ياخ قطعتا راسنا وقلقتنا عليك

باللهي اتشلهتنا واتشحتفنا

وناس فلانة لقونا انا وسيد البلي دورو فينا دوير أنسى بس

المنتدى خووة سااااااااي مغناتيك

يديك العافيه ويبعد عنك ولاد المافيا
ذكرتني زمان كنا بنمشي الشماليه وكان الحاج معذب ليك شفع الحله الصلاه بالاتندس والتلاوه ومرات الجو بكون تلج بس المضمضه في تلتله خليك من الوضو وبتورونا لصلاه الصبح ومعاي ود عمتي راس هوس كده بنملا الابريق ونجهز المصلايه قبال ننوم ومن يصحونا للصبح نقوم نكشح من الابريق ده في الواطه نظام اتوضينا وكده ونفرش المصلايه ونرجع نواصل نومنا شغل جرجره وغتاته ونظام بندقسم

..

بس دي ذكرتني بيها نكتة المسطول..

مدرس سأل تلميذ مسطول : منو الحيوان البكورك عشان يصحّينا لصلاة الفجر ؟


قال ليه : أبوي..

انتو برضو عندكم الموية والكهرباء قاطعة باقي الشحتفه حاصلة


وات الوداك تباري بتاع البلي شنو ما عارف البباري بتاع البلي بوديهو محل الجداد





ت:-
حافظ علي مغنتيسك ما يلم ليك الخرد

تسلم يا لورد


بس اعملو حسابكم ليس كل مره تسلم الجره

عندنا واحد ولدنا بسوي نفس الحركة دي لي ابوه مره لبت ليك ليهو لمن كب الموية في الواطة وجر الملاية

جاء بي راحة وبي باقي الابريق داك شو فوق لي راسو و الدنيا برد



يديك العافية يا ملك وتقبل تحياتي

دي بالغتا فيها عديل يا المستشار

لا حولا لاحولا الله شافنا وسترنا واهم شي الحمدلله هدانا
تسلم والله وراجين جديدك

الحمدلله ولالالالالا واحدة من ديل بس شحتفة الروح دي صعبة خلاس

بتاع البلي دا اخونا نحوم ورا سااي يدقشونا ويطلعو عينا بس ازوغ منو لالالا

انا مش وغد


ت: الخرد الا زيك لكن تاني ماس بس

ما بتعدو زاتو

سمحة الله هدانا دي


الشغلة عامة والحمد لله


زمان لما كنا صغار انا واخوي ما بنصلي الا يوم الخميس يوم الحاج يجي بس

اها يوم جاء بعد صلاة المغرب بي شوية قال لينا ما صليتو قلنا ليهو اي

قال خلاص نصلي جماعة اتوضينا انا واخوي والحاج اكان جاهز متوضي

قال لي قيم الصلاة لزوم انا الاكبر وكده قعدت اطنطن تحت لساني وسكت قال لي ما تقيما قلت ما خلاص قمتها

المهم كبر وكبرنا معاهو اخوي الصغير قام جاتو حركة لا ارادية في الصلاة قطت صلاتو قعد اضحك وانا غلبي امسك الضحكة

بقيت شغال ايييييييضضضضضضض اييييييييييييييييييضضضضضضضضض واحبسها بين سنوني بس الضحة ابت تنحبس

المهم كملنا صلاتنا ديك كلها ضحك لحدي ما الحاج سلم

قبل علينا الاتنين بعد الصلاة بي طول ايدو دي صلاة ولا لعب وعينك ما تشوف الا النور






ت:-
الحمدلله الذي هدانا ايضا



يديك العافية يا ملك

اها امسك فيهو قوي لمن يوم تدقش ليك بلية يا وغد




ت:-
انت ما سمعت بي انو القديم اصلي

ما قاعد تسمع البلفو بي الكاورو في الاحياء ديل (خوريييييييييييد خورييييييييييييد )

المستشار ناس الكارو شي يتقلب بس هداااااااااااااااك المسلمي مادي عنقرتو

لما كنت في تانيه ابتدائي كان يوم الخميس اجازه والحاج كان بكركرنا معاه الجامع صلاه الظهر وانا كان الظهر والعصر ديل من احلى الصلوات عندي وبشرك اني اصلي قدام شباك يكون مدخل ضو اشان يعكس في ساعتي وتلقاني الصلاه كلها اعكس الضو في الحيطه ومره في الامام والمكيف والسقف وانا اباريه وبستمتع لما اكون ماعارفه عاكس وين اقعد افتشه وفي يوم كده كان على شمالي طوالي ود صاحبي شديد ودفعتي وبي غادي ليه زول مجنون مجنون رسمييييييييييي وشعبي بس صلاته مابلعب فيها ولما وصلنا التشهد الاخير انا الضو المنعكس ده راح مني وبقيت افتش فيه ومابحرك الساعه اشان يظهر المتعه اني القاه برااااااي
واتاريه عاكس في وش المجنون وانا ماعارف واشيل وافتش ليك فيه والمنون قايله الشغله دي من صاحبي الجنبو طوالي ولما زهج قبل عليه وتااااااااااااااااااااااااااااااااخ في راس صاحبي من ورا والمسكين اتفنقل واخد ليه قلبتين قدام اصله المجنون ده كان عتالي بس والمسكين اكلها في حنانه ورجع ركب الصف ومافاهم شي ولحدي اسي هو ماعرف سبب القلبه دي شنو وانا من ديك الساعه في الجامع بقت توبه نصوح

ضحكتني ضحك

ازا كنت جمبو ورصعك ما خلعة سااااااااااااي كا سلمت ورقك

وحلاتة في الفتيشة

غايتو فيك مشروع تشليح انسي بس خرد بي القطاعي انت انقلب بس عارفك خرده





ت:-
خورييييييييييييييد خوريييييييييييييييييييييييد خوريييييييييييييييد

ذكرتني واحد كده بعد خش في الصلاة بس يجي ليك شافع يدافر جنب كرعيهو داير يقيف جنب ابوه الجنه اظنو

اها صاحبنا دا اضايق من الشافع ضيف شديد وكتمة ليك لمن جو لي السجود وزي الماقاصدو بي طول ايدو فوق راس الجنة

تمسعها كو





اها احمد الله ما وقعك في زول زي دا

تعرف يا بتاع الخرد الزول دا اكان الضربه دي جات فيهو كان تلقاهو لي يوم الليلة تاني ما دخل الجامع داك




ت:-
حلاته في غلاته

عدنا



راس البيت


لما كنت صغيييييييييير كان عندي حب استطلاع عجيب خلاص وبي الذات الحاجات الما بعرفها ولا ما بقدر اوصلها

واكتر حاجة كانت مشحتفة روحي شديد داير اعرف راس البيت دا بكون فوقو شنو

اها وقتين يجي الخريف اخواني بقومو يتفقدو البيوت ويشوفو السبلوقات بتاعت الموية والبيت كلو لو محتاج لي تراب اضافي ولا رملة

اها انا الوقت داك بكون همي كلو ينزلو لي الحاجات الفوق راس البيت تلقاني اكورك لي الزول الطالع فوق

عليك الله نزل الحاجات الفوق وهو يسوي لي مافي حاجة فوق ، وانا اسوي لي ياخي اي حاجة فوق نزلا لي

بعد شوية يجدع لي الحاجات الفوق ، فردة سفنجة قديمة ، حجر بطارية وحاجات كلها بي الشكل دا

بالله الوقت داك تلقاني متكيف كييييف زي الاكتشفت الزره وبرضو تلقاني اقول اتلقي في حاجات تانية ما نزله لي

اها مره جاتي الشلاقة قلت الا اطلع براي اشوف راس البيت دا فوقو شنو ، عاينت لي البيت لقيت محل الطوب

المطر (مايص) كل الطين الفيها قلت خلاص اطلع بي الطوب دا لحدي راس البيت فوق

واصلو ما كضبته ليها وبديت اطلع لي راس البيت وقت خلاص حصلت (السكينة) بتاعت البيت

اتكيفت كييف وامسك ليك فيها بي يدي الاتنين واحاول انط بيها فوق راس البيت اعاين ليك لي الطوبتين الماسك فيهن جني في يدي

ومن فوق جيت واقع علي ضهري والطوبتين من فوقي

، الوقت داك حبوبتي حية الله يرحمها ، تسمع ليك صوت حاجة تسوي (لت) في الواطة

جات مارقة لقتني ليك دا انا شالتني جابتني لي امي قالت ليها الولد دا وقع من راس البيت هاك (سندي)

السنيد سنيد عدوك التقول اخير منو الوقعة

جابت ليك امي يدها الاولي ختتها تحت حنكي والتانية في نهاية الراس من وري ورفعتني لي فوق معاها كم هزات كده

الوقت داك انا اتخيلت رقبتي تكون زي رقبة الطير القاعدين نقبضو بي الشرك ونقطع راسو بي يدينا ساكت لا سكين ولا يحزنو

بس يا دابك تقول بسم الله لحم الطير حلال وتنتل الراس بعد شوية تخلي الراس بي جنبة وباقي الطيره بي جنبة

اها الوقت داك انا اتخيلت المنظر دا ينطبق علي وهسي امي دي بي شغلتا دي حا تشيل راسي في يدها وتخلي باقي الجسم في محلو

اها وقت فكني قلت الحمد لله في سري مرقت من موتين موت الوقعة وموت السنيد




تخريمة :-

غايتو يا يوم الليلة ممغوس عشان اليوم داك ما شفت راس البيت فوقو شنو

يا اخوااااااااااااااااااااننا انا كان مُت السبب المسلمى.............

حاول اطلع تاني

تخريمة :-

ان شاءالله عمرك طويييييييييييييييييييييييييييييييل قدر عمري حبوبتي الخرفت ديك

التووووووووووووووووووووبااااااااااااااااااااااا



المسافر يا وغد عشان ما جربت الوقعة ولا السنيد ساكت







ولك كل الود اخي المسافر