اليوم هو الثلاثاء ديسمبر 12, 2017 9:41 am   جميع الأوقات تستخدم GMT + 3 ساعات

تسجيل الدخول

اسم المستخدم:
كلمة المرور:
الدخول تلقائياً  
 


إرسال موضوع جديد الرد على الموضوع  [ 40 مشاركة ]  الانتقال إلى صفحة السابق  1, 2
 
الكاتب رسالة
 عنوان المشاركة:
مشاركةمرسل: الأحد ديسمبر 30, 2007 1:19 pm 
غير متصل
مشرف منتدى الغد المشرق

اشترك في: الأحد نوفمبر 06, 2005 12:49 pm
مشاركات: 2167
مكان: الوطن اللا متناهي الحدود
النوع: ذكر
++++ الإنجليزي ... يا عزيزي +++++


خليك إيزي ياعزيزي .. ما ده الإنجليزي ..

أكتر ما يعذب برالمتنا وبالذات البراملة القادمون من مدارس حكومية ، وحليل المدارس الحكومية وملابس الطحالب

وما أدراك ما طلائع البتاع ، اللغة الإنجليزية ، عند الدخول إلى الجامعة . (الكلام ده على أيامنا يعني) .

إلا من رحم ربي من أبناء الشهادة العربية ، والمدارس الخاصة ، و KIPs .

ومما يجدر ذكره ، أننا عند دخول الجامعة برالمة تحت التشييد ، قامت الكلية بعمل كورس مكثف قبل بداية السنة

الدراسية بكل الجامعات ، وذلك بهدف ترقية المستوى العام ، وأقلمة الشباب الطايشين (أمثالنا) على التعود

على مصطلحات الإنجليزي الغير إيزي . وتفتيح مداركنا ، لما سيحدث من عدم فهم ، والتنكيل بنا كالطرش

وسط الزفة . وهنا برع اخوتنا في المدارس الخاصة على حسابنا ، وظهرت شخصيات شكسبيرية ، تنططت

على كاهل الناس الجاية تحب ليها يومين وسط الجكس النضيف .

هييييييه .. الله يجبر يا زمن .


غايتو خطوة كانت في سبيل تغييرنا وتعديل مفاهيمنا ، لنسمع بعد ذلك لمريم خيري (ماريا كيري) ، ونتابع

أحدث الأفلام حتى نتمكن من تقديم مستوى يرضي طموحات الجماهير الجكسية العريضة :)


وربك يستر :)


++++++++++++++++++++++++++

انتهى الجزء الأول

يليه الجزء الثاني :)

_________________
صورة

قلبك أنتيكة


أعلى
 يشاهد الملف الشخصي  
رد مع اقتباس  
 عنوان المشاركة:
مشاركةمرسل: الأحد ديسمبر 30, 2007 4:05 pm 
غير متصل
عضو مجلس الإدارة
صورة العضو الشخصية

اشترك في: الخميس مارس 16, 2006 11:01 am
مشاركات: 3152
مكان: جنب امجد وأمو
النوع: سـوَاح
يا حليل الزمن الجميل ..

ويا حليل أيام النخبه ..

وأيام ليدر وموقعهم ..

الزول عرفك في فتره بسيطة ..

لكن حسى بالقيمة الفردية ..


:oops: :oops: :oops:

ربنا يديم الأيام .. والمحبه تجمعنا ..

وفي أنتظارك ..

_________________
رَبِّ لَا تَــذَرْنِـي فَـرْداً وَأَنْــتَ خَــيْـرُ الْـوَارِثِـيــنَ


أعلى
 يشاهد الملف الشخصي  
رد مع اقتباس  
 عنوان المشاركة:
مشاركةمرسل: الثلاثاء يناير 22, 2008 2:56 pm 
غير متصل
مشرف منتدى الغد المشرق

اشترك في: الأحد نوفمبر 06, 2005 12:49 pm
مشاركات: 2167
مكان: الوطن اللا متناهي الحدود
النوع: ذكر
Salman Design كتب:
يا حليل الزمن الجميل ..

ويا حليل أيام النخبه ..

وأيام ليدر وموقعهم ..

الزول عرفك في فتره بسيطة ..

لكن حسى بالقيمة الفردية ..


:oops: :oops: :oops:

ربنا يديم الأيام .. والمحبه تجمعنا ..

وفي أنتظارك ..


سلمون سيد اللمسة السحرية والباقي خليو براو . الرد في مثل هذه الحالات لا يفي بشيء .

تكفيني أشجان الفرح حينما ألاقي شخصا مثلك ، لك كل الإحترام .

ببساطة حق لي أن أحتفي بأحد المبدعين في بوستي المتواضع ، ولك كل التحية .

_________________
صورة

قلبك أنتيكة


أعلى
 يشاهد الملف الشخصي  
رد مع اقتباس  
 عنوان المشاركة:
مشاركةمرسل: الاثنين فبراير 18, 2008 6:05 pm 
غير متصل
مشرف منتدى الغد المشرق

اشترك في: الأحد نوفمبر 06, 2005 12:49 pm
مشاركات: 2167
مكان: الوطن اللا متناهي الحدود
النوع: ذكر
+++++ الإنجليز ي يا عزيزي ج 2 +++++++


هو الإنجليزي يازول يا ليزي ..

كان صعب أو كان إيزي ...

حقو تعرف سبب التعب يا عزيزي ..

----------------------------------------

تمامة لما انقطع من نبش في جدار التذكارات ، والكلمات الطيبات ، في حق الإنجليزي سيد الكلمات ، ومحطة المتعلمين والمتعلمات.

لا أدري لعل (الخشوم) تتلعثم وتتكبد المشاق في سبيل كلمة واحدة بالأجنبي - هذا في فترة ما يمسى بتعلم الإنجليزية ، والفصل الدراسي الأول (Sem1).

ولعله تم تحنيكنا في كل المواد ، وبالتعب جبنا الباص ، لأننا فقط كنا لا نجيد الإنجليزية بالطريقة الصاح :) . فترى الدرجات في أول فصل دراسي تنساب ما بين

مرور ورسوب ، وباقي المفاتيح (F) مفتاح السقوط الكبير :d .

حتى ذكر أخونا الكاشف (....) على سيرة الرسوب أن (مجموعة السواسيو (C) غلبت مجموعة المفاتيح (F) فانكسر الباب وسقطنا من يومها ) وتاثرت درجاتنا

لباقي السمسترات ، ونحن نلعن في دواخلنا حتى اليوم تناظير وزارة التربية و(التأليم) التي قدمت لنا اسوأ أساتذة لا يجيدون هم أنفسهم الإنجليزية ، دعك من كونهم يجيدون التدريس نفسه

أم لا ... :!:

وحتى لا ينكشف غطاء الضحك كثيرا ، فأننا في كل خطواتنا مع هذه اللغة التي كنا نلعن أبو اليوم اللي تم تعليمنا إياها فيه ، أصبحنا ندرك أن الإنجليزي هو مفتاح العلم في هذا الزمن

الذي سيطرت عليه أفكار العولمة والإنترنت ، وتأكدنا بما لا يدع مجالاً للـ(فك) أن أصوب قرار كان في تعلمنا اللغة الإنجليزية في الجامعة .

وصدقني يا من لا يدرك هذه الأشياء ، الموضوع ليس صعباً جدا ، فقد علمتنا التجربة أن اللغة فرس الشجعان ، لا ينبغي أن نخاف من الخطأ ، فحتى الأطفال يقعون الكثير من المرات

ليتعلمو المشي . فما بالنا نحن الكبار لا نخطيء حتى نتعلم ما يمكن أن يكون سبب تطور في حياتنا .

__________________________________________________

لنا عودة في جزء ثالث إن شاء الله :)

_________________
صورة

قلبك أنتيكة


أعلى
 يشاهد الملف الشخصي  
رد مع اقتباس  
 عنوان المشاركة:
مشاركةمرسل: السبت مارس 01, 2008 2:49 pm 
غير متصل
عضو متميز
عضو متميز
صورة العضو الشخصية

اشترك في: الثلاثاء نوفمبر 22, 2005 1:51 pm
مشاركات: 1230
مكان: الرتينة بقت
النوع: ضكر
مان يا مان والله زكرتنا الزمن الجميل والجامعة وما ادراك ما الجامعة



اها النحكى ليك عن الجامعة شوية كدا


طبعا انحنا كنا عبارة خمسة اولاد امتحنا سوا ودخلنا الجامعة سوا وطبعا نزلنا سناااير وحياتك مفتحين لانو جينا الجامعة كتيييير قبل ما ننزلا يعنى ممكن تقول فى حبة برلوم كدا يعنى :D



المهم انا اتبرلمتا فى سنة تانية :? يعنى بعد ما بقيت سنير بنات من كلية اداب عملو ليك فينا عملية انسى بس

مشينا نصلى فى المسجد وبع ما انتهينا من الصلاة كل واحد بيفتش فى جزمتو ما لقاها :D

لقينا فردة فى وفردة مافى :twisted:


وبقينا نفتش ونفتش .. بعد داك عرفنا انو فى زول ركبنا الماسورة يعنى اتبرلمنا ونحنا كبااار يخسى والله منظرنا كان يحنن :P


المهم انا غايتو جازفتها بى جاى وبى جاى وشلتا ليك سفنجة من عمك حسين بتاع الشاى فى كلية الاداب واتخارجتا على قاعة القزاة ( الليبى) دا المكان البنقعد فيهو وطبعا انا ولمن وصلت هناك خلاص نسيت البرنامج قلتا دا بيكون واحد من الشبابا بيهظر وبعدين بيرجع لينا باقى الجزم :lol:



قعدت ومعاى الشباب وحكيت ليهم على الحاصل اها قام واحد فيهم كلمنى قال لى فلانة وفلانة جابو ليهم كيس كبيييير مليان جزم وختوهو فى نص الفسحة بتاعت القاعة :?


وانا اقوم اعاين ليك لى الكيس القاهو فعلا خاتينو فى النص يعنى اى زول يجى يشيل جزمتى الناس حاتشوفوا وتضحك فيهو .. منظر انسسسسسسسسسسسسسسى بس :twisted:


المهم بقيت كيف امشى اشيل فردة جزمتى امشى ما امشى واقول لى صاحبى انان فى اولى ما اتبرلمتا اجى اتبرلم فى تانية شييييييييييييييييييييييييييييييييييييييييييينة :evil:


وقلتا لقيت ليك عوض الله بتاع السجاير وناديتو ليك قلتا: ليهو عوض الله امش جيب الكيس داااااااااااك بديك الف جنيه قال لى لا عدييييييييييل هو طبعا عندو (لجنة) فى لسانو

انتا دايل تبللمنى انا امس انتا يا حوى :D


ااااااااااخ قربتا اخبت بيهو الواطة .. المهم استفذانى واستقلانى وقال ما بيرضى الا بى خمسى الف جنيه وفعلا اديتا ليها وقلتا ليهو جيب لى الكيس ورا قاعة جغرافيا بعيد عن العين :D

جاب لى الكيس وشلتا جزمتى

وبقا همى كلو اعرف العمل فينا الحركة دى وبعد متابعة وجهد مضنى خسرتا فيهو الكتير من العزومات وسندوتشات البيرجر اتوصلتا لى الجناة :twisted:



طلعوا بنات كمان ورتنى ليهم واحدة همها بطنها راس ملا سندوتش بيرجر ومعاهو بيبسى :D


وبعد داااااااك ربطت وش كلب وبديت عملية البحث عنهم وربك رب الخير دلانى على مكانهم وهو المكان المعتاااااااااااااااااد


( الاستراحة) :arrow:


قاعدين اتجلبطو جوا وماعارفين الراجيهم شنو برا


والله مشيت اشتريت ( طبلة كبيييييييرة ابو سبعة الف ) وجيت قفلتا ليك الاستراحة بى البنات الفيها :05


ومشيت على الفرد وكلمتهم واى زول الاقيهو اقول ليهم قالو استراحة اداب فى زول قفلا والناس اتلمت برا ومشو كلمو الحرسويات وجو يكسروا الطبلة الديرا ليها سنة عشان تتكسر :05 والله الا كسرو القفل دا بعد ما وشهم بقى زي علبة الالوان هههههه


وكدا انا اخدت بى تااااااااااارى :D

_________________

لمن كنتا صغير شايل نوتة وقلم أختي ..
وعلبة صلصة فى شكل غيار لى عربيتي ..
ماشي وعارف جدي النيل وحبوبتي النخلة ..
ولما وصلتا قريب للنص ما بين مستقبل وماضي جميل ..
لقيت حبوبتي النخلة بتوصيني..
عيش إنسان وطيب خاطر المابيك ..
وأدي الخير لى كل الحولك برجع ليك ..
وحاول داوي جراح الحولك .. عشان تتناسي الجرح الفيك ..

صورة
صورة


أعلى
 يشاهد الملف الشخصي  
رد مع اقتباس  
 عنوان المشاركة:
مشاركةمرسل: الخميس مارس 06, 2008 8:35 pm 
غير متصل
مشرف منتدى الغد المشرق

اشترك في: الأحد نوفمبر 06, 2005 12:49 pm
مشاركات: 2167
مكان: الوطن اللا متناهي الحدود
النوع: ذكر
:D :D :D :lol:


والله يا ويتا أنا لي كم يوم بتاوق غلبني أرد زاتو :)

كلامك جا مقسم جنس تقسيمة معاي ، كل ما أزهج من الشغل أجي اقرا المقلب بتاع بنات اللذين ديل

أموووووووووووووووووت بالضحك :D


حقيقة المقالب في الجامعة والبرلمة من ألذ الأشياء ، وأكتر مقلب بتذكرو وأنا برلوم جو شلة من السناير

(هسي كلو برة البلد في أوربا) وعاملين في أساتذة ، وقفلو الباب وبدو يخرمجو لينا :evil:

أنحنا كان مشهور عننا لحدي ما اتخرجنا إننا دفعة مشاكسة وشرسة جدا :evil:

قمنا نقشنا ليك الوهمة ، ودسينا من واحد فيهم ورق شايلو طلع لاحقا ده ورق المشروع ، ولما سأل قلنا

ليو يا أستاذ إنت قلت أمشو صورو المذكرات دي .

صحبك السنير برك في واطة الله دي علشان نحلو ، والجماعة المعاو حلفو قالو الزول مناقشتو يوم الخميس.

في النهاية بعد ما الجماعة المعاو فضحوهو في الكلية كلها رجعنا ليو الورق :lol:


------------------------------------------------------------------------------------------

ويتا والله خطوة عزيزة لي زول عزيز ورائع :)

ما تنقطع من هذا المنبر السياسي الخاص بالرجال فقط ، في شمارات شبيبة كمية وردوم جاية في السكة.

_________________
صورة

قلبك أنتيكة


أعلى
 يشاهد الملف الشخصي  
رد مع اقتباس  
 عنوان المشاركة:
مشاركةمرسل: الخميس مارس 06, 2008 9:33 pm 
غير متصل
مشرف نيمة فاهم
صورة العضو الشخصية

اشترك في: السبت أكتوبر 21, 2006 5:26 am
مشاركات: 4396
ammar wita كتب:



قاعدين اتجلبطو جوا وماعارفين الراجيهم شنو برا


والله الا كسرو القفل دا بعد ما وشهم بقى زي علبة الالوان هههههه


وكدا انا اخدت بى تااااااااااارى :D


:lol: :lol: :lol: علبة الوان عديل

غايتو عافية منهن البنوت ديل دنيا واخرة :lol:

_________________
صورة



من نظـــــــــــــــــــــــــــرة عيــــــــن


أعلى
 يشاهد الملف الشخصي  
رد مع اقتباس  
 عنوان المشاركة:
مشاركةمرسل: الخميس مارس 06, 2008 9:34 pm 
غير متصل
مشرف نيمة فاهم
صورة العضو الشخصية

اشترك في: السبت أكتوبر 21, 2006 5:26 am
مشاركات: 4396
ammar wita كتب:



قاعدين اتجلبطو جوا وماعارفين الراجيهم شنو برا


والله الا كسرو القفل دا بعد ما وشهم بقى زي علبة الالوان هههههه


وكدا انا اخدت بى تااااااااااارى :D


:lol: :lol: :lol: علبة الوان عديل

غايتو عافية منهن البنوت ديل دنيا واخرة :lol:

_________________
صورة



من نظـــــــــــــــــــــــــــرة عيــــــــن


أعلى
 يشاهد الملف الشخصي  
رد مع اقتباس  
 عنوان المشاركة:
مشاركةمرسل: الأربعاء مايو 21, 2008 3:33 pm 
غير متصل
مشرف منتدى الغد المشرق

اشترك في: الأحد نوفمبر 06, 2005 12:49 pm
مشاركات: 2167
مكان: الوطن اللا متناهي الحدود
النوع: ذكر
::::: كاميرا ما بعد الجامعة ::::::

جزء (1)

الشخصيات .. الأشكال .. طرق الحديث .. التعبيرات ...

المرجعيات .. الأهداف .. وضوح الرؤية .. الخبرات ..

أو عكس ذلك أيضاً ..


أشياء كثيرة تلمحها حين تلتقط الكاميرا الخاصة بك أحد الشخصيات التي تعرفها بعد التخرج .

ربما تكون قريبة أو بعيد عنك .. ولكنك ستظل تحلل بواقع الرؤية القديمة ..


بالنسبة لي تغير الكثيرون .. وحتى فكرتي عن بعض الشخصيات اتضحت بأنها متأثرة بمجتمع الجامعة القائم على

الإشاعات في أحيان كثيرة ، أو لأكون أدق تعبيرا فهي ما نشيعه من أفكار عن هذه الشخصيات ..

وأعني هنا بالذات السناير في أحيان كثيرة .


دعوني هنا أسرح قليلاً .. وامعن في بعض القناعات ..

لدي قناعة كاملة بأن هنالك أقنعة ذات سماكة عالية الجودة قد نسجت حول وجوه بعض الشخصيات ،

نسجتها نفس الشخصيات ، أو نسجها الآخرون .. لا يهم :!:

المهم أن تجاربنا لما بعد الجامعة ، وقدرتنا ، وتجاربنا في الحياة ، تعطينا إمكانيات تصوير الصور بطريقة أوضح

بالضبط كما يحدث حين تصور بكاميرا موبايل قديمة 1.3 ميقا بكسل ، وتعيد تصوير نفس الصورة بكاميرا

دجتال 10 ميقا بكسل (ستضح الصورة أكثر على أظن) ...


ستسأل أيها القاريء ما جعلني أتذكر كل هذا وأسهب الكلام في هذا الطريق ..

ببساطة أصبحت كل يوم أكتشف أشياء تذهلني .. شخصيات تجعلك تستغرب تماما قدراتها القيادة بعد

المرحلة الجامعية ، وترى قدرات لم تدركها حينذاك ، ويقفز إلى ذهنك سؤال بسيط ..

ما الفرق الكبير الذي يجعل من نفس هذه الشخصيات تختلف :

هل هي الظروف أم هي البيئة المحيطة ...

أم عوامل النجاح ..


وما الذي يجعل شخصاً فاشلا في الجامعة ، وذو ترتيب أكاديمي ضعيف يصبح لامعاً في فترة الحياة العملية




حقيقة أكتشفت أحد هذه الأسباب :



الأهـــــــــــــــــــــــــــــــداف

_________________
صورة

قلبك أنتيكة


أعلى
 يشاهد الملف الشخصي  
رد مع اقتباس  
 عنوان المشاركة:
مشاركةمرسل: الجمعة مايو 23, 2008 10:03 am 
غير متصل
عضو نشط
عضو نشط
صورة العضو الشخصية

اشترك في: الثلاثاء إبريل 08, 2008 2:57 am
مشاركات: 511
مكان: شمارستان
النوع: شمشور
في انتظار المزيد يامان :roll: :roll:

_________________
ترم ترم ترم ترم ترم ترمممممممممم ترراراررم


أعلى
 يشاهد الملف الشخصي  
رد مع اقتباس  
 عنوان المشاركة:
مشاركةمرسل: الأربعاء أغسطس 06, 2008 10:11 pm 
غير متصل
عضو مشارك
عضو مشارك

اشترك في: الأحد أغسطس 13, 2006 4:15 am
مشاركات: 229
AYMEN كتب:
مان يا ود جامعتنا ... :D

بتزكر مره كده بعد ما بقينا سناير شويه كده ..قاعدين فى حرم الجماعه بنتونس

و كان صادف استقبال الطلاب الجدد ..البرالمه و كده ... اها جانا واحد بيسأل وين المكتبه

نظام عامل فيها جادى و كده ... قام واحد فينا (الله يجازيهو) وصف ليهو (الحمام) اكرم الله السامعين

والله جانا راجع بدل يكون زعلان كان فرحان و بيضحك ... قال والله دى برلمه ميه ميه :lol:



:lol: :lol: :lol: :lol: :lol: :lol: :lol: :lol: :lol: :lol:
الله يجازيه ساي

يديك العافيه


أعلى
 يشاهد الملف الشخصي  
رد مع اقتباس  
 عنوان المشاركة:
مشاركةمرسل: الأربعاء أغسطس 06, 2008 10:20 pm 
غير متصل
عضو مشارك
عضو مشارك

اشترك في: الأحد أغسطس 13, 2006 4:15 am
مشاركات: 229
مان من السودان كتب:
:D :D :D :lol:


والله يا ويتا أنا لي كم يوم بتاوق غلبني أرد زاتو :)

كلامك جا مقسم جنس تقسيمة معاي ، كل ما أزهج من الشغل أجي اقرا المقلب بتاع بنات اللذين ديل

أموووووووووووووووووت بالضحك :D


حقيقة المقالب في الجامعة والبرلمة من ألذ الأشياء ، وأكتر مقلب بتذكرو وأنا برلوم جو شلة من السناير

(هسي كلو برة البلد في أوربا) وعاملين في أساتذة ، وقفلو الباب وبدو يخرمجو لينا :evil:

أنحنا كان مشهور عننا لحدي ما اتخرجنا إننا دفعة مشاكسة وشرسة جدا :evil:

قمنا نقشنا ليك الوهمة ، ودسينا من واحد فيهم ورق شايلو طلع لاحقا ده ورق المشروع ، ولما سأل قلنا

ليو يا أستاذ إنت قلت أمشو صورو المذكرات دي .

صحبك السنير برك في واطة الله دي علشان نحلو ، والجماعة المعاو حلفو قالو الزول مناقشتو يوم الخميس.

في النهاية بعد ما الجماعة المعاو فضحوهو في الكلية كلها رجعنا ليو الورق :lol:


------------------------------------------------------------------------------------------

ويتا والله خطوة عزيزة لي زول عزيز ورائع :)

ما تنقطع من هذا المنبر السياسي الخاص بالرجال فقط ، في شمارات شبيبة كمية وردوم جاية في السكة.



حرام عليك لكين


أعلى
 يشاهد الملف الشخصي  
رد مع اقتباس  
 عنوان المشاركة: م
مشاركةمرسل: الأربعاء أغسطس 06, 2008 10:21 pm 
غير متصل
عضو مشارك
عضو مشارك

اشترك في: الأحد أغسطس 13, 2006 4:15 am
مشاركات: 229
خوفتوني من الجامعه والله الله يسامحكم

الله لا يوقعني في ناس زيكم


أعلى
 يشاهد الملف الشخصي  
رد مع اقتباس  
 عنوان المشاركة: Re: سنة أولى برلمة ... جرس وعولمة ..
مشاركةمرسل: الثلاثاء ديسمبر 16, 2008 9:03 pm 
غير متصل
مشرف منتدى الغد المشرق

اشترك في: الأحد نوفمبر 06, 2005 12:49 pm
مشاركات: 2167
مكان: الوطن اللا متناهي الحدود
النوع: ذكر
^^^ أرقصي يا بنشات ^^^^^

لمن يعرف ، ولمن لا يعرف فهي بنشات الجامعة وهي أراضي ومقر التسكع (وما أحلى تسكع الجامعة) ...

كل ما أشوف لي شلة شباب حلوين وطلبة جامعة قاعدين يضحكو على بعض أو يتثاغلو ويتغاتتو غتاتة الجامعة أضحك ضحكة كبيرة من جوا ...

وأقوليهم في سري اصلها أيام وبتعدي ، أضحكو أصلو الجري في الجامعة بيعلم الواحد يتخيل بدون مسئوليات شكل حياة نرجو إنو يكون أفضل ...

البنش واللمة الجميلة .. والخلط .. والكورة والتشجيع .. والحفلات .. والرقصات ..

الضحكات العالية ... والخوة الجميلة ..

الفرجة على الجميل .. والزعل من القبيح ..

أيام ليها ايقاع ودوزنة ..

أنا بسميها أيام الرقص مع البنشات :)

لأنو حقيقة البنشات وأماكن اللمة في الجامعة مكان ما كانت ومهما تكون طبيعتها ، بترقص طرب من وجود الطلبة وبتزعل من خلو البلد من النشاطات :)

بسجل هنا نوتة ذكريات خاصة بكل الأيام من ما كنا برالمة .. لحدي ما صرنا سناير وخريجين ..

وبكتب اسمي في دفتر حضور المحاضرات الجميلة ، والتشجيع للكورة الراقية ، والجمهور الواعي ، وفي حصص الشوق للحلوين :)

أرقصي يا بنشات في ذاكرتي كل يوم لأنك تذكار خاص بكل لحظات الطرب .. وابتهجي ما تزعلي نحنا مشينا وجو غيرنا ملوك ..

أصلو طبعك كان ولوف ...

والناس عليك جاية ميات وألوف ...

ليك وحشة يا بنشات ...

_________________
صورة

قلبك أنتيكة


أعلى
 يشاهد الملف الشخصي  
رد مع اقتباس  
 عنوان المشاركة: Re: سنة أولى برلمة ... جرس وعولمة ..
مشاركةمرسل: الأربعاء ديسمبر 17, 2008 12:14 am 
غير متصل
مشرف منتدى الأولاد
صورة العضو الشخصية

اشترك في: الثلاثاء نوفمبر 08, 2005 6:56 pm
مشاركات: 1333
مان الفنان

بصفتي من رواد مكتب الطابق العلوي جوار المكتبة واعلى البنشات الجنوبية :D

اقدم لك دعوة بالجلوس في البنشات واسترجاع احلى الذكريات


يوم IT



:D

_________________

بسأل عليك حزن الشفق
وقت الخيال ينعس ينوم يتوسد أحلام الأفق
ورعشة الليل الطويل آهة الشوق والأرق
بسأل عليك لما السؤال يصبح سفر



أعلى
 يشاهد الملف الشخصي  
رد مع اقتباس  
 
عرض مشاركات سابقة منذ:  مرتبة بواسطة  
إرسال موضوع جديد الرد على الموضوع  [ 40 مشاركة ]  الانتقال إلى صفحة السابق  1, 2

جميع الأوقات تستخدم GMT + 3 ساعات


الموجودون الآن

المستخدمون المتصفحون لهذا المنتدى: لا يوجد أعضاء مسجلين متصلين و 1 زائر


لا تستطيع كتابة مواضيع جديدة في هذا المنتدى
لا تستطيع كتابة ردود في هذا المنتدى
لا تستطيع تعديل مشاركاتك في هذا المنتدى
لا تستطيع حذف مشاركاتك في هذا المنتدى

البحث عن:
الانتقال الى:  

 

Powered by phpBB © 2000, 2002, 2005, 2007 phpBB Group  designed by alisaadali.com
Translated by phpBBArabia