حجابي عنواني ..

lost soul · **مرسل:** الخميس يناير 01, 2009 9:31 pm

أنا عندي احساس انو في وطنا العربي دا عموما مافي زول مشتغل بنفسو وبس

سبحان الله المسلمين كالجسد الواحد يشد بعضه بعضا

لكن للأسف الظاهر يشد بعضه بعضا الزمن دا في الحاجات السئية والما مفيدة عموما

يعني مثلا تجي ماشي في الشارع كدا وتتوقع تمر ساي ومافي زول يعلق عليك ؟؟؟ ( مستحيل

)

فما بالك امرأة ( مغناطيس طبيعي يلفت النظر والألسن )

لكن افتكر برا بلاد الاجنبية البيلفت النظر دا بيكون الشاذ شديد وخارج عن المألوف

من المنطلق دا في بلادنا العربية والشارع العربي

كل شئ بيجذب الانتباه

سواء انك لبستي حجاب او لم تلبسي حجاب << دي اول نقطة

النقطة التانية بقوا اي شئ بيحاولوا يصنعوه ضمن قالب اسلامي حتى المشاغلة بقت ( ماشاء الله عليك )

امام دا كلو يبقى الحل :

أضعف الايمان انك كفتاة ما تكوني سبب في ذنوب الغير سواء اطار العائلة أو خارج اطار العائلة

الحجاب مش بمعناه انك تلبسي لبس ساتر فقط تمنعي نظرة لمفاتنك فقط انما ممكن ضحكة تخلع عنك كل ما يسترك ويبقى لو ما كنتي لابسة حجاب وماشة عادي في الشارع او وسط اهلك كنتي قاعدة عادي وما لفتي الانتباه ( أفضل )

المغالاة دايما كعبة سواء المغالاة في عدم الاحتشام او المغالاة في الاحتشام الخاطئ

فيبقى انك لو دايرة تتحجبي او خلافه الحجاب يجي من الداخل للخارج

ينبع منك جوا عشان ينعكس عليك من برااا

ومن تابع النااس مات هما

والانسان عموما ما يكون قاسي ومتشدد فيكسر ( يعني التزمت الشديد ما كويس ممكن يخليك ترجع لنقطة الصفر بدل ما تمشي وتواصل للامام )

ولا تخليك لين وهش فتعصر

خير الأشياء اوسطها

fanta · **مرسل:** الجمعة إبريل 24, 2009 3:56 am

والله ما قايلة الناس لسة مهتمة بالموضوع وبتكتب فيه !!
انا مبسوطة شديد والله وحارجع ارد عليكم واحد واحد
لكن بكرة :lol:

تحياتي

fanta · **مرسل:** السبت إبريل 25, 2009 12:36 am

fanta · **مرسل:** السبت إبريل 25, 2009 12:41 am

gasim · **مرسل:** السبت إبريل 25, 2009 8:47 am

السلام عليكم
بالجد ما تتصوروا الحجاب دا ليهو هيبة بالناسبة للأولاد
وبيمنع حاجات كتيرة منها الهظار اللي بيكون عويير وبايخ
وبيكيبك احترام ما عادي ولازم بكون معاه لبس محتشم
وببتمني انو كل البنات تقتنع ظاهرا وباطنا انو الحجاب هوو عفتها وجمالها واحترامها لنفسها واحترامها لاهلها وللناس
وربنا يسترنا ويستركم
ويسلموا
وسوري

النور · **مرسل:** السبت إبريل 25, 2009 10:11 am

قال تعالى((ياأيها النبى قل لأزواجك ةبناتك ونساء المؤمنين يدنين عليهن من جلابيبهن ذلك أدنى أن بعرفن فلايؤذين))

أولا حقيقة موضوع رائعة ومفيد وهادف جدا..
وفى الزمن المناسب جدا....زمن الموضة.
ووالله يااخوانا الواحد يشعر بالسعادة لمن يشوف بنات فى الزمن ده محجبات..ومنتقبات ..لا لا لا ده قرار شجاع أنا بفتكروا.وماأى زول بقدر عليهو.كونو الواحدة تراجع نفسها ودينها وتتحجب براها كده ده شى ماساهل وأن دل فهو يدل على قوة شخصية.

وأنا بقصد هتا المحجبات قناعة ماعشان عرسها قرررب وعامل كريمات وبوهيات وxxl new yourkبودرة.وهلم جرا من المواد الكيميائية.حتى تكون يوم زفافها كمومياء فرعون.مابقصد المحجبة عشان شى فى نفسها داسها (عمبلة إستخبارت مثلا)ماتمشو بعيد جاسوسة.
وبعدين ياأخواتى قريت البوستات والردود وأغلب شكاوى من أولاد الأهل والجبران وووووووووووووووووووززى عمي.
ديل كلهم يوم القيامة مابغنو عنك شى ....صدقونى جد
كل واحد بقول نفسى نفسى..
فألحق نفسك يااختى..والموت مامعروف بتين بجى.وربنا يطيب العمل.
بعدين كلامكم صاح الناس بتظر للمحجبات بنوع من التبجيل والإحترام والأدب أكتر من غيرها.

زمان زمن المراهقة نشاغل الماشة والجاية(ياااصفر ,ىااالبني,أسمعى يااهي.أدينى معاك موية ....................الخ.
وفجأة...
تتطلع واحدة تشوفها تتذكر الصحابيات وأمهات المؤمنين.كأن على رؤسهن الغربان....تم نفصل كلنا ونسكت حتشاغل تقول شنو الا تقول جزاك الله خير وبس.
بعدين ظهرت الموضة المشينة الزمن ده الواحدة ماتخجل ياااخوانا تلقاه لبسه إسمها (الشريعة طرشقت,وشوفو ماتور وناس البيت,وكن راجل تمو ,وكيييي للشيخ ,ونيفاشا , والسلام جه ,وأطعنى حقنة ,حبيبى شطفنى....الخ ).
بالله ياخوانا الحجاب ماستر وصيانة للمسلمة وحتى غير المسلمة صيانة ليها فى الدنيا وربنا يهدب للإسلام
وبواصل معاكم إن شاء الله ..ويافانتا الله يكرمك ويكرم والديك وكل لأهلك ألبسى الحجاب, وبعد تبقى عليه إعتبرى هدية منى أجيبو ليك لو فى الصين أرسلو بالD H Lبس ورينى.
سلام

fanta · **مرسل:** الأحد إبريل 26, 2009 2:58 am

fanta · **مرسل:** الأحد إبريل 26, 2009 3:10 am

النور · **مرسل:** الأحد إبريل 26, 2009 11:59 am

fanta · **مرسل:** الأحد إبريل 26, 2009 4:34 pm

في انتظارك النور
وانا كمان بشكرك على الكلام الراقي :wink:

fanta · **مرسل:** الاثنين يوليو 06, 2009 5:43 pm

اشتقت للبوست ده :oops:

انا الليلة جيت ابشركم اني خلاص اتحجبت والحمدلله
وبقيت بتناقش وع صحبتي المحجبة في نوع اللبس المفروض البسو وكدة
وان شاء الله انا لي قدام حاصلح في حجابي .. بس حاليا الفكرة الالتزام
اللي هو اصعب حاجة في الحجاب كلو ولمن اتطمن اني التزمت اكيد لي قدام نوع اللبس حيتغير

وجاياكم بي حبة صور كدة :wink:

MisS_GreeeN · **مرسل:** الاثنين يوليو 06, 2009 6:39 pm

الف مبرووك يآعسل.. :thumbup:

والحجاب ما طرحه تغطي شعرك بس .. :arrow:

الحجاب فاللبس كلو..
واهم شيء الالتزام :arrow:

وربنا يوفقك ويحفظك :wink:

fanta · **مرسل:** الاثنين يوليو 06, 2009 10:59 pm

الله يبارك فيك يا ميس قرين

جبت ليكم صور مذيعة عمانية محجبة وجميلة ماشاء الله عليها
اسمها شيماء الحمادي لو مابتعرفوها
وبالجد مالقيت مثال أحلى منها للحجاب الحلو

fanta · **مرسل:** الاثنين يوليو 06, 2009 11:11 pm

MisS_GreeeN · **مرسل:** الاثنين يوليو 06, 2009 11:42 pm

كييييييييييييييف مابعرفا يابت
كنتا بشوف طريقه رسم عيون فاليوتيوب وشفت طريقه مكياجا كيف.. مبااالغه ماشاء الله عليها
ربنا يحميهاا.. :oops:

MisS_GreeeN · **مرسل:** الثلاثاء يوليو 07, 2009 12:23 am

على فكره الصور ما ظاهره الا بس صوتين.. :arrow:

في صوره وهي لابسه برتقالي رهييييبه :arrow:

مامعقوله البت دي بتشبهني جنس شبه..

.. ماممكن كده :mrgreen:

fanta · **مرسل:** الثلاثاء يوليو 07, 2009 4:37 pm

عليك الله ما ظاهرين ؟ انا كلهم ظاهرين عندي :lol:

كدي اعملي ريفريش ولا حاجة
هي المكياج بتاعها حلو لكن جمالها طبيعي في صور كدة كترت فيها المكياج شديد :roll:

المستبده · **مرسل:** الثلاثاء يوليو 07, 2009 8:36 pm

اووووووووه..ما شاء الله البت خطيييرة عديل كده

والف مبرووك يا فانتا :wink:

وان شاء الله تلتزمي..وتواصلي :wink:

لكن انا برضو معاك..في مرات كترت فيها المكياج..بس ما شاء الله حلوة شديد

مس جرين..انا زاتي لمن دخلت اول مرة ظهرت صورتين بس..

حسي ظهروا كلهم :shock:

قلتي بتشبهك :mrgreen:

MisS_GreeeN · **مرسل:** الثلاثاء يوليو 07, 2009 9:53 pm

ay shadiiiid..
ختيتا فالمسن قالو لي رسليها لينا :arrow:

ت
الصراحه .. قالولي عملتي الميك اب ده ويييين :arrow:

fanta · **مرسل:** الثلاثاء يوليو 07, 2009 11:23 pm

شايفة مس قرين عايشة الدور :05

لكن في شبه والله :wink:

والله يبارك فيكي يا المستبدة :06

دي الصورة العاجباك يا قرين ؟

MisS_GreeeN · **مرسل:** الأربعاء يوليو 08, 2009 12:47 am

لى مآ اظن دي..
كآنت من قريب يمكن .. :roll:

بحاول انزلآ هنآ..تسلمي يآعسل :wink:

لولة · **مرسل:** الأربعاء نوفمبر 04, 2009 9:33 pm

الحجاب هو عنوانها ة زي ماقلتي وتاجها في نفس الوقت يعني اول ماتبلغ البت خلاص لازم تغطي شعرها

وتلبس محتشم وطويل .

AL-Jaser · **مرسل:** الخميس نوفمبر 05, 2009 11:02 pm

mercedes · **مرسل:** الخميس ديسمبر 03, 2009 11:42 pm

انا عارفة الموضوع ده قديم شديد وحتقولو لا حولا دي نكتتو من وين؟

لكن انا فتحتو لسببين:

الاول انو فكرة الحجاب دي حايصة لي ليها كم يوم ومااااا قادرة اقرر...
قلبي يقول لي : يا تتحجبي حجاب زي الناس يا مافي داعي لي حجاب الزمن ده البي مكياجو وبي ريحتو وبي بناطلينو
وانتي عارفة رقبتك الحاجات دي مااااابتخليها....

حسي تربطي ليك طرحة زي القبة في راسك فيها مية لون وتتراقش نظام حجاب بتاع سهرة وتمشي تترقصي في الحفلات الكلام ده مابنفع!!!
البرقص ما بغتي دقنو!!

ولا تعملي الآي شدو لون الطرحة والروج لون المعاصم يابت هوي... يا اتحجبي بالصح ياخليهو..

وتاني..
قلبي ياخد ليهو صنة ويقول لي

يابت ها
المال تلتو ولا كتلتو

مالو كان اتحجبتي حجاب مودرن طالما النية في شوية شوية بتلتزمي الليلة تخلي الريحة
بكرة تخلي المكياج بعد بكرة تخلي البنطلون تلبسي عبايات مخصرة بعد سنة تبقى عبايات واسعة تاني الطرحة تبقى خمار تاني تتنقبي عديل... العافية درجات..
انتي كدي ابدي

لكن والله غلبت حيلة...

امشي بيجاي ابليس يجيني بي جاي

شي يقول لي اتحجبي بعد تعرسي..
شي يقول لي كان اتحجبتي بقولو كوزة..

المهم كلام من ده...

غايتو ماعلينا...

السبب التاني انو والله موضوع زي ده المفروض مرة مرة تتمروهو.. عشان فانتا مافي يعني تخلوه يتملي غبار ماليكم حق والله...

انا غايتو قلت ده موضوع مايستاهل يتركن كتير عشان كده في فيديو قلت انزلو ليكم تشوفوهو...

عملتو لانو تعليقات الناس عن الحجاب في اليوتيوب غاظتني ...قلت اوريهم انو المتحجبة ماشرط تكون متخلفة او مقموعة او مقيدة

مع انو عندي تحفظات على بعض (الحجابات ) الفي الفيديو لكن الفكرة طبعا موجهة لغير المسلمين انو حتى ملابس الرياضة والسباحة ممكن تكون محتشمة وانو الاحتشام ما بمنع المرأة تمارس حياتها...

ادوني رايكم عليكم الله..

تسجيل الدخول

حجابي عنواني ..

الموجودون الآن