اختي الكريمة :

هل انتي سعيدة في حياتك ؟
هل تشعرين بالملل من الروتين اليومي ؟
هل تتحرجين من رؤية الناس لك وانت غير متزوجة أو عانس ؟
هل ترغبين بتغير روتينك اليومي بالزواج ؟
هل لك هدف من هذا الزواج ؟
و هل بوجهة نظرك أن بالزواج تتحقق السعاده ؟

اخواتي الكريمات ..
هناك الكثير من الفتيات اللاتي خرجن من المدرسة او اللاتي تخرجن منها او من الجامعة او الكلية او المعاهد .. يضعن امامهن هدف بعد الحصول على الشهادة و هو الزواج .
اليس كذلك ..

ليس عيبا .. ان تفكر احداكن بذلك .. لكن عليها ان لاتتعلق بهذا الامر كثيرا .. لأنها لو وضعت ذلك في بالها ولم يتقدم لخطبتها أحد ... ستبقى حزينة مكتئبة مهمومة ..

لانه لم يتقدم لها احد و ستشك بنفسها و بقدراتها و جمالها " لا أحد يرغب بي ,لا أحد يحبني , أنا لست جميله "وغيرها من الخواطر والافكار التي تراودها بإستمرار ..

وكذلك تبدأ بمقارنة نفسها بمن حولها ...
فصديقتها التي في نفس عمرها تزوجت ..
وابنة عمتها و ابنة عمها وهذه و تلك وهي لو تتزوج بعد
وغير ذلك انها تتحسس من أي كلمة تسمعها عن عدم زواجها لوقت متأخر

يااختي لم تُكبرين المسالة وتستبقين الاحداث ..
فكل شيء مقدر ومكتوب عند الواحد الاحد ...
وكل ما أنصحك به .. هو أن تهتمي " بوقتك " .. واستغليه بالمفيد والنافع .. واجعلي حديثك مع الفتيات التي بسنك .. عن اشياء مفرحة جميلة .. و أستمتعي بوقتك معهن .

عندما كنت صغيرة كان هدفك ان تكبري ..
و عندما كبرتِ أصبح هدفك أن تتعلمي و تدرسي ..
و عندما أنهيت فترة دراستك أصبح هدفك هو أن تتزوجي وأن تنشئي جيل صالح ..
جميل جدا ..

لكن ان لم يتحقق هدفك الاخير .. ماذا ستفعلي ؟
هل ستحولي حياتك الى حجيم ؟ و ربما تصابي بالعقد النفسيه .

اختي الكريمة .. الزواج سنة من سنن الحياة في هذا الكون ..
وبالتاكيد انك تتمنين ان تجد نفسكِ يوما من الأيام عروساً جميله بفستانها الابيض مع عريسها .. و
سيتحقق ذلك ان شاء الله .. ولكن إن تأخر تحقيق هذه الأمنيه حاولي ان تحققي اهداف أخرى في الحياه حتى لاتتكدر حياتك بسبب امنية لم تتحقق بعد..

لاتنسي ان هنالك امنية وهدف .. الامنية تتمني ان تتحقق و لكن لاتسعين لتحقيقها اما الغاية و الهدف فانك تسعين بشتى الطرق لتحقيقهما ..
فاجعلي في حياتك الغايات و الأهداف اكثر من الأماني ..
امنيتك ان تتزوجي .. ان شاء الله ..
لكن اجعلي لنفسك غايات واهداف و أسعي لتحقيقها ... حتى تنفعك في دينك ودنياكِ ..
قد يكون تأخر زواجك خير لك فهناك أناس توفقوا في الزواج وهناك من لم يتوفق به .

والله سبحانه و تعالى يقول بما في معنى الأيه وعسى أن تكرهوا شيئا و هو خيرا لكم و عسى أن تحبوا شيئا و هو شرٌ لكم
وقد يكمن هذا الخير في ان تستفيدي من وقت فراغك .. في اشياء تنفعك في الدارين لا في الزواج .
فمثلا .. تعلمي مهارات عدة وأتقنيها .. تعلمي قراءة القران بشكل صحيح واتقني ذلك .. فتكسبي حسنات كثيرة باذن الله ..
..
إقرأي قصص الانبياء ... فهنالك من العبر والفوائد التي تجنيها من تلك القصص ماتحل بها مشاكلك .. فهم بالصبر ثبتوا وعلى الله توكلوا وبيقينهم بالله انتصروا ..

استمعي للأشرطة الدينية ... واسالي من حولك عن الجديد من الاشرطة ..
اجتهدي في المحافظة على الصلوات الخمس في وقتها ... و أداء العبادات على أكمل وجه .

تعلمي فنون الخياطه و التجميل و غيرها من الأعمال الفنيه و المهنيه النسائيه و إذا توفر لديك المال بإمكانك فتح مشغل للخياطه و محل كوافير و أعملي به بإتقان .

واخيرا: أسألي الله ان يوفقك وأن تقضي وقت فراغك بالمفيد والنافع .. ولاتنسي أن تدعي الله بكل صدق وبكل نية طيبة بان يرزقك بالزوج الصالح الذي يكون عونا لك في دينك ودنياك ... .


أختي الحبيبة .. هوني عليك و لا تستعجلي في أمر لا تعلمين هل هو من صالحك أم هو سبب شقاءك في الدنيا.

.. اعلمي أن ربك يقول فيما معناه أنا عند حسن ظن عبدي بي .. فو الله إذا جعلت شعارك الاسلام ورايتك لا اله إلا الله وعمرتي قلبك بحب الله عز وجل و أجتهدتي في عبادته

ستجدين نور و سعادة في قلبك لا يجدها إلا المؤمنون الصالحون الأتقياء ..

لا تحسبي أن الزواج هو سبب سعادتك بل السعادة في الايمان بالله واتباع رضوانه وطاعته وتجنب معاصيه فكثير مِن مَن تزوجن ندمنّ كثيرا على زواجهن و تمنيّن لو أنهن مكثن

طيلة حياتهن من غير زواج .

أدعي الله بكل ما فيه خيرا لك سواء كان هذا الخير في الزواج أم في غيره .


منقووووول ..

اللى دفعنى لنقل الموضوع مُش بس هو جميل .. في جوهره ..وبيقدم حل لنطرة المجتمع للفتاة غير المتزوجة ..لتستفيد من وقتها

يعني بالحق ..طالما انه الواحدة عايشة على وجه البسيطة ..يفترض تعمر الكون ..ليس فقط بالأسرة او الأبناء ..إذا لم تتوفق ..

ولتغتنم الفرصة فيما يفيد .. الى حين يكتب لها الإعمار فى جهة أخري ..فكم من تزوج ولم يكتب له الأبناء ..وكم من كتب له الأبناء ولم

يتوفق حقاً في تربيتهم ..التربية الإسلامية الحقة ..ولم ينفعوا مجتمعهم ..ولا حتى أنفسهم ..

أيضاً ..قصدت مخاطبة السيدات .. لتبصيرهم ..أنه ليس كونك متزوجة ولديك الأطفال ..يعنى أنك أفضل حالاً من غير المتزوجات .. بالجد ..

نظرة المجتمع كلها بكل شرائحها ..لاتعنى شئ ولاتؤثر سلباً ..كما تؤثر نظرة الأنثي للأنثي .. هو ليس اتهام .. لكن وجب تبصير

المتزوجات ..بالذااات السودانيات .. لأنهن يعتبرن كأنه عيب أن تظل الفتاة دون زواج .. ممايدفعهن للكثير من التصرفات الطائشة ..

........

السؤال الفعلى من وراء الموضوع ..وهو لغير المتزوجااات فقط .. وأكرررررررر لغير المتزوجات ..

الزواج ..هل هو هدف ..أم أمنية ؟!
أرجو الرجوع للموضوع الأصلي .. لتحديد الفرق بين معانى الكلمتين..!!



تـ: ياااااخى ردووووا كلللللكم ... الرجال زاتهم معاكم ..

زماااااااااااااااااااااان
لما كنا بنمشي تحفيظ القران......في استاذه قالت لينا كلمه
قالت لينا ليه بتشتغلوا بامور اتزوج وما اتزوج...هسي لو جيتي تمسكي واحد يتزوجك وربنا ما رايد...لو نططتي وانقلبتي قرد عديل ما بتتزوجيه
ولو مااااااااااا دايره تعرسي كلو كلو...وربنا بس كتب ليك..والله في يومك تدوبي عديل وتعرسي
الموضوع نصيب والمكتوب مكتوب شئنا ام ابينا

فغت

اسي انا ما فهمت .. اشرحي لي عشان اوريك













ت:

واسي عنون البوست ما جاي مع المضمون

المقالة كما وردتنى للشيخ عائض القرنى ...


...........................................................................

بسم الله الرحمن الرحيم

ظلمت المرأة عند الجهلة في مالها ثلاث مرات

مرة قبل زواجها يوم كان أبوها الجافي


وأخوها القاطع يحاسبانها في آخر كل شهر على راتبها

ويقتران عليها بالنفقة

وظلمت مرةً ثانية من زوج بخيل شحيح

تسلط على مالها وحرمها حرية التصرف في ما تملكه

فصارت تنفق عليه

وهو يقابلها بالفظاظة والغلظة وصنوف الإيذاء

وظلمت مرة ثالثة لما طلقت فمنعت من أبسط حقوقها المالية

فخسرت المال والزوج والأطفال والبيت والحياة الأسرية





والمرأة مظلومة عند الكثير من القساة الجفاة الجهلة بالشريعة

فإن تأخر زواجها لسبب من الأسباب الخارجة عن إرادتها

قالوا: عانس حائرة بائرة

ولو أن فيها خيرا لتزوجت

وإن طُلقت

قالوا: لو أن عندها بعد نظر

وحسن تبعُّل



وجميل خُلق

لما فارقها زوجها

وإن رُزقت كثيراً من الأبناء والبنات

قالوا: ملأت البيت بالعيال

وأشغلت الزوج بالأطفال

وإن لم ترزق ذرية بأقدار إلهية

قالوا: هذه امرأة عقيم لا يمسكها إلا لئيم

والبقاء معها رأي سقيم

وإن تركت مواصلة التعليم وجلست في بيتها تشرف على أولادها

قالوا: ناقصة المعرفة، ضحلة الثقافة، رفيقة جهل

وإن واصلت التعليم وازدادت من المعرفة

قالوا: أهملت البيت، وضيعت الأسرة، وتجاهلت حقوق زوجها

وإن لم يكن عندها مال

قالوا: حسيرة كسيرة فقيرة أشغلت زوجها بالطلبات وكثرة النفقات

وإن كان عندها مال وأرادت التجارة والبيع والشراء

قالوا: تاجرة سافرة مرتحلة مسافرة

لا يقر لها قرار ولا تمكث في الدار،

عقت الأنوثة وتنكرت للأمومة

وإن طالبت بحقوقها عند زوجها وأهلها

قالوا: لو أن عندها ذوقا وحسن تصرف لنجحت في حياتها الزوجية ولكنها حمقاء خرقاء

وإن سكتت فصبرت على الظلم ورضيت بالضيم

قالوا: جبانة رعديدة، لا همة لديها، ولا حيلة في يديها

وإذا ذهبت إلى القاضي ورفعت أمرها للحاكم

قالوا: هل يعقل أن امرأة شريفة عفيفة تنشر أسرارها عند القضاة وتشكو زوجها وذويها عند المحاكم؟

أين العقل الحصيف؟

وأين العرض الشريف؟

وإنما يحصل هذا الظلم والإقصاء والتهميش للمرأة

في المجتمعات الجاهلة الغبية

فهي عندهم من سقط المتاع

ومن أثاث البيت تُورث كما تورث الدابة

ويُنظر إليها على أنها ناقصة الأهلية

قليلة الحيلة ضعيفة التكوين

تحتاج إلى تدبير وتقويم وتوجيه وتهذيب وتعزير

بل بعض المتخلفين الحمقى

لا يذكرها باسمها في المجالس بل يعرض ويلمح ويقول

مثلا: (الأهل)، (والحرمة)، (المرأة أكرمكم الله) و

(راعية البيت)

لئلا يفتضح بذكر اسمها

وهذه غاية النذالة

ونهاية الرذالة

وهي مخلوق كريم

وجنس عظيم

فالنساء شقائق الرجال

وأمهات الأبطال

ومدارس المجد

وصانعات التاريخ

وشجرات العز

وحدائق النبل والكرم

ومعادن الفضل والشيم

وهن أمهات الأنبياء

ومرضعات العظماء

وحاضنات الأولياء

ومربيات الحكماء

فكل عظيم وراءه امرأة

وكل مقدام خلفه أم حازمة

وكل ناجح معه زوجة مثابرة

فهنّ مهبط الطهر

وميلاد الحنان والرحمة

ومشرق البر والصلة

ومنبع الإلهام والعبقرية

وقصة الصبر والكفاح

فلا جمال للحياة إلا بالمرأة

ولا راحة في الدنيا إلا بالأنثى الحنون

فآدم لم يسكن في الجنة حتى خلق الله له حواء

ورسولنا صلى الله عليه وسلم

هو أبو البنات العفيفات الشريفات

ذرف من أجلهن الدموع

ووقف لأجل عيونهن في الجموع

وسجل أعظم قصة من البر والإكرام والاحترام والتقدير

للمرأة أما وأختا وزوجة وبنتا

فيا أيها المتنكرون لحقوق المرأة

لقد ظلمتم القيم وعققتم الفضيلة

وجهلتم الشريعة

ونقضتم عقد الوفاء

ونكثتم ميثاق الشرف

فأنتم خاسرون لأنكم ناقصون

ناديتم على أنفسكم بالجهل والغباء

وحكمتم على عقولكم بالتخلف والحمق

............................................................

تـ : حذفت آخر سطر للأمانة .. لشئ في نفسي ..

يا اللى قايلين روحكم في عمر الزهور .. النسوان اللى هم النسوان ..حاسبين اى واحدة فاتت الـ 24 سنة ..

بكل صراااحة ..out of date

والله الكلام ده مامعاناة شخصية ..بقدر ماهو تربية دينية في المقام الأول ..

أحكى ليكم قصة ..

بنية حليوة والله حسب فهم الستات السودانيات. والله.متدينة ..ومفترض انها يادووب مقبلة على الحياة "عمرها 24سنة .."

بالنسبة لى زى دى بشوفها لسه صغيرة وماخبرت الكثير في الحياة .. من ملاحظتى لطريقتها وفهمها في الارتباط والزواج ..

يابتى انتى الساكيك منو ! بعدين بي سماحتك دى وشكلك ده ..بتجيبي ود ناس ..يعني الواحدة تكون متعلمة وبتدرس حاليا في الجامعة. ..

الشئ الجامعة دى مافيها زملاء؟.. ليه يعني توافقي بي واحد جابته ليك المرأة الفلانية .. عاطل وبتاع شيشة ..وووو مامعروف .. في بلد زى ده

لو عاوزة السٌترة ..والله دى ماسترة .. ولو فهم والله برضو مافهم .. ولو مادياً .. أخير الطلبة .. بس نفسي افهم .. مستعجلة كدة على شنو ..و

ليه حاسة انه دى نهاية العالم ؟برااااحة ياختى .. انتى أكبر من فهم حبوباتنا ..

والله حقيقة اقولها ليكم ..حبوباتنا برااااء من فهم نسواااان كدة وحتى بنااات صغااار ..

المهم ..وانا بحاول اهديها للسراط المستقيم ..ودرب الدين القويم .. والاختيار السليم .. اتفاجأ .. ولا هو انا زاته عاااارفة بي راي الستات

ديل زاتهم فيني انا.. العزااااااابيات بقيت ادافع عن روحى ..يعني الناس دي ..السودانيين ديل بالجد ..بيستمتعوا بالدين ده كحكايات وروايات

يحكوها ..لاولادهم الصغار .. لكن يتعارض مع اللى فى راسهم .. والله بعد داك لا تقرا ليهم آية ولا تقول ليهم السيدة خديجة ....

.أصلهم مابفهموا ليك حاجات زى دى!! تحصلي الثلاثين شيلي شيلتك ..براك.. ولو فتيها ..نحن مامسؤولين .. والله كان أخير نسوان البلد الشردنا منهن

ومن تدبيرهم للاعراس .. المهم الواحدة كدة كدة بحاربوها ليك بالخيارات لمممما تستسلم وتعرس .. وصحى بعد داك تشيل شيلتها برااااها..

ولاتشرد تخلى البلد .. يا اخواتنا السيدة خديجة دى .. مش اتزوجت وولدت بعد الاربعين .. !! لاحول ولاقوة الا بالله ..بس الا بنات السودان اللى ماممكن يحصل

عليهم .. طيب سيدنا زكريا مش دعا ربنا واداه ولد وهو فى عمر كبير ورزق الولد ..

...................

يتبع ان شاء الله

المهم محاولاتى كللللها باءت بالفشل في تعريف الزواج ده ..هل هو هدف ولا أمنية .!

هسه لو كنت متزوجة كان عرفت النظرية عشان أقدر أقنع اختنا المسكينة ..واعتقد فى حالات زيها كميااات .. المهم إنه الواحدة

تعرف تماماً بالنسبة ليها شنو ..وتعرف الفرق بين الهدف والأمنية ..!!

أنا فى رأيي الشخصي .. الزواج مفترض يكون امنية مالم تكونى فى يدك حاجة ..بعد داك ممكن مع الطرف الثانى يكون هدف..!!

ولاشنو ؟ ماهو ماممكن تكونى بتهدفى براااك كدة .. وتخططى وتدبري .. دى ماشراكة .. الزواج زاته من كلمة زوج يعني اثنين..

التفسير ده اتذكروهو كوووووويس ... دى خليها تنفع للأيام السوداء .. عشان كان جاء يعرس فيك قولى ليه ده مازواج .. يا تطلق ياتتزوج ..

اثنين بس لاثالث لهما .. يللا بعد بقي في بيناتكم اتفاق .. بعد داك الليبقي ليكم هدف .. ان شاااءالله تتفقوا على الا تتفقوا .. اى شئ

المهم ..

ده بس رأيي ..

من ناحية دينية .. بستغرب ..ليه في سيرة الصحابة وفى القرآن الكريم ..ذكر موضوع الزواج ده ..ما كان ماخد الحجم والكم الهائل من الحرص ..زى ماعندنا حالياً ..

هل اتغير مفهوم الناس عموماً للزواج ؟.. والسبب شنو ؟..

وهل التغيير ده خلاهو من شئ طبيعي ..بيحدث بدون حسابات .. الى حدث عجيب وغريب وكأنه أول مرة يحصل في السودان ..فيكون مستهدف من قبل الطرفين

شباب وبنات ؟ بهذا الشكل ؟!..

ماحاسين انه بعد شوية حيفقد الزواج ده معاييره وأهدافه السامية ...ويصبح ساحة تنافس أو ساحة غاب ..!!

.....................................

بالمناسبة السكوت علامة الرضا

العزيزة الغالية جداً فولة ..

مشتاقييييييييين...

الموضوع خطير جداً جداً...

مع اني متزوجة بس حقيقي بحسد اي وحدة لا زالت على قيد الحياة ولم تتزوج ...

طبعا عارفاكم حتقولو علي حاقدة ....

بس حقيقي الطريقة الانتي قلتيها بتاعة بت الـ24 خريفا دي حاصلة ...

والبنات غالبيتهم العظمى بقو يتزوجو بالطريقة دي وخياتنا بقن ما عندهم فهم في الدنيا دي غير انها تعرس وبس ...

ما مهم الزول القداما دا فهمو شنو لانو الزواج بالنسبة ليهن بقى هدف .. بغض النظر عن من هو الزوج ...

ودا البأدي لي كتير من الطلاقات ...

عارفة ليه ..

بس عشان ما يقولو عليها بايرة بعيد عنك قالو ما عارف شنو على الودان امر من السحر ولا شنو ما عارفة ..

ياخ الناس ديل بقو عبين خلاس...

بعدين الطرح الانتي طرحتيو دا صعب على البنات يردو عليهو ...

وزي ما قلتي الدين دا بالنسبة للنساوين قصة بحكوها لي أطفالهم ايمانيات دي نهااااااااائي بقت ماف ...

ما عرست يطلعو زيتك ...

عرستي ما بقيتو تلاتة ... طبعا ما بقيتو تلاتة دي يسألولك ليها اول ما تجي من شهر العسل ...

التقول بجهزو ليك في محل مشيتي المفروض تجيبي وتجي ...

تقول ربنا ما اراد يقولو ليك طيب ما تمشي لي دكتور ...

حتى لو بقيتو تلاتة يقولو ليك ما تخاويهو ربيم سوا ...

ياخ انتو مالكم ومالنا ياخ ...

لو جبتيهم بتين يقولو ليك الولد ما جا لسة والبعكس ....

يا ستي لو فكر الواحد في كلام الناس عمرهم ما حيسكتو ...

ليه الوحدة ما تفكر في انها دايرة تعمل شنو وتخليها للخالقها ...

بس ما تسكها وبعدين الفاس تقع في الراس وما تعرف تتصرف ....

يا فولة بجيك راجعة ..........

ممممممممم .. ممم .... واصلي يا فوله واصلي

لا اسكت الله لكي حساً

اذا عُرف السبب بطل العجب ...



ت:

هناي كده على غفله ما بندورو .. بندووور نشووووووف العينه اول حاجه

غايتو مع الصيام ومع الساعه 6 صباحا ومع حالتي دي .. اشك في اني فاهماك


لكن اقوليك .. على حسب رايي الشخصي انا وكاني ما مريت بي ردود فالبوست


الزواج .. الايام دي اصلا بقى ما زي زمان عشان الستره وعشان الذريه والاسباب دي

كلو بقى لي حاججات تانيه نمتنع عن ذكرها .. !

بعدين يا ستي .. الموضوع اصلا بسيط جدا جدا .. وحيات الله الوحده لو ربك ما رايد ليها تعرس الا فاليوم الفلاني والساعه الفلانيه كان سوت ال7 وزمتا ما بتعرس كان طمبرت وهناي

تصدقي رغم الكلام الكتير عن العرس وكده .. لكن انا ما بعرف الفايده شنو منو طبعا غير زياده امة محمد والاسباب الدينيه .. لكن صراحة ما شايفه لي زول مرتاح بعد عرس كان عرس زول مختارو ولا زول جابو ليو ولا حتى ابناء عم !! بالجد الا القليل النادر

وبعدين يا منقا .. الغيره الكتيره دي هي البتموت القلب وبتخلي الزول مستعد يعمل اي حاجه عشان يعرس ويعرس اي زول كمان
يعني فلانه عرست وانا لسا قاعده .. سجمي .. لييه .. تجري جري لي امها عرسي لي ود خالتي ده كان سيد رقشه ولا سيد كارو !!

ماف قيم ماف فهم ماف مبادئ نهائيا

وهكذا .. غايتو الله يرحم بس

واكيد طبعا ليس لنا عوده



















إني أُهظظظر شمار ساااي بجي

ضربتي على الوتر الحساس
ي بنتي انا عشرين سنة ما تميتها تلاقيني مره ذوووو وعي لكن القلم ما بيمحي بلم ...انتي بي سمحاتك دي لا مخطوبة ولا عاقدين عليك

عليك الله ناس زي ديل مش يخليك تعرسي البنضفو في السلم ...واقول ليك حاجه الزمن ده الناس لو سكتت نحنا مستورييين ... لكن الننننننننننننننقة بقت عدم سترة ...بررررررضووو ما عايزين نعرس








ت:
غير سوداني كيف ..بافتراض البورة قامت بينا ؟

عزيزتي فولة هي يو ام احمد ان ذا هووووووود

طبعا يا فولة الزواج دا موضوع طويييييييييييييل لدرجة الخبل والكلام فيهو ما بينتهي

من نظرتي واحتكاكي بصحباتي بما اني اول العنقود في المتزوجات معظم البنات فاكرين الزواج عرس وحفلة وفستان

ويجو يتصدمو بواقع بيت ومسؤولية وراجل تشيلي كل همومو وتفاصيلو فوق راسك

ما كانو بيصدقوني وبيقولو لي انت حقارة ساي ........

اديك شي من تجربتي انا اتزوجت وانا عندي 17 سنة اي بس اتخيلي

اسي انا عندي 6 سنة زواج والحمدلله مستمرة بحلوها ومرها لا تخلو من المشاكل ولا من اللحظات الحلوة لانها في النهاية حياة

بيس الفهم البتديري بيه حياتك هو البيحدد هل انت حتكوني سعيدة في الحياة دي ولا لا

وشريك حياتك هل هو متعاون.... واكبر خطا بيقعو فيهو النسوان المثل بتاع زوجك علي ما تعودية وابنك علي ما تربيه

طيب كيف انسان جاك من بيئة وبخلفية مختلفة تماما عنك تجي تقولي عاوزة تغيرية ما بتقدري ليه هو مش كان ابن يعني متربي علي فهم وطريقة معينة

وسبحان الله معظم المشاكل الزوجية هي نفسها في كل العالم يعني مشكلة حواء وادم متشابهه مع اختلاف الجنسية بس

بعدين الملاحظ انو في غسيل مخ معمول للنساء من النساء انفسهم الوحدة بكل يقين تقول ليك اي مشكلة تحصل في البيت حلها عند المرة

هو البيت دا انتي عايشة فيهو براك والانتي متزوجاهو دا بفرض انو شريك اذا كان هو طرف في المشكلة مش المفروض انو في تعاون

جد الزواج معضلة والبنت لو ما اتاكدت انها مستعدة نفسيا وعاطفيا لتقبل الفكرة ما تتزوج

احييانا في اوقات الشدة اتمني اني ما اكون اتزوجت واحيانا احس اني في سعادة لا توصف الشي المتفق في النهاية طريقة تعاملك مع وضعك كانثي لها عقل وفكر

هو البيحدد سعادتك ورضاك عن نفسك وكم من امراة لم تتزوج وعاشت سعيدة وكم من وحدة اتزوجت وهي اتعس الناس

في موقع جميل جدا اسمو الفرحة قوقلو يا بنات عن الزواج ومفاهيمو وادارتو لجاسم المطوع حلو

شوفو