اهلين بالبنات وكل وحدة عاوزة تسجل في الورشة تتفضل هنا

بعد التسجيل حيحصل الاتي

1- التطبيق العملي وبعد التطبيق يرفع العمل باسم صاحبتة

2- بعد ان تنتهي الورشة سنبدا بعمل معرض ونختار اجمل الاعمال وتكون في مسابقة حتي نختار اجمل عمل

3- اتمني للكل الاستفادة والاستمتاع

صباح الخير ياخي

وكدي لااااااا اله الا الله .. وبرراحة

ما فهمتا شي لانو .. اسي مفروض نعمل شنو

مامتي بتسلم عليكي وبتقوليك وحدة وحدة (سعيد صالح )

سلااااااااااملت


جكس العسل جاياك براحة ووحدة وحدة وحنبدا قريب انشاء الله بس اليومين دي ملبوشة حبتين

بس تاكدي تماما انك حتستفيدي وحبدا معاكم بكرة ان شاء الله تعالي

في الانتظار

waiting .......................!!!

عزيزاتي البنوت انا جييييييييييييت

اليوم حنبدا اول حصة انتباه شاطرات

حنتعرف علي الادوات الحنحتاج ليها تقريبا في اي عمل اذا كان تياب او عمل يدوي بسيط او معقد وحنعرف شكلها +وين بنلقاها


لازم تجيبو علبة وتسموها علبة اشغالكم اليدوية وتحتفظوا باي شي فيها


الادوات

- مسدس الشمع او القلو قن او السيليكون كما يطلق عليه في السودان






-ابر +خيوط بمختلف الالوان

- مقص كبير وصغير

-متر للقياس في علب ابر بيجي فيها متر بيكون من القماش او المشمع يعني مرن بيساعد في القياس

- تربيزة تكون حقت شغلك بس لانو حتخري ترابيز البيت كلها بالمسدس

-بعد كدا المواد كل ما نجي لشي ونحتاج ليه حنمشي نجيبة


الحاجات دي معظمها في المكتبات للبرا السودان في السودان دايما امشو ابوجنزير في العربي مجمع المكتبات في مكتبة الغروب

او ودي اكييييييييييد بتلقو فيها امشو سوق امدرمان شارع المكتبات مكتبة الشروق



يلا جهزوا الحاجات دي وحنبدا اول عمل

برضو خلي دايما معاك ال uhu او يوهو الاصف



ر داك هو عبارة عن غرا لاصق للورق والقماش الخفيف لكن لشغل الاقمشة دايما بنستعمل مسدس الشمع

تمام



حنجي للتطبيق قريب

عندي سؤال

كيف ادخل ملفات وورد هنا بالمنتدي يعني ارفقها كيف معظم الشغل ملفات وورد ودي اسهل لو ختيتها هنا وممكن تفتحيها وكت ما تعوزي

ما تشحتفي روحنا عليكي الله ياخي اسي انا قلت حنبدا

لكن عشان انتي مشغولة بس عاذرنك .. يلا بالنسبة لي السعال ده

كدي يمكن الرتينة بقت عارفة حاجة ..

عزيزاتي البنات انا ولله ما ناسية بس للاسف النت قاطع عندي اسي انا في بيت الجيران بس

حاحاول اني انزل الملفات وخطوات التنفيذ ان شاء الله


جد معليش اتمني اوصلو قريب النت

طبعا ما عرفت طريقه للورد الا انك ترفعيهو في موقع رفع ملفات وتختيهو على اساس انو لنك

السلام عليك بنوت ونسوان وحريم عسع

انا جيييييييييييييييييييييييت

وحنبدا طوالي


اول درس

استفيدي من كل ما عندك اي شي بتحسي انك ممكن تعملي منو حاجة ما ترميه طيب بعد ما ريحت ضميري


كيف تعملي الكيس البيهدو فيه حاجات الاعراس ممكن تتعمل كحركة للجرتق او يتقدم ككيس تتخت فيه الحلاوة والبلح



بالصور
1- ]





2-


3-


4-



5-

6-


7-


8-

9-

جربو الوان مختلفة وانواع مختلفة من الاقمشية دايما للاعراس حلو الساتان او الاورغانزا في قماش حلو اسمو التل فيه لمعة كدا بتخليه رهيب


للشاريط شرايط الساتان الزماااااااااان كان بسرحو ليكم بيها امهاتكم ايواااااااااا بس


ممكن تعملو حركة تدخلو شريطين مع بعض يعني تضفريهم ودخليهم مع بعض تمام


استمتعو

اعملي فوطة للترابيز


المطلوب1- كريستال من سوق امدرمان محلات الكلف


2 مسدس شمع ولازم مسدس شمع لانو الكريستال ما بيلصق الا بالشمع الحار

3- القطعة المراد عليها العمل

4- مهاراتك في الاتقان وحسك الذوقي ومقدرتك الابداعية


تطبيقي للعمل





معليش التصوير تعبان لان بالجوال


ممكن تعملو كذا فكرة يعني مالا كريستال ممكن سكسك ممكن صدف ممكن ورود بس انا بفضل انو الخامة الحتتعمل ممكن تتغسل يعني غسيل خفيف مش دعك وهناي


وطبعا بعد التركيب بالشمع لو الكريستال فيه خركم للابرة يكون تمام اما لو مافيه بس الحرص علي سهولة تنظيفو

استفيدي من زجاجة الكاتشب


الهناي المطلوب..............

قزازة كاتشب

شريط ساتان البيفضل من حق الكيس الفوق داك

مسدس الشمع

اي شي حابة تزيني بيه زي ..........ورد مجفف مثلا - ورق ملون- ورق جرايد معمول علي اشكال - سكسك صدف -غويشة اتقطعت وما عارفة تجدعيها ولا لا

المهم انت وقدرتك ودي النتيجة


زجاجة كاتشب تنفع فازة ورد

الكاتشاب دا رهيب

حجرب اول وحده بتاعة اكياس الهدايا.......لان باقي الحاجات ما عارفه حجيبا من وين مسدس الشمع والحاجات دي

البنوت معليش للانقطاع دي افكار جديدة وزي ما قلت نسبة لعدم وجود موقع استطيع تحميل الملفات لكبر حجمها غايتو

دي محاولة

طريقة لاضافة لمسة جمالية للكهربا