لوعارف ياجبر انه فى البوست ده .. المامتزوجات اثنين ..جكس وبنت النور .. ويمكن الاثنين مخطوبات ..

نووَن دى ماعرفناها بنت ولاولد..

يعنى برااااك انت الباير هنا ..

البوست تبعك دسم ..

والردود بتشتت افكارك .. ..لكن بحيييك عليهو حتى لو ما اتفاعلو معاك ..


.
.

اولا رد لسؤالك ..

الزواج عندي امنيه ومرفوعه في الرف حاليا ..

والاهم من انها تكون بالنسبه لي امنيه اني اكون هدف بالنسبه ليهو كشخص وذات ..مش انو مجرد برتبط ويتزوج ..

.
.

وبالجد الزواج اسي بقا بس حفله وفستان ابيض وفرحه لحظيه ومبارزه بين البنات ..ده الفهم الحاصل ..

وعند الطرف التاني .. عاوز يستقر زي فلان ويرتاح من حياه العزوبيه او تكون عندو مره ( يقدل بيها ) زي فلان .. او لانها بت فلان الفلاني ومن دي بجوك امسكي وماتعدي

وبالجد هو الطعم حق الزواج وغاياتو مش حيختفي يافوله بالجد بدا يتلاشى خلاص .." اوووومال حالات الانفصال كترت ليه.."..

.
.

ويا تلحقي يا ماتلحقي ..وماتضيعي فرصتك ..امسكي في اول واحد يخبط الباب .. ولو ضيعتي ده تاني مابتلمي في ظفرو .. ..ولو ماحصل ..انتي ماتفتيحه ..والخ

وليييه تعترضي على حاجه فيهو حتى لو مابتقدري تتحمليها لدرجه المستحيل ..يقولو ليك بتتعودي مع الايام ..وايييييييييك ..

لدرجه انو الناس " اتهوست " يعني شافع يكون ما تم الـ 14 يفتح خشمو يقول عاوز افتح لي بيت ..( كملت والله .. )

وبسبب النقه الحاصله والطفره الطالعه دي...كتير بقو يستغلو الحته دي في البنات بالزاااااات ..يعني يستخدم ( مجرد كلمه الزواج ) للوصول للبت ..ويحليلا هي ..

.
.


وغير كده ..الزواج ما بالجمال والتجمل " دي تحتها مليوون خط "..ياما ملكات جمال ما اتزوجو .. وياما عاديات و خلاف كده اتزوجو وعاشو حياتهم ..

الزواج ما بتجميل الاخلاق وتنميقا .. ياما بنات كانو" ضايعين" واتزوجو وتاب الله عليهم وكملو حياتهم ..

*.."عشان ما اتفهم غلط " .. كتيييير بقو يستخدمو اسلوب ضرب البهيه والتظارف سلاح او وسليه بالاصح عشان يلفتو النظر .. ..( اهم حاجه الشفافيه .. )

بالمناسبه اكبر حاجه بتوضح موضوعك يافوله مسلسل اتعرض في رمضان اسمو ( عاوزه اتجوز ) .. بجد عرض حالات وحتات تمحن .. وبجد حاصله .. وبالذات كتاب ( كيف تصطادين زوجا ) ..


.
.
اما من ناحيه الزواج مدفوعين عليهو او حاجه طبيعيه ..

دي بتعتمد على الاهل والاغلبيه الام ..

الحمد لله عن نفسي اهلي متفاهمين شدييد في حته زي دي ما حاعقب على الحته دي ..

لكن شفنا كتيييييييير اهلهم بيضغطو عليهم ..

وقت ما الولد او البت يقعدو يرفضو ويرفضو " ويصمدو .. " .. وما لقو الحاجه الي هم عاوزنها الاهل بيحملوهم المسؤوليه وماف حاجه حتحوشهم من السنتهم ..

او يرضو بالوضع الحاصل ويوافق الولد باي بت يختاروها \توافق البت على اول راجل وافقو عليهو ..حتبقى ضربه حظ ..ياخابت ياصابت ..ولو غرقو ماف حد حيحاول يلحقهم ..باختصار ( حياه خاليه من الروح ) ..

.
.

بالجد بتمنى بتمنى انو ماف بت تتنازل ابدا ابدا ابدا عن الحاجات الي هي عاوزاها في الطرف تاني لمجرد انها ترضي الناس وتسكتا وتحمل لقب مره او ( مدام .. ) ..

لان الحياه طويييله بجد ومامعروف الي متخبي بين اياما ..وتكسب نفسها من جوه بصبر على كلام الناس ونقتهم احسن وافضل بكتييييير من انها تكسر حاجات حلوه جواها بس عشان الناس ...


الناس تطير ياخ ..

.
.
فوله بس ما اكون طشيت بره ..

ولو لقيت فرصه بجيك راجعه تاني ..<<<بعد ده كلوووو ..؟!!..

ضغط المجتمع ضغط المجتمع .. !! جبت ليكم موضوع يوضح الكلام ده

للكاتب هانى نقشبندى ..أعجبنى جداً .. حقو كلكم يابنات تعملو بحث عن الكاتب ده وتقرأوا اى حاجة بكتبها

كاتب محترم حقيقي
......................................................................

أعظم ما اخترعه
الرجل ليس الطائرات
ولا الهاتف أو الكهرباء
...أعظم اختراعاته على الإطلاق
قصة العنوسة

في الماضي كانت ابنة الثمانية عشرة
عانسا إن لم تتزوج
ثم أصبحت ابنة العشرين
فالخامسة والعشرين .. ثم الثلاثين
وغدا قد تصبح ابنة الخمسين

العنوسة إذا قصة لا وجود لها
هي أرقام خيالية

مجرد اختراع رجولي

يعطينا حق
" الفرز "
و " الاختيار " وحق "الموت" للأنثى

الرجال يعشقون الصغيرة
ويخافون الكبيرة

واختراع " العنوسة "يزيد من الأولى حولنا
ويقضي على الثانية بالضربة الأخيرة

المشكلة أن المرأة نفسها صدقت القصة
وأصبح اختراعنا شبحا يخيفها
فقد نجح الاختراع والحيلة
وحوصرت الأنثى بين الوحدة أو نحن

اختراعنا لم يكن عبقرياً
كل ما عملناه أننا تلاعبنا بالأرقام
و بالكلمات والزمن
و اختصرنا الأنثى بساعات وأيام

يوما قد تنضج الصغيرة فترفض اختراعنا
أو يوما ستسري علينا قوانين الاختراع
سندرك حينها أننا في قصة الزمن سواء
فالأنثى لا تكبر مع الأيام وحدها
والعمر لا يعرف الفرق
بين الرجال والنساء


الكاتب / هاني نقشبندي

ازيكم يا بنات!!!!

بحييكم نقاش غني.. وردود بتعكس وعيكم ما شاء الله.. وموضوع شيق


دي up ليك يا ريم..

بعد السلاااااااااااااااااااااااااااااااااااااام من العالي المتعال...

اكبر تحيه ليك اختي foola لانك فتحت باب النقاش لموضوع في غاااااااااااااااااااااية الاهميه والخطوره....

وتحيه لكل من ابدى رأيو في الموضوع دا ليه مني كل الاحترام والتقدير....


اولا حجاوب عن سؤالك :
الزوج هدف وله امنيه فحقول !!!!!!!!!!!!!!!
العرس بالنسبه لي امنيه بتمناها من انا شااااااااااااااااافعه ياداب اتعلمت الالف والباء امنيه الفستان الابيض والزفه والكوشه والحاجات السمحه ديك

اما هدفي فهو ما انا بحاول اكون عليه بعد الزواج امراه بتخاف الله في بيته وفي زوجها امراه بتحاول تربي اولاده احسن تربيه وتسعى لانهم يوم يتنادو بأسمه يوم الحساب يكون نداء للبشرى ’’’’’’وتكون لزوجها السند والحضن الدافي ولقلب الحنين يعني دا الهدف عندي مش الزواج هو الهدف ..انشاء الله بس فهمتيني

............................................................
وجد العرس في الزمن التعيس دا بقى بسبب الضغوط البتمارسه المجتمع ع الاناث _الغوالي_والفهم المتخلف البيشنو هليهم ... ماعرستي ليه؟؟ البت دي معيوبه اكيد!! وله لازم تعرسي عشان يابتي القطر كان فاتك ما بتحصلي .....وله يابتي الزمن دا البيجيك اخدي خلاص الزمن صعب ............................................الخ
وغيره من الافكار البتخرب القيمه الاساسي للزواج .....من استقرار وحب وموده وتشارك ومسؤليه الى مظاهر خداعه يوم الزواج وتشتت وضياع وانهيار نفسي واسري بعده


ت:
رحيل ودعاش ورحيق الورد شكرا لانكم افدتونا بنقل تجربتكم لينا
وكل القالو البنات قبلي كلهم وفو وكفو وأرائهم كانت أراء عاقله وواااااااااااااااافيه بكل المعنى ...فليهم برضو بهديهم الشكر للشجاعتم وفطنتكم ....

up

انا كل يومين حادخل عشان اعمل اب للموضوع ده !
لحدي ما افضى واجاوب على اسالتك يا فوله
وجزاك الله خير