اليوم هو الأحد يناير 21, 2018 9:20 pm   جميع الأوقات تستخدم GMT + 3 ساعات

تسجيل الدخول

اسم المستخدم:
كلمة المرور:
الدخول تلقائياً  
 


إرسال موضوع جديد الرد على الموضوع  [ 28 مشاركة ]  الانتقال إلى صفحة 1, 2  التالي
 
الكاتب رسالة
 عنوان المشاركة: ماذا تريد الفتاة السودانية من الرجل؟؟؟
مشاركةمرسل: السبت يوليو 24, 2010 1:34 pm 
غير متصل
عضو متميز
عضو متميز
صورة العضو الشخصية

اشترك في: الأربعاء أكتوبر 26, 2005 12:29 pm
مشاركات: 1074
مكان: لا يوجد
النوع: ذكر
هذا السؤال و الله محيرني و كمل باقي الشعيرات الفي الراس........

البت بقت ما مفهومة ولا بعجبا العجب ولا الصيام في رجب.....
هسع معقولة تعمل ليك علاقة تتم تلاتة سنة و دقداقة و في الاخر تسافر اجازة بس تلقى رسالة فيها (و الله انا فكرت و لقيت انو احنا ما بنقدر نستمر مع بعض!!!!)

هسع دة يسموهو شنو؟؟؟
و من غير اي مقدمات...
و التقول هي العلاقة دي عااملاها مع مراية ما مع زول عديييييييييييييييييييل كدة.....
يعني تفكر براها و تقرر براها.....
و طيب.....!

لا و كمان الاعجب تقول ليك لامن تتصل (يا ريت تتفهم و تقدر احساسي دة)......

دة ما الجن زاتو...

انا غايتو الفيني كملت مع بنات حوا الفرع السوداني ديل...........و ما قدرت اعرف يخشو لسهم من وين ولا يتلبو في دفارم دة كيف؟؟؟؟

كدي ادونو رايكم....

ماذا تريد الفتاة السودانية؟؟؟

_________________
صورة


أعلى
 يشاهد الملف الشخصي  
رد مع اقتباس  
 عنوان المشاركة: Re: ماذا تريد الفتاة السودانية من الرجل؟؟؟
مشاركةمرسل: السبت يوليو 24, 2010 2:04 pm 
غير متصل
مسـتشار
صورة العضو الشخصية

اشترك في: السبت ديسمبر 23, 2006 11:49 am
مشاركات: 5540
الليل و النهار واحــد علي العميان

و اللوم و المديح واحد علي السجمان

عز الخيل لجم....و عز الحريم وليان

و عز الراس دهن و عز القرب قطران



:05
:05 :05 :05
:05 :05 :05 :05 :05


ماحصل فكرت فى رحلة كدة لى ماليزيا ..تغيروا جو.. :mrgreen: بتفهمها بعد داااك .. :lol:

_________________
إِنَّ السَّمْعَ وَالْبَصَرَ وَالْفُؤَادَ كُلُّ أُولئِكَ كَانَ عَنْهُ مسئولا


صورة


أعلى
 يشاهد الملف الشخصي  
رد مع اقتباس  
 عنوان المشاركة: Re: ماذا تريد الفتاة السودانية من الرجل؟؟؟
مشاركةمرسل: السبت يوليو 24, 2010 2:32 pm 
غير متصل
عضو متميز
عضو متميز
صورة العضو الشخصية

اشترك في: الأربعاء أكتوبر 26, 2005 12:29 pm
مشاركات: 1074
مكان: لا يوجد
النوع: ذكر
foola كتب:
الليل و النهار واحــد علي العميان

و اللوم و المديح واحد علي السجمان

عز الخيل لجم....و عز الحريم وليان

و عز الراس دهن و عز القرب قطران



:05
:05 :05 :05
:05 :05 :05 :05 :05


ماحصل فكرت فى رحلة كدة لى ماليزيا ..تغيروا جو.. :mrgreen: بتفهمها بعد داااك .. :lol:

:shock:

اها هاكم جنس دة

و بعدين يا اختي دي رحله هيكون اتجاها وااااااااااااااااااحد
:twisted:

_________________
صورة


أعلى
 يشاهد الملف الشخصي  
رد مع اقتباس  
 عنوان المشاركة: Re: ماذا تريد الفتاة السودانية من الرجل؟؟؟
مشاركةمرسل: السبت يوليو 24, 2010 2:34 pm 
غير متصل
عضو متميز
عضو متميز
صورة العضو الشخصية

اشترك في: السبت فبراير 25, 2006 12:38 pm
مشاركات: 1405
مكان: في بيـــــــتي... وبيتــــك !!
النوع: فقط..أنا
دايرة البحس بيها بجد يا ود أبرق!! :arrow:





ولكل قاعدة شواذ

_________________
صورة

~~~~أودعـــــــك وكلي أسى.. فقد كنـــــت في نفسي وآهـــاتي

وثقـــــت في ذاك الذي داخلك.... وكنت مخطـــئة في اختيــــاراتي..

وخســــــــرتني... ولن تجــــــد مثل صدقي.. وإخــــــلاصي

إذا كنـــت "نصــــف" رجــــــــل.. فلســــــت من خيـــــــاراتي!!ا

~~~~


أعلى
 يشاهد الملف الشخصي  
رد مع اقتباس  
 عنوان المشاركة: Re: ماذا تريد الفتاة السودانية من الرجل؟؟؟
مشاركةمرسل: السبت يوليو 24, 2010 2:37 pm 
غير متصل
عضو متميز
عضو متميز
صورة العضو الشخصية

اشترك في: الثلاثاء نوفمبر 10, 2009 8:13 pm
مشاركات: 1523
مكان: في بيتنا
النوع: ذكر



ود ابرق

ده في الاول والاخير بيتوقف على اختيارك للبت المناسبة

من الاول قبل ما تعوم في الغريق تحدد مستقبلك معاها وتختو النقط على الحروف

لو حسيت انها البت المناسبة ليك وممكن تكمل معاك ميه الميه

اما لو غير كده معناهو اختيارك كان خاطيء

السوال ده البنات بيجاوبوك عليهو بصورة اوضح :wink:


_________________
صورة


أعلى
 يشاهد الملف الشخصي  
رد مع اقتباس  
 عنوان المشاركة: Re: ماذا تريد الفتاة السودانية من الرجل؟؟؟
مشاركةمرسل: السبت يوليو 24, 2010 6:08 pm 
غير متصل
عضو متميز
عضو متميز
صورة العضو الشخصية

اشترك في: الأربعاء أكتوبر 26, 2005 12:29 pm
مشاركات: 1074
مكان: لا يوجد
النوع: ذكر
المستبده كتب:
دايرة البحس بيها بجد يا ود أبرق!! :arrow:





ولكل قاعدة شواذ


شكرا ليك على الاجابة يا مستبدة
سؤال: مستبدة دة اسم ولا صفة؟

الانا داير اعرفو الاحساس عندهم شنو؟
الله يلعن عمرو دياب علي تامر علي حماقي على حمادة (بتاعهم ما بتاعنا)
و الله خربوا علينا البنات و غيرو مفهوم الحب و الاحاسيس كلها....

يعني الواحدة ما تقول ليها كلمة الا تسمعك غنية من ديل.............و بعدين يا جماعة الطبع بختلف.....و الحب ما احساس و بس.....

و ما ممكن تقول ليك و الله انا امس كنت متضايقة و انت ما اتصلت معناها انك ما حاسي بي و لا انا بهمك...و دي جد حصلت معاي و كم مرة كمان.....

ما انا ما بعلم بالغيب عشان (احس)انك تعبانة ولا مصدعة ولا غيرو....
و الواحدة حتى ما بتشكي كان عندها حاجة و تقول مفروض انك تحس.....
و الله كلام عجيب...!!!!و بقت ثابتة في معظم البنات السودانيات
و احنا طيب ما بنفس المقدار ما بحسو بينا لكن ما قعد نعملا سبب و بنطنش بالواااااااااااضح كدة......

و الله البنات بعدوا عن الواقعية و عاشو في دنيا الاحلام و اتناسو انو في حاجة اسمها حدود المعقول....
و العصر الاحنا فيهو دة خلا مقاييسهم تتضرب.....
و دة كلو حاصل و عن تجربة....


عشان كدة لامن تقولي لي دايرة اليحس بيها......خليها تعرف حدود الاحساس دة و امكانياتو اول حتى تطالب بيهو...
ارجو اني اكون وضحت نقطة كلامي ليك,,,,,
و شكرا تاني على المرور الكريم...

_________________
صورة


أعلى
 يشاهد الملف الشخصي  
رد مع اقتباس  
 عنوان المشاركة: Re: ماذا تريد الفتاة السودانية من الرجل؟؟؟
مشاركةمرسل: السبت يوليو 24, 2010 9:25 pm 
غير متصل
عضو متميز
عضو متميز
صورة العضو الشخصية

اشترك في: السبت فبراير 25, 2006 12:38 pm
مشاركات: 1405
مكان: في بيـــــــتي... وبيتــــك !!
النوع: فقط..أنا
ما كان قصدي تحس بيها يعني للدرجة دي..



اصلا ما معقول البتقولوا.... وابدا ما للدرجة دي...



انا قصدي... تحسسها انك حاسي بيها وبمشاعرها.....



يعني اهم شي عند البت ... الاهتمام والكلمة الحلوة.....



*********


ممكن تقعد اسبوع ما تضرب ليها من غير سبب غير انو ما مفروض تتكلموا كل يوم؟؟



انا برضو دايرة افهم الاولاد سغيلين كده ليه!!




ت: اسم ليس إلا :arrow:

_________________
صورة

~~~~أودعـــــــك وكلي أسى.. فقد كنـــــت في نفسي وآهـــاتي

وثقـــــت في ذاك الذي داخلك.... وكنت مخطـــئة في اختيــــاراتي..

وخســــــــرتني... ولن تجــــــد مثل صدقي.. وإخــــــلاصي

إذا كنـــت "نصــــف" رجــــــــل.. فلســــــت من خيـــــــاراتي!!ا

~~~~


أعلى
 يشاهد الملف الشخصي  
رد مع اقتباس  
 عنوان المشاركة: Re: ماذا تريد الفتاة السودانية من الرجل؟؟؟
مشاركةمرسل: الأحد يوليو 25, 2010 1:13 am 
غير متصل
مسـتشار
صورة العضو الشخصية

اشترك في: السبت ديسمبر 23, 2006 11:49 am
مشاركات: 5540
ود ابرق كتب:
foola كتب:
الليل و النهار واحــد علي العميان

و اللوم و المديح واحد علي السجمان

عز الخيل لجم....و عز الحريم وليان

و عز الراس دهن و عز القرب قطران



:05
:05 :05 :05
:05 :05 :05 :05 :05


ماحصل فكرت فى رحلة كدة لى ماليزيا ..تغيروا جو.. :mrgreen: بتفهمها بعد داااك .. :lol:

:shock:

اها هاكم جنس دة

و بعدين يا اختي دي رحله هيكون اتجاها وااااااااااااااااااحد
:twisted:

:05 :05 بري يايمة من الأخلاقهم فيييييييي طرفهم ديل .. :mrgreen:

..............

نجى للجد ..

قلت لى زعلان من موضوع الاحساس ده.. :05 انا عاااارفة الرجال السودانيين ..تسألهم أى حاجة إلا الإحساس ..أو بمعنى آخر

الرومانسية .. دى فى قاموسهم مااافى .. يعنى هسه بكلفك شنو لو انت بعد مية سنة اتصلت بيها وقالت ليك انت مابتحس بي

قمت كدة قلت ليها ..هسه لوماحسيت بيك كان اتصلت 8) .. والله هى غايتو بتصدق .. :mrgreen: يعني يعلموكم كدة بالواضح ..!!

لااازم يعني النشاااف ده .. :lol: داير تكون سعيد كيف يعنى ؟ :lol: اى حاجة مصنفنها تحت بند ..الدلع و عدم المسئولية .. :roll:

ياخ اااى بنات وبدلعوا ومامفترض زاتو تكون عليهم مسئولية ..حققققققهم .. :05 ولامفترض زاتو يشيلوا هم الحالة والحاصل .. 8)

صدقنى .. كلما الواحدة شالت هم الحاصل .. كلما وجودها فى الحياة كانثي ..بقي مهدد .. :|

انا معاك ... الواحدة مش تقل راسها لى درجة ..عمرو دياب قال ولا تامر حسني غنى شنومابعرفه!!..لكن لاااازم حبة مساحة يعني .. 8)

والله انا بحييهم الرومانسيات ديل :mrgreen:

.. هسه يمكن كلامى ده يزعلك . :? . لكن لو عملت منه المعقول .. بتلقاه بيفيد في يوم .. :wink:

_________________
إِنَّ السَّمْعَ وَالْبَصَرَ وَالْفُؤَادَ كُلُّ أُولئِكَ كَانَ عَنْهُ مسئولا


صورة


أعلى
 يشاهد الملف الشخصي  
رد مع اقتباس  
 عنوان المشاركة: Re: ماذا تريد الفتاة السودانية من الرجل؟؟؟
مشاركةمرسل: الأحد يوليو 25, 2010 1:22 am 
غير متصل
عضو نشط
عضو نشط
صورة العضو الشخصية

اشترك في: الخميس أكتوبر 04, 2007 3:41 pm
مشاركات: 794
مكان: ....!!!
اقتباس:

عندما نبحث عن الحُب ...


نبحث عن الإتمام للنقص ...



.
.
يعني كل واحد بيفتش النقص الي فيهو في الجنس الاخر ..


واصابع يديك ماسوا ..


يعني مثلا المشكله مابس عدم احساس .. زي ما اتعنكشتو فيهو .. :lol: :lol:


في بت بتكون فاقده حنان بجد بجد يعني .. بتحتاج انو يكون الولد حنين معاها زياده ..


ويزيد نسبه احساسو بيها مابعلم الغيب زي مابتقول بس بزياده الاهتمام وكده ..

.
.

وفي بنت بتكون مدلعه زياده عن اللزوم ..دي بتكون محتاجه هرش مثلا يعني زي مابيقولو زول يشكما ..لانو هي مفتقده الحته دي ..مثلا يعني متعوده انو اي شي عاوزاهو حاضر وكده ..

مثلا زي بت تكون مبهوره بجمالها ..والطالع والنازل بيعاكس فيها بسبب جمالها والعاوز يتزوجها بس لجمالها ..

لازم تحس انك حبيتها مابسبب جمالها بس عشان حاجات تانيه اهم ..

وكده ..

.
.
.

وعااامه كده ..


دي بتحتاج انو يكون حنين معاها وقت الحنيه ويكون جادي وقت الجديه وشادي عليها وقت الشده والمشارك لارائها ..
.
.
.


يعني في النهايه البت لازم تحس مع الشخص الي قداما احساس مختلف ماحستو قبل كده زي ماقلت ليك فوق ..


يعني لازم تحس بالاختلاف عشان تنبهر بالشخص الي قداما وتتمسك بيهو ..

.
.

وبعدين تاني انت واختيارك وطريقه تعاملك معاها ..لو عرفت تتعامل معاها صح بحسب نظرتك ليها اكيد حتكمل معاها ..

_________________
صورة


لمـ يعد للكلام..أهميه..

فــ أهلا بالصمت..

وفراغ العقولـــ


أعلى
 يشاهد الملف الشخصي  
رد مع اقتباس  
 عنوان المشاركة: Re: ماذا تريد الفتاة السودانية من الرجل؟؟؟
مشاركةمرسل: الأحد يوليو 25, 2010 10:40 am 
غير متصل
مشرف نادي التسلية

اشترك في: الأحد إبريل 01, 2007 7:59 pm
مشاركات: 6531
مكان: احمد شرفي
النوع: انثى
:roll:

_________________
مــرت الأيــآم ..,


أعلى
 يشاهد الملف الشخصي  
رد مع اقتباس  
 عنوان المشاركة: Re: ماذا تريد الفتاة السودانية من الرجل؟؟؟
مشاركةمرسل: الأحد يوليو 25, 2010 1:16 pm 
غير متصل
عضو متميز
عضو متميز
صورة العضو الشخصية

اشترك في: الأربعاء أكتوبر 26, 2005 12:29 pm
مشاركات: 1074
مكان: لا يوجد
النوع: ذكر
foola كتب:
:05 :05 بري يايمة من الأخلاقهم فيييييييي طرفهم ديل .. :mrgreen:

..............

نجى للجد ..

قلت لى زعلان من موضوع الاحساس ده.. :05 انا عاااارفة الرجال السودانيين ..تسألهم أى حاجة إلا الإحساس ..أو بمعنى آخر

الرومانسية .. دى فى قاموسهم مااافى .. يعنى هسه بكلفك شنو لو انت بعد مية سنة اتصلت بيها وقالت ليك انت مابتحس بي

قمت كدة قلت ليها ..هسه لوماحسيت بيك كان اتصلت 8) .. والله هى غايتو بتصدق .. :mrgreen: يعني يعلموكم كدة بالواضح ..!!

لااازم يعني النشاااف ده .. :lol: داير تكون سعيد كيف يعنى ؟ :lol: اى حاجة مصنفنها تحت بند ..الدلع و عدم المسئولية .. :roll:

ياخ اااى بنات وبدلعوا ومامفترض زاتو تكون عليهم مسئولية ..حققققققهم .. :05 ولامفترض زاتو يشيلوا هم الحالة والحاصل .. 8)

صدقنى .. كلما الواحدة شالت هم الحاصل .. كلما وجودها فى الحياة كانثي ..بقي مهدد .. :|

انا معاك ... الواحدة مش تقل راسها لى درجة ..عمرو دياب قال ولا تامر حسني غنى شنومابعرفه!!..لكن لاااازم حبة مساحة يعني .. 8)

والله انا بحييهم الرومانسيات ديل :mrgreen:

.. هسه يمكن كلامى ده يزعلك . :? . لكن لو عملت منه المعقول .. بتلقاه بيفيد في يوم .. :wink:



عزيزتنا فولا............

انا آسف ا>ا حسيتي انو اخلاقي فى طرف نخرتي لكن جد الموضوع غايظني....

و بعدين يا استاة مين قال ليك انو احنا الرجال ديل عبارة عن اصنام و ما بنحس
بس كل الحاصل انو طبع الرجل بختلف من ناحية انو المسؤولية على عاتقو كبيرة و همومو الفي راسو اكتر....و ما قصدي هنا انو انتن كمان فايقات و رايقات و ما عندكن هم لكن برضك لازم تختو الحتة دي...
انو احنا ما بالضرورة كل ما نجي خاشين البيت نجيب معانا بوكي ورد ولا شوكلاتة ولا قصيدة في ورقة مرصعة بالقلوب عشان نثبت انو بنحب الطرف التاني دة.... :06

و بعدين كيف يعني من حققكم ما يكون عليكم اي مسؤولية؟؟!!!!
و امال الحياة شراكة و حقوق المراة و المساواة مع الرجل الكاتلننا بيها دي فاتت وين؟؟؟؟
ولا دي لغاية هنا و stop....
و بعدين الكلام ما اي ححاجة ولا هو وسيلة التعبير المثالية.....حتى البحوث العلمية اثبتت انو الكلام بيوصل 35% فقط من الاحساس....و الاشارات الجسدية بتوصل 70% منو.....يعني النقة دي كلام فاضي ساي.....
بس برضك انا ما بنكر حققكم في الكلمة الطيبة و المعاملة الحلوة...و الرقيقة
و حتة تتصل بعد مية سنة دي مافي و الله.......
هو مية ثانية فيها زعل خلي مية سنة :05
غايتو هو كلامك ما بزعل ولا حاجة و الله لاني جد خاتي البوست دة عشان استفيد منو بي اي حاجة
بس قالو (البجرب المجرب خسران) و كلامك دة انا جربتو و ما نفع و الله

_________________
صورة


أعلى
 يشاهد الملف الشخصي  
رد مع اقتباس  
 عنوان المشاركة: Re: ماذا تريد الفتاة السودانية من الرجل؟؟؟
مشاركةمرسل: الأحد يوليو 25, 2010 1:34 pm 
غير متصل
عضو متميز
عضو متميز
صورة العضو الشخصية

اشترك في: الأربعاء أكتوبر 26, 2005 12:29 pm
مشاركات: 1074
مكان: لا يوجد
النوع: ذكر
المستبده كتب:
ما كان قصدي تحس بيها يعني للدرجة دي..



اصلا ما معقول البتقولوا.... وابدا ما للدرجة دي...



انا قصدي... تحسسها انك حاسي بيها وبمشاعرها.....



يعني اهم شي عند البت ... الاهتمام والكلمة الحلوة.....



*********


ممكن تقعد اسبوع ما تضرب ليها من غير سبب غير انو ما مفروض تتكلموا كل يوم؟؟



انا برضو دايرة افهم الاولاد سغيلين كده ليه!!




ت: اسم ليس إلا :arrow:


و الله يا مستبدة الكلام الانا قلتو دة معقول و كمان حاصل و لي درجة اكتر من كدة و كمان ما معاي انا براي
في كذا زول حصلت ليهو من البت البحبها........
انا زي ما قلت ما بنكر انو الاحساس متطلب اساسي في اي علاقة....بس كمان البنات بقو كل همهم وشاغلهم الود الحساس المخلي الورا و القدامو و قاعد ليها هي و بس.....
و كمان تقول ليك انت حقي انا براي و بس....سبحان الله :roll:
و ما بتمرق منهم حاجة الا بعد مروق روحك..... :evil:
يعني الواحدة كان شفتها متضايقة ساي و سألتها بتقول ليك ماف حاجة و ما توريك الا بعد المرة العشرين.....
و الله انا قبل كدة سألتها متضايقة من شنو و ما ورتني....خليتها و غيرت الموضوع......
بكرة صرت لي خلقتها و قال ايه (انت كان مفروض تسأل تاني و تاني لغاية ما اوريك بس الظاهر انك ما مهتمي)و دة و الله الحصل
يعني زي دي يعملو ليها شنو؟

و احنا يا بتنا ما (سغيلين)....
صدقيني انا بتمنى لو اتكلم مع البت البحبها كل دقيقة و كل ثانية...........(لكن كمان كترت السكر بتمسخ الشاي) بس ما لدرجة اسبوع دي ....دي مبالغة حبة و تقصير كمان.....
و احلى حاجة في الحب هو الحرمان....لانو هو البولد الشوق.....
لو بقى مافي حرمان معناها المسألة اداء واجب من غير احساس.....
و مافي ولد بحب ليهو بت ما بيتصل بيها لي اسبوع من غير سبب مقنع......بس انتو بتزعلو سريع و ما بتختو العزر ابدا....و دي زااااااااااااااااااتا مشكة :arrow:

_________________
صورة


أعلى
 يشاهد الملف الشخصي  
رد مع اقتباس  
 عنوان المشاركة: Re: ماذا تريد الفتاة السودانية من الرجل؟؟؟
مشاركةمرسل: الأحد يوليو 25, 2010 1:53 pm 
غير متصل
عضو متميز
عضو متميز
صورة العضو الشخصية

اشترك في: الأربعاء أكتوبر 26, 2005 12:29 pm
مشاركات: 1074
مكان: لا يوجد
النوع: ذكر
عطر الورد...

برضو ما مشيتي بعيد من حتة الاحساس دي......
و انتو بصراحة المعنكشين فيها ما نحنا.. :05

كلامك جميل و حلو......بس كمان بينقص منكم كتير....
انا ماممكن اقضي علاقتي كلها مع بت احاول افتش في النقص بتاعا وين عشان اتمو....ولا انا بعمل علاقة عشان انا عندي نقص.....

الواحد لما يحب بحب انسان كامل مش جزء منو هو محتاجو عشان يتم بيهو الناقص عندو(دة شغل سد الفجوة ولا شنو؟ :05 )
يعني المفروض انك تاخددو بي سلبياتو و ايجابياتو و بعدين لي قدام بيتعدل الممكن و الما ممكن يتعدل فيها او فيني نحاول نتعايش معاهو....ما الحب اساسا علاقة بتتميز بالمرونة.... :idea:
و الحقيقة في كلامك دة انو معظم البنات بقو فاقدين حتة الحنية دي و احيانا بكون بي سبب المعاملة في البيتو اسلوب التربية الخاطئ بالاضافة لي قساوة المجتمع في التعامل مع البت كأنها مجرمة تحت المراقبة 24 ساعة...و دة غلط كبير المفروض انو الناس تعالجو من جزورو مش تفتش لي حاجة تانية تسدها بيهو....
انا غايتو شايف انو مافي بت ما جميلة اساسا لانو برضو في النهاية خلقت الله :thumbup:
بس اي واحدة بتتميز بي حاجة تانية غير اختا.....و دة البعمل الفروقات هنا....و اي واحدة بقت تحاول انها تظهر جمالياتا اكتر من انها تظهر شخصيتا على طبيعتها و ما عارف ليه انتو فاكرين انو نحنا مهتمين بي الحاجات الظاهرة دي بس؟ :?: :?:
صحيح انو اي انجذاب بين شخصين بيبدا بالمظهر الخارجي بس العبرة دايما بالنهاية ما البداية...
يعني الواحدة ما المفروض تخفي الهيظهر بالزمن
ولا كلامي دة ما صح؟
كلامك سليم بس برضك انتو بينقصكم الوضوح في التعامل....
بتحبو دايما انكم تكونو غامضين......يمكن عشان الغموض بولد الفضول و في النهاية بيدي حاجة (شبيهة) بالاهتمام.... :roll:
بس اكيد انو انتو ما عايزين كدة....ولا كيف؟
الاهتمام ما بينجم الا من اهتمام........ :arrow: :arrow: :arrow:
حاولو انكم ما تخلو المسألة كلها تدور حولكم انتو بس.....

و شكرا على مرورك الكريم و كلامك الموزون :thumbup:

_________________
صورة


أعلى
 يشاهد الملف الشخصي  
رد مع اقتباس  
 عنوان المشاركة: Re: ماذا تريد الفتاة السودانية من الرجل؟؟؟
مشاركةمرسل: الأحد يوليو 25, 2010 3:04 pm 
غير متصل
عضو متميز
عضو متميز
صورة العضو الشخصية

اشترك في: السبت فبراير 25, 2006 12:38 pm
مشاركات: 1405
مكان: في بيـــــــتي... وبيتــــك !!
النوع: فقط..أنا
والله انا زاتي متحيرة يا ود ابرق... اي بنزعل سريع...


لكن غايتو... اي اتنين القسمة بيناتهم مكتوبة... الامور بتمش زابطة بينهم..



ده الفهم الوحيد الجاني :arrow:


غير كده .... كل الاولاد في نظري دايرين يمتلكوا وبس :arrow:



*********


نصيحتي ليك.. تاني لمن تلقى وحدة مناسبة ليك... عرسها..


ولو ما جاهز من الاول ما تحب.. عشان ما تجهجها معاك..



والحب ده كان زمان :!:

_________________
صورة

~~~~أودعـــــــك وكلي أسى.. فقد كنـــــت في نفسي وآهـــاتي

وثقـــــت في ذاك الذي داخلك.... وكنت مخطـــئة في اختيــــاراتي..

وخســــــــرتني... ولن تجــــــد مثل صدقي.. وإخــــــلاصي

إذا كنـــت "نصــــف" رجــــــــل.. فلســــــت من خيـــــــاراتي!!ا

~~~~


أعلى
 يشاهد الملف الشخصي  
رد مع اقتباس  
 عنوان المشاركة: Re: ماذا تريد الفتاة السودانية من الرجل؟؟؟
مشاركةمرسل: الأحد يوليو 25, 2010 3:46 pm 
غير متصل
عضو متميز
عضو متميز
صورة العضو الشخصية

اشترك في: الأربعاء أكتوبر 26, 2005 12:29 pm
مشاركات: 1074
مكان: لا يوجد
النوع: ذكر
المستبده كتب:
والله انا زاتي متحيرة يا ود ابرق... اي بنزعل سريع...


لكن غايتو... اي اتنين القسمة بيناتهم مكتوبة... الامور بتمش زابطة بينهم..



ده الفهم الوحيد الجاني :arrow:


غير كده .... كل الاولاد في نظري دايرين يمتلكوا وبس :arrow:



*********


نصيحتي ليك.. تاني لمن تلقى وحدة مناسبة ليك... عرسها..


ولو ما جاهز من الاول ما تحب.. عشان ما تجهجها معاك..



والحب ده كان زمان :!:


ههههههههههههههههههههههههههههههههههه
سؤال:
انتي ليه ختيتي انو الانا المجهجها معاي ما العكس؟

و بعدين انا لو جاهز ما هاحب هأعرس طوالي و كدة نسبة الطلاق و المشاكل هتكون اكتر
و ما دام جاهز الاقي واحدة اساسا ليه.؟ ما اخلي امي تعمل قرعة و التمرق تمرق :05

دة ما حل و الله.......... :thumbdown:

و القسمة دي انا ما بتكلم عنها الا اذا كان في اسباب منظقية لي نهاية العلاقة....
مش عشان ماف سبب اعلقا في رقبة القسمة دي.....

و الحب يا بتنا تضحية ما امتلاك في نظري...........
و بعدين انا من حقي اني ادعي امتلاكي لي الانسانة دي اذا كنت فعلا بمتلك قلبها..........و العكس بالعكس و العكس صحيح بالنسبة ليكم...
يعني ما فيها حاجة...
و بعدين الانسان لامن يمتلك حاجة بحاول يحافظ عليها و يهتم بيها اكتر من الحاجة الهو مقتنع تماااااااااما انها ما ملكو....
و دي بصراحة كدة تصرفات صبيانية ما عندها علاقة بالنضوج و انا بتكلم عن علاقة بين اتنين ناضجين جسديا و عقليا(او على الاقل واحد فيهم :roll: )
بس شكرا علي النصيحة.....
و لسه ما عرفتكم دايرين شنو بالضبط لانو الظاهر انو حتى انتو ما عارفين عايزين ايه......

و الدليل انك زاتك محتارة معاي.... :arrow:

_________________
صورة


أعلى
 يشاهد الملف الشخصي  
رد مع اقتباس  
 عنوان المشاركة: Re: ماذا تريد الفتاة السودانية من الرجل؟؟؟
مشاركةمرسل: الأحد يوليو 25, 2010 4:38 pm 
غير متصل
مسـتشار
صورة العضو الشخصية

اشترك في: السبت ديسمبر 23, 2006 11:49 am
مشاركات: 5540
ودابرق كتب:
و كمان تقول ليك انت حقي انا براي و بس....سبحان الله :roll:
و ما بتمرق منهم حاجة الا بعد مروق روحك..... :
evil:


:roll:

ودابرق كتب:
الحب يا بتنا تضحية ما امتلاك في نظري...........
و بعدين انا من حقي اني ادعي امتلاكي لي الانسانة دي اذا كنت فعلا بمتلك قلبها..........و العكس بالعكس و العكس صحيح بالنسبة ليكم...
يعني ما فيها حاجة...
و بعدين الانسان لامن يمتلك حاجة بحاول يحافظ عليها و يهتم بيها اكتر من الحاجة الهو مقتنع تماااااااااما انها ما ملكو

هسه يا اخواننا ..المامفهوم منو فيكم ..!! :roll:

يعني من حقك تمتلكها ومامن حقها تعبر عن انها عاوزة تمتلكك ..ولا شنووو :roll:

_________________
إِنَّ السَّمْعَ وَالْبَصَرَ وَالْفُؤَادَ كُلُّ أُولئِكَ كَانَ عَنْهُ مسئولا


صورة


أعلى
 يشاهد الملف الشخصي  
رد مع اقتباس  
 عنوان المشاركة: Re: ماذا تريد الفتاة السودانية من الرجل؟؟؟
مشاركةمرسل: الأحد يوليو 25, 2010 4:52 pm 
غير متصل
عضو متميز
عضو متميز
صورة العضو الشخصية

اشترك في: الأربعاء أكتوبر 26, 2005 12:29 pm
مشاركات: 1074
مكان: لا يوجد
النوع: ذكر
foola كتب:
هسه يا اخواننا ..المامفهوم منو فيكم ..!! :roll:

يعني من حقك تمتلكها ومامن حقها تعبر عن انها عاوزة تمتلكك ..ولا شنووو :roll:


و الله ابدا....
انا اثبت حقكم في الحتة دي ما قلت عكس كدة......

بس انا ما قصدي اني امتلك زمنا كلو ولا حتى اتخذ ليها قراراتا او اتدخل فيها بطريقة خطأ او اني يكون عندي ليها تعليق في كل تصرف تعملو زي ما هي بتعمل و معظم البنات كمان....
انا امتلاكي من نوع تاني...
امتلاكي هو الثقة في انو الانسانة دي لي انا و كمان اكون متأكد منن حتة اخلاصها لي(قالو حلاوة الريدة في الاخلاص)

امتلاك الانسان معناهو انو يكون متوجه بي كل مشاعرو ناحية انت فقط ما انسان تاني.....

_________________
صورة


أعلى
 يشاهد الملف الشخصي  
رد مع اقتباس  
 عنوان المشاركة: Re: ماذا تريد الفتاة السودانية من الرجل؟؟؟
مشاركةمرسل: الأحد يوليو 25, 2010 5:57 pm 
غير متصل
عضو نشط
عضو نشط
صورة العضو الشخصية

اشترك في: الخميس أكتوبر 04, 2007 3:41 pm
مشاركات: 794
مكان: ....!!!
ود ابرق ..ليك التحيه ..

لكن روق شويه ..انتو واحنا وانتو ... احنا منو وانتو منو ... :D

احنا مافي مبارزه عشان تحاول تهزمني بكلمه او العكس ..

.
.
بردك حسستني انك مافهمت الي انا قاصداهو ..

انا جاوبتك على حسب سؤالك .. ماذا تريد الفتاه من الرجل ..؟... :arrow:

.
.
ود ابرق كتب:
كلامك جميل و حلو......بس كمان بينقص منكم كتير....
انا ماممكن اقضي علاقتي كلها مع بت احاول افتش في النقص بتاعا وين عشان اتمو....ولا انا بعمل علاقة عشان انا عندي نقص.....

الواحد لما يحب بحب انسان كامل مش جزء منو هو محتاجو عشان يتم بيهو الناقص عندو(دة شغل سد الفجوة ولا شنو؟ :05 )
يعني المفروض انك تاخددو بي سلبياتو و ايجابياتو و بعدين لي قدام بيتعدل الممكن و الما ممكن يتعدل فيها او فيني نحاول نتعايش معاهو....ما الحب اساسا علاقة بتتميز بالمرونة.... :idea:



الحكايه مابتحتاج انك تضيع عمرك ..كلها نظره وحده واكيد حتعرف الفيها والمافيها ..

اما حكايه النقص .. بصد من ناحيه الاحساس ..جواها هي ..دي حاجه اصلا بتحسها لاشعوريا من غير ماتخت ليها بالك ..

وماسد فجوه بس اشباع فجوه ..عشان تحس بالاكتفاء ..

بردك اخدتني لمكان بعييييد من كلامي ..السلبي والاجابي ده مافيهو اي خلاف ..لان انا لو حبيتك اكيد حأحب سلبياتك قبل ايجابياتك ..

.
.
ود ابرق كتب:
الحقيقة في كلامك دة انو معظم البنات بقو فاقدين حتة الحنية دي و احيانا بكون بي سبب المعاملة في البيتو اسلوب التربية الخاطئ
بالاضافة لي قساوة المجتمع في التعامل مع البت كأنها مجرمة تحت المراقبة 24 ساعة...و دة غلط كبير المفروض انو الناس تعالجو من جزورو
مش تفتش لي حاجة تانية تسدها بيهو....


انا قلت ليك اصابع يديك ماسوا .. ما تعمم .. :D

نحلو كيف ..اصلا الي بحلو منو .. عشان كده قلت ليك محتاجه احساس يحسسها بالكفايه وانها تكون في غنا تقريبا من الاحاسيس الباقيه ..

وبتفتش عنها في الشخص الي قداما .. " ده كلــــو الي قصدتو بالنقص .."

.
.
.
.

ود ابرق كتب:
انا غايتو شايف انو مافي بت ما جميلة اساسا لانو برضو في النهاية خلقت الله :thumbup:
بس اي واحدة بتتميز بي حاجة تانية غير اختا.....و دة البعمل الفروقات هنا....و اي واحدة بقت تحاول انها تظهر جمالياتا اكتر من انها تظهر شخصيتا على طبيعتها و ما عارف ليه انتو فاكرين انو نحنا مهتمين بي الحاجات الظاهرة دي بس؟ :?: :?:
صحيح انو اي انجذاب بين شخصين بيبدا بالمظهر الخارجي بس العبرة دايما بالنهاية ما البداية...
يعني الواحدة ما المفروض تخفي الهيظهر بالزمن
ولا كلامي دة ما صح؟


الجمال كان مثال ليس الا ...

تاني احنا وانتو .... :lol: ...!!

اسمع مني دي .. اي وحده بتحاول تبرز حاجه من جمالها عن قصد .. اكيد بتحاول تلفت انتباهك عشان تحس بيها او تعلق او اي حاجه ..

عدم ثقه وكده بيجي من النقص ..

ودي من بت لبت بتختلف .. في الواثقه وفي المهتزه وفي المعدومه الثقه في نفسها ..

يعني الحكايه ماحكايه جماليات ومظاهر خارجيه ..


.
.
.
ود ابرق كتب:
كلامك سليم بس برضك انتو بينقصكم الوضوح في التعامل....
بتحبو دايما انكم تكونو غامضين......يمكن عشان الغموض بولد الفضول و في النهاية بيدي حاجة (شبيهة) بالاهتمام.... :roll:
بس اكيد انو انتو ما عايزين كدة....ولا كيف؟
الاهتمام ما بينجم الا من اهتمام........ :arrow: :arrow: :arrow:
حاولو انكم ما تخلو المسألة كلها تدور حولكم انتو بس.....




الحكايه دلع ..تغلي ..تعزز .. وبس .. واظن من حقها ..

وبرجع اقول ليك انو جاوبناك بحسب سؤالك وهو اساسا بتعلق بينا احنا بس ..

.
.
.

ويديك العافيه ..

_________________
صورة


لمـ يعد للكلام..أهميه..

فــ أهلا بالصمت..

وفراغ العقولـــ


أعلى
 يشاهد الملف الشخصي  
رد مع اقتباس  
 عنوان المشاركة: Re: ماذا تريد الفتاة السودانية من الرجل؟؟؟
مشاركةمرسل: الأحد يوليو 25, 2010 7:21 pm 
غير متصل
مسـتشار
صورة العضو الشخصية

اشترك في: الأحد يونيو 17, 2007 6:39 pm
مشاركات: 3791
مكان: كل الاماكن
النوع: ذكر
اول حاجة العنوان دا من امس مجهجهني قلت قطع شك دا تبع سيدتي

عشان كدي ما جيت فوقو الا هسي بالصدفة :lol: :lol:


.....

بالنسبة لي دلع البنات دا وارائهن المتقلبة حسب امزجتهن والحالة النفسية الراهنة


قبل اسبوعين كده تقريبا اتصل علي صاحبي في البلد قال لي لازم تجي ضروري قلت ليهو في شنو يازول

قال لي بعد تجي بوريك بس والله محتاج ليك شديد

المهم بعد مشيت ليهو قلت ليهو الحال شنو يا زول شفقتني عليك

قال لي امس خطيبتي لحدي ما جينا من الجامعة وصلتها لحدي اهلها كنا سمنة علي عسل

قال لي لمن اتصلت عليها بي المساء زي كل مره فجاءه وبدون اي مقدمات قالت لي تاني ما تضرب علي واعتبر البينا انتهت وقفلت التلفون

قلت ليهو طيب المشلكة شنو وقت قالت ليك ما عايزاك ما تجلي الفكره

قال لي بس انا عايز اعرف السبب شنو

قلت وافرط عرفتها حا تستفيد شنو طالما انك انت خلاص قنعت منها زي ما هي قنعت منك

المهم اصر علي رايو وفعلا مشي يقابلها عشان يعرف السبب شنو

الغريبة لا عرف السبب شنو ولا خلاها وهسي رجعو زي المافي حاجة

غايتو الحب دا عليهو جنس محن :lol: :lol:

.......

المهم يا ود ابرق اخوي والله انا البنات ديل قنعت من خيرا فيهن تب

ووقت تقابلني فيهن بت سمحة اصنقع وادنقر اصنقع وادنقر

لحدي ما اشوف لي فيها حاجة مميزه اخزنها في ذاكرتي

وامشي احاول اكتب لي فيها حاجة وبعد داك امسحها من ذاكرتي وانتهي الموضوع :mrgreen:





ولك كل الود اخي ود ابرق

_________________
ادونا خاطركم يا اغلي ناس

وما تنسونا من الدعاء

:::::::::::::::::::::::::::

غدا ربما نُنْسي

ولكننا حتما لن نَنَسي الاعزاء

فكونو بخير كما عهدناكم

ولكم ودي


أعلى
 يشاهد الملف الشخصي  
رد مع اقتباس  
 عنوان المشاركة: Re: ماذا تريد الفتاة السودانية من الرجل؟؟؟
مشاركةمرسل: الاثنين يوليو 26, 2010 4:02 pm 
غير متصل
عضو متميز
عضو متميز
صورة العضو الشخصية

اشترك في: الأربعاء أكتوبر 26, 2005 12:29 pm
مشاركات: 1074
مكان: لا يوجد
النوع: ذكر
اخت فولا....

كلامك على العين و الراس و الله و انا فهمتو و هاختو لي قدام ((ان فضل فوقا قدام :roll: ))

عطر الورد كتب:
الحكايه مابتحتاج انك تضيع عمرك ..كلها نظره وحده واكيد حتعرف الفيها والمافيها ..

اما حكايه النقص .. بصد من ناحيه الاحساس ..جواها هي ..دي حاجه اصلا بتحسها لاشعوريا من غير ماتخت ليها بالك ..

وماسد فجوه بس اشباع فجوه ..عشان تحس بالاكتفاء ..


:?: :roll: :?:

عطر الورد كتب:
نحلو كيف ..اصلا الي بحلو منو .. عشان كده قلت ليك محتاجه احساس يحسسها بالكفايه وانها تكون في غنا تقريبا من الاحاسيس الباقيه ..

وبتفتش عنها في الشخص الي قداما .. " ده كلــــو الي قصدتو بالنقص .."


البحلو هو نحنا الجيل الجديد دة يا فولا......
و المفروض انو ما نكرر اخطاء الجيل القبلنا و نتقمص شخصيتو و اساليبو.....
اما حتة احساس يخليها في غنى عن الاحاسيس الباقية فدا كلام انا ما اظنو قريب حتى من الممكن....
يعني انتي لو لقيتي الاحساس دة في زول و ما معاهو اي احساس تاني ككدة بتكوني مرتاحة؟؟؟؟؟

وليه انتي مصرة انو عندكم نقص؟؟؟
عطر الورد كتب:
الحكايه دلع ..تغلي ..تعزز .. وبس .. واظن من حقها ..


في حدود المعقول و بس.....
لكن البت دايما بتحب الخيالات.....و دة اصلا من طبعها و فطرتها.....

غايتو اذا اصلا هي البت دايرة احساس ((تشبع بيهو الفجوة العندها دي)) فوالله دي ما حاجة صعبة للدرجة دي....
بس كدي عايني لي كلام المسلمي دة فوق و وريني البت دي فجوتها قدر شنو و دايرة كم قلاب احساس بالضبط....
و المسلمي المسكين دة زنبو شنو يتلتلو معاهم كدة :05

غايتو حكم...

و يديك الف عافية....

_________________
صورة


أعلى
 يشاهد الملف الشخصي  
رد مع اقتباس  
 عنوان المشاركة: Re: ماذا تريد الفتاة السودانية من الرجل؟؟؟
مشاركةمرسل: الاثنين يوليو 26, 2010 4:08 pm 
غير متصل
عضو متميز
عضو متميز
صورة العضو الشخصية

اشترك في: الأربعاء أكتوبر 26, 2005 12:29 pm
مشاركات: 1074
مكان: لا يوجد
النوع: ذكر
المسلمي يا اخوي الله يبارك فيك ....

بس صدقني مهما حذفت من الذاكرة بتاعتك دي في النهاية في واحدة هتلصق و تابا تمرق....
و جد بنات حوا ديل الله لينا منهم.....

غايتو صاحبك دة لو قعد تابع زولتو دي التلفون الجاي هيجيك من التجاني الماحي يا اما من بعشر :05

و الله يستر علينا و عليهو......

_________________
صورة


أعلى
 يشاهد الملف الشخصي  
رد مع اقتباس  
 عنوان المشاركة: Re: ماذا تريد الفتاة السودانية من الرجل؟؟؟
مشاركةمرسل: الاثنين يوليو 26, 2010 8:34 pm 
غير متصل
مسـتشار
صورة العضو الشخصية

اشترك في: الأحد يونيو 17, 2007 6:39 pm
مشاركات: 3791
مكان: كل الاماكن
النوع: ذكر
ود ابرق كتب:
المسلمي يا اخوي الله يبارك فيك ....

بس صدقني مهما حذفت من الذاكرة بتاعتك دي في النهاية في واحدة هتلصق و تابا تمرق....
و جد بنات حوا ديل الله لينا منهم.....

غايتو صاحبك دة لو قعد تابع زولتو دي التلفون الجاي هيجيك من التجاني الماحي يا اما من بعشر :05

و الله يستر علينا و عليهو......



:lol: :lol:

انت عارف يا ود ابرق اخوي انا من المره الفاتت داير اقول ليك البنات امات ريسينن متل التيوه ديل اكان ما جابن اخرنا ما برتاحن :lol: :lol:


.....

قبل كم يوم كده دخلت لي كفتريا مالقيت لي فيها مكان فاضي الا جنب اربعة بنات

المهم احترمت نفسي زحيت الكرسي مسااااااافة منعا لي الاختلاط وكده وخشيت فيهو لي نصي من باب سد الزرائع وكده برضو

المهم فيهن بت مقاصداني عديييييييل تشيل وتاشر لي شاب قاعد في مكان تاني في الكفتريا

الشباب قال ليها اجي قالت ليهو تعال بي حركة من يدها

اها الشاب يقوم يجيب شنتطو وكباية عصيرو في يدو ويجي عشان يشوف باقي الحنك شنو

المهم الشاب وقت جاء البت ادتو ليك وش تاني ما ياهو القبيل وهاك يا نبذ وما تحرتم نفسك

الشاب لمن يدو قعدت ترجف وكباية العصير قلبو يرفعها قال ليها انتي هسي ما قلتي لي تعال

قالت ليهو هسي افهم من كلامك دا انو مدخل ولا شنو :lol: :lol:

المهم احرجت ليك الشاب دا جنس احراج واخر حاجة قالتها ليهو انا وقت افكر افكر فيك انت :05 :05

اها الشاب احترم نفسو وشال كباية العصير من علي الطربيره يا الله واتخارج غايتو قطع شك ما بكون كمل باقيها داك

اها انا الوقت داك طبعا قريب من الاحداث اكل واضحك وازح ليك الكرسي مسافة قدر القبيل

بس برضو نضمن سامعو اسمعها ليك تتكلم مع صاحباته

عليك الله شوفي الثقيل دا هسي انا اشرت ليهو وقت باشر ما ااشر لي الولد القاعد معانا دا كمان اوجه منو :mrgreen:

قلت في سري امك الكلام دا موجه لي انا :mrgreen: ختيت ليك باقي السندوتش في التربيره وزي ما قال الحاج متذكر قمت صوف :lol: :lol:

مالي انا مجنون عشان تبقي لي متل الليلة صاحبنا دا :lol:


بس الغريبة انا شايفها وقت اشرت ليهو وقالت ليهو تعال بس بعد جاها نكرتو حطب

اها متل دي يقول عليها شنو :!:




تخريمة :-

غايتو يا ود ابرق اخوي علي قولك في واحدات مهما تمسح الذاكره ولا تفرمطها عديل برضو بفضلن قاعدت

بس مشكلتن زي الفيروس (اودينقا) بعد ما يقعدن يعملن علي اتلاف الذاكره :mrgreen:







ولك كل الود اخي ود ابرق

_________________
ادونا خاطركم يا اغلي ناس

وما تنسونا من الدعاء

:::::::::::::::::::::::::::

غدا ربما نُنْسي

ولكننا حتما لن نَنَسي الاعزاء

فكونو بخير كما عهدناكم

ولكم ودي


أعلى
 يشاهد الملف الشخصي  
رد مع اقتباس  
 عنوان المشاركة: Re: ماذا تريد الفتاة السودانية من الرجل؟؟؟
مشاركةمرسل: الثلاثاء يوليو 27, 2010 11:12 am 
غير متصل
عضو متميز
عضو متميز
صورة العضو الشخصية

اشترك في: الأربعاء أكتوبر 26, 2005 12:29 pm
مشاركات: 1074
مكان: لا يوجد
النوع: ذكر
اديييييييييييييييييييييييييييييييييييييييييييييييييييييللللللللللللللللللللللووووووووو

:05 :05 :05 :05 :05 :05 :05

و الله يا مسلمي صاحبك بتاع الكافتيريا دة مش يكون ما كمل عصيرو....بكون خلى الباقي و قات :05
و كان ما شنطتو في يدو كان ناس (هناي) ديلك الله اداهم.... :twisted:

غايتو انا كان هناك كان نصحتو و الله...


جلست و(البارد) في ايديها تتامل فنجاني المقلوب
(قالت ياداقس لاتفرح فالشاكوش عليك هو المكتوب)
(وقدلاتنفعك الجرسه ولاحتي جديع الطوب)
( ولن تجدي عزوماتك من شاورمه وبيرقر و روب )
(الم ترى ابني كيف كان المقلب لك المشروب)
( فتركتها اصرخ ياويلي زحلقني ذاك المحبوب)




تسلم و الله على العبرة.......
و انشاء الله الناس تتعظ من جنس ديل
:twisted:

_________________
صورة


أعلى
 يشاهد الملف الشخصي  
رد مع اقتباس  
 عنوان المشاركة: Re: ماذا تريد الفتاة السودانية من الرجل؟؟؟
مشاركةمرسل: الأحد سبتمبر 12, 2010 12:41 am 
غير متصل
عضو نشط
عضو نشط
صورة العضو الشخصية

اشترك في: الثلاثاء إبريل 06, 2010 9:57 am
مشاركات: 700
مكان: أمدر السمحة
النوع: ذكر
ود ابرق كتب:
هذا السؤال و الله محيرني و كمل باقي الشعيرات الفي الراس........

البت بقت ما مفهومة ولا بعجبا العجب ولا الصيام في رجب.....
هسع معقولة تعمل ليك علاقة تتم تلاتة سنة و دقداقة و في الاخر تسافر اجازة بس تلقى رسالة فيها (و الله انا فكرت و لقيت انو احنا ما بنقدر نستمر مع بعض!!!!)


:05 :05 :05 :05
اخوي ود ابرق المثل بقول أسأل مجرب ولا تسأل طبيب ... علي بالايمان الجكس دا البيهمو مصلحتو بس وانا جربت ونفس الحنك اجازة برضو بكون في واحد بهناك لقا الجو فاضي ونخر ليها راسا وقالت بوزع المسكين دا ارجاو لبتين ؟

عشان كدا الجكس السوداني دا غير ... براااااااااااااااو ... اتوقع منو اي حاجة

_________________
صورة


اتقي شر من أحســـــــــنت اليه


أعلى
 يشاهد الملف الشخصي  
رد مع اقتباس  
 عنوان المشاركة: Re: ماذا تريد الفتاة السودانية من الرجل؟؟؟
مشاركةمرسل: الثلاثاء أكتوبر 12, 2010 11:22 pm 
غير متصل
عضو فاعل
عضو فاعل

اشترك في: الأحد يونيو 01, 2008 12:39 pm
مشاركات: 146
مكان: فوق السحاب
يسعد ربي مساك...

شكرا على موضوعك يا غالي
صدقني البت دي بس مامكتوبة ليك...او انتو الاتنين ماانكتبتو لبعض...



والبت بختصار ما دايزة كتير دايرة شي واحد....تحتويها...اذا احتويته حتفهمة وتحبه وتسعده وكده حتسعدك
ودا مرهون بالبت الانته اخترتها لانو الطبايع بتختلف بختلاف صاحبة...اعرف كيف بس تحتويها تحسيسة بوجودك وكدة تكون ملكتها

_________________
صورة

...سبحان الله وبحمده سبحان الله العظيم...


أعلى
 يشاهد الملف الشخصي  
رد مع اقتباس  
 
عرض مشاركات سابقة منذ:  مرتبة بواسطة  
إرسال موضوع جديد الرد على الموضوع  [ 28 مشاركة ]  الانتقال إلى صفحة 1, 2  التالي

جميع الأوقات تستخدم GMT + 3 ساعات


الموجودون الآن

المستخدمون المتصفحون لهذا المنتدى: لا يوجد أعضاء مسجلين متصلين و 1 زائر


لا تستطيع كتابة مواضيع جديدة في هذا المنتدى
لا تستطيع كتابة ردود في هذا المنتدى
لا تستطيع تعديل مشاركاتك في هذا المنتدى
لا تستطيع حذف مشاركاتك في هذا المنتدى

البحث عن:
الانتقال الى:  
cron

 

Powered by phpBB © 2000, 2002, 2005, 2007 phpBB Group  designed by alisaadali.com
Translated by phpBBArabia