الفول

lost soul · **مرسل:** السبت نوفمبر 29, 2008 11:22 am

هع هع هع هع هع هع هع غايتو طعام وخرسانة العزاابة

برضو نجي للنكهات المختلفة للفول تغير هههههههههه

المهم

عندك الفول بالكدحة :05

غايتو دي بتعطش كمية

الفول العادي دا سادة تجيبوا وتديه النار وتديه تومتين كبااار :mrgreen:

وتقلبو لحدي ما تطلع ليك ريحة التوم كدا وتفوح وانتهينا تديه ليمونة والملح بعدين في الصحن والشمار وزيت السمسم ولو اني بفضل الزيتون

الفول ( بالأسود ( الباذنجان) ) سولؤ محمر او مشوي

لو الاسود محمر
برضو ما شغلانية

الفول في النار تخت الاسود المحمر عليه وتقووم تحركوا وتجيب الهراسة تهرسو لو الاسود المحر ما مهروس
ولأنو الاسود المحمر بيكون دسم الفول دا بياخد كمية محترمة الليمون والباقي نفس الاحساس

لو الاسود مشوي نفس الشئ نفس الخطوات مع كمية اقل من الليمون

مشوي دي كيثف يعني ؟؟؟

الاسود بحالو بيطولو ما مقشر تفتح عين البوتوجاز وتختو وكل وية تقلبو لحدي ما تحس حيل الاسوداية انهدا

تفتح موية باردة بتاعت الحنفية ( الماصورة ) وتقشرو تحتا عشان يديك ما يتحرقو وعشان اصلا يتقشر ليك وبس

الفول البخلطة البنانية

الحمس كل الحكاية يا حمس ما مهروس كامل يعني

يا حمصية تضيفا للفول في النار وتقلب وبس والباقي نفس الشئ

عندكم تاني الفول التقليدي

بيض مسلوق وجبنة بيضا والبصل

غايتو تاني ما متزكرة شئ والله

بالنسبة للعزابية لو دايرين كيف تشدو الفول في البيت فنحن جاهزون نوريكم الطريقة بس :05

وبالهنا والشفا

dafinshi · **مرسل:** السبت نوفمبر 29, 2008 12:55 pm

lost soul · **مرسل:** الاثنين ديسمبر 01, 2008 7:59 pm

يلا يا دافنشي اقول ليك شئ انا بعمل الفول من غير المواد كيميائية وبيطلع مبالغة ولونو فااتح حتى

شفتا تبل الفول من بالليل وتقوم بدددري مثلا تختو في حلة البرستو وتخت فوقو زي كباية عدي صغيرة وما تصووت فيهو العدس وتكب ليهو الموية

ممكن بدل العدس تخت بلح

العدس والبلح ما بيخلو الفول يطلع اسود لولنو بيطلع بني فاااتح كدا

يلا اظن لي المواد الكيميائية دي عشان يطلع هش والقشرة تزب يعني تهششوا

لكن شفتا لما تبلو من بالليل ما بيحتااج اصلااا للكلام دا

لكن عموما الفول بياخد من ساعة ونص لساعتين في حلة البرستو او على حسب الحلة والتعليمات البتجي معاها

dafinshi · **مرسل:** الاثنين ديسمبر 01, 2008 9:56 pm

أشكرك يا لوست حتي تستغيثي و تطلبي النجدة و الشرطي البوليسي :lol:

Salmano · **مرسل:** الثلاثاء ديسمبر 02, 2008 11:40 pm

foola · **مرسل:** الأربعاء ديسمبر 03, 2008 11:31 am

حقوق الرد زاته محفوظة ..

لوست

ألطشي ليك كم صورة فول من most wanted

زول ساي · **مرسل:** الثلاثاء ديسمبر 23, 2008 6:24 pm

الله يديك العافية
في اقرب فرصة بجربها

بس سؤال .. انا عندي حلة بريستو لكن لا معاها كتالوج ولا حاجتين أعمل شنووووووووووو؟ :roll:

انا حمار جدا في المقادير دي

أخت فول قدر شنو وموية قدر شنو؟

اخت ملح و بهارات ولا لا؟

lost soul · **مرسل:** الثلاثاء ديسمبر 23, 2008 7:07 pm

دقيقة يا اخوانا النقول ليكم الفول اول بعدين اقبل على علوش

داافنشي ازيك ؟ مشتاقون ياخ

ومشحنستغيث نهائيااا

سلمانو

اجي ولا تجي ما خلاااص ياخ لووول

زول ساي هووووووووووي يا ولدي داير فول شنو ونوسة في ؟؟

لكن ما مشكلة نقول ليك

شفتا جيب كيس الفول الببيعوه دا الصغير ما عارفة كم جرام لكن زي يملا تلاتة كبابي موية كبار

ختو في الحلة وكب الموية لحدي ما تغطيهو وتكون زي 2 سنتي فوق الفول

جيب كباية عدس ( بتاعة الشاي ) او بلح عشان اللون

وما تخت اي بهار اول ملح

وخليه ساعة ونص في حلة البرستو تقريبا

وبس
خخخخخ ساهل مش

زول ساي · **مرسل:** الثلاثاء ديسمبر 23, 2008 9:44 pm

lost soul · **مرسل:** الخميس ديسمبر 25, 2008 5:32 pm

يا زول بتنجح
واذا ما نجحت جرب تاني
واذا ما نجحت التانية بيقولوا التالتة ثابتة هههههههههههههههه

زول ساي · **مرسل:** الجمعة يناير 16, 2009 11:50 pm

حرق

lost soul · **مرسل:** السبت يناير 17, 2009 6:56 pm

لا ياخي معقول اصلو انت خليتو قدر شنو ؟؟

lost soul · **مرسل:** السبت يناير 17, 2009 6:58 pm

المشكلة الفول الهنا زاتو خشم بيوت في واحد سمح وواحد الله لا يوريك بس

نشوف ليك محل كدا بيبيع فول كويس ونشرح لنوسة تلفونيا وكدا بالتفاصيل وبعد داك ان شاء الله ما بتحرق

لا حولااااا بالغتا

mind zero · **مرسل:** السبت يناير 17, 2009 7:15 pm

يا بتي بعد شرحك دا ما يعقدك ساي .. اسأليه هببت شنو انت عشان يحرق :lol:

reema · **مرسل:** السبت يناير 17, 2009 7:46 pm

زول ساي · **مرسل:** الثلاثاء يناير 20, 2009 12:00 pm

زول ساي · **مرسل:** الثلاثاء يناير 20, 2009 12:08 pm

reema · **مرسل:** الثلاثاء يناير 20, 2009 3:08 pm

lost soul · **مرسل:** الثلاثاء يناير 20, 2009 4:05 pm

لا لا لا بالغتا جدا جدا جدا

طفيتو وطلعتا ورجعتا وشغلتو تاني ؟

طيب عادي تخليهو يكم بس باقي الوقت :05

mind zero · **مرسل:** الثلاثاء يناير 20, 2009 7:22 pm

بسسسسسسسسسس
اهو الخبير الاجنبي زاته افتى ليك

انا طبعا تحت تحت اتعقدت ..

لكن بس خلاص .. لوست قالت عادي تطفيه

يبقى انت بس ما عرفت تواصل صح

بقوووووول ياخي ما بتعرف البقول ؟؟