ههههههههههههههههههه والله العظيم حاسا نفسي بقرا في البوست زي الولد ما فاهمه فيه اي شي يا كافي البلا في الكريمات القلتوها دي
المهم الزول الماسوره الاسمو اسعد القال نضف بنات النيل دا محلو اسمو اتراكتيف وومن في شارع كترينا في نمره 2 ,, بس والله الزول دا جد ماسوووووووووووره وحنك بس
بنات عمتي التلااااته قريب ال8 شهور مداومين معاه رسمي والله ولا وشهم اتصلح ولا سجم رماد
والله الحاجات دي كلام فارغ ساي
الوش دا بس راس مالو صابونه ,, شوفي اكتر صابونه بتنفع معاكي انا شخصيا بستعمل غسول بوندس فلولس وايت ,, اهم شي الصن بلوك استعملو لمسه رهيييب ونسبتو 99 في الميه بيحمي من الشمس واعملو في يدينكم او رجولكم المكان المعرض للشمس ,,, واهم شي استعملو البودره والفاونديشن يكون ماااااااااركه معروفه لانو بالجد دي اكتر حاجه بتضر بالبشره ,, انا بستعمل ايسادور او لانكوم ..
الجسم اعملو اللخوخه بتاعت العجين دي ولا دلكه البرتقال
واتمسحو بي اي كريم مرطب ,, دوف او جيرجينز دي البستعملم غايتو ..
الشعر بس شوفي الحاجه المتعوده عليها ما تلخبطو ساي ,, واغسليه كل اسبوع ما تغسلوه كل يوم لانو المويه الكتيره ما كويسه مع الشعر بتقطعوووووو بتلحقكم الرقدو
وما تلخبطو في الدهان بتاع شعرك لانو اصلا الشعر عشان يستوعب الكريم وينفع معاه عاوز فتره 3 شهور ,, انا بستعمل دهن الساق الوااااااحد دا مع مجموووع وشايفاه نافع معاي زمان كنت بستعمل ياردلي الابيض بتاع زهره اللافندر بس ما لاقياه هنا في السودان قمت قلبت دهن ساق طوالي
