها والعمر غض=يعللني بآمال عذاب
وعزّاني تنهدها مطيفاً=به سجع القماريّ الطراب
وبين السُّنط في الأسمال شُعْثٌ=دلَفن مع العشية لاحتطاب
وشِمْت البرق مثل السوط شق الدْ=ـدُجُنة بين مركوم السحاب
أحب النيل حين صفا وشعت=تهاويل الأصيل على الروابي
تهبّ به الشمال على شراع=كسالفة الإوزة ذي انسياب
[/poet]

دي إلى الخرطوم ...

برفيسور : عبد الله الطيب .

[twh][align=center]نحن ابنائك في الفرح الجميل

نحن ابنائك في الحزن النبيل

ونغني لك ياوطني

مثلما غنى الخليل

مثلما صدحت مهيرا تلهب الفرسان جيلاً بعد جيل

ونغني لحريق المك في قلب الدخيل ..


للجسارة .. مثلما استشهد في مدفعة عبد الفضيل

نحن ابنائك في الفرح الجميل

نحن ابنائك في الحزن الانبيل [/align][/twh]

مع قرب موعد استقلال السودان و قبل استغلاله اليكم



[align=center]

اليوم نرفع راية استقلالنا

اليوم نرفع راية استقلالنا
ويسطر التاريخ مولد شعبنا
يا إخوتي غنو لنا اليوم

يا نيلنا ..
يا أرضنا الخضراء يا حقل السنا
يا مهد أجدادي ويا كنزي العزيز المقتنا
يا إخوتي غنو لنا اليوم

كرري ..
كرري تحدث عن رجال كلأسود الضارية
خاضو اللهيب وشتتو كتل الغزاة الباغية
والنهر يطفح بالضحايا بالدماء القانية
ما لان فرسان لنا بل فر جمع الطاغية
يا إخوتي غنو لنا اليوم

وليذكر التارخ أبطلا لنا
عبد اللطيف وصحبهو
غرسو النواة الطاهرة
ونفوسهم فاضت حماسا كالبحار الزاخرة
من أجلنا سادو المنون
ولمثل هذا اليوم كانوا يعملون
غنو لهم يا إخوتي ولتحيا ذكرى التاريخ
يا إخوتي غنو لنا اليوم

إني أنا السودان أرض السؤدد هذه يدي
ملأى بألوان الورود قطفتها من معبدي
من قلب إفريقيا التي داست حصون المعتدي
خطت بعزم شعوبها آفاق فجر أوحد
فأنا بها وأنا لها
وسأكون أول مقتدي
يا إخوتي غنو لنا اليوم[/align]