حاجه كدا من بيت الكلاوي الفي مخي
الكشري اساسو شنو؟
اساسو رز
شعيريه
عدس
بصل
والصوص
((ما شفع الدجاج والا شنو داك)
اولا الرز طبعا الطريقه ساهله زي ما عارفين
....
مويه ولما تسخن تكبوا عليها شوية ملح وشوية زيت والمقدار بكون دايما (اتنين كباية مويه مقابل كباية رز) يتقلب اول مره بعدين يكون على نار هاديه((((((دا الرز العادي العاوز الما عادي يقول)))))
تانيا الشعيريه......بتحتاج تحمر الشعيريه طبعا بسيطه جدا انك تحمرها شوييييييييييييه وعلى زيت شوييييييه ما تحرقا والا تنشف ابو اهلها
البصل....المحمر .دا اساسي قبل الكراسي.....[رضو تحمر البصل على زيت لكن يقعد فتره اطول من القعدتو اختو شعييه هانم
((((طبعا الكلام دا كلو حاجه براها
))))))
الصوص.......ساااااااهل جدا......تقطع بصل صغار وتحمرو مع شوية زيت لما يبقى لونو ذهبي كدا تقوم تكب عليهو مويه(حاسب ما تتحرق والا يطير فيك زيت) وبعديها تخت عليهو صلصة طماطم وتقلبهم كويس ثم بجي الملح والبهارات العاوزها كلها فوق ليهو وتضوقو طبعا
لما تحس في زيت شويه شوووووووووويه كدا في المويه بي فوق معناها الصوص خلص
اخر شي عدس الاخضر(عدس ابو جبه) ممكن تشتريهو جاهز من السوق بس تفتح العلبه وتكبو او انك تجيبو وتسلقو مع مويه
جيب صحن..خت رز.......فوق ليهو صوص.......فوق ليهو شعيريه حبه......فوق ليهو عدس اخضر......فوق ليهم بصل محمر وببح بالهناء والشفاء