صباحكم ورد

المشكلة كالتالي
انا داخلة في مشروع بتاع ماستر اون لاين وحأحتاج أحمل برامج interactive كتيرة
ومحتاجة لجهاز لاب توب كويس ..
عايزة اشتري جهاز سوني (علشان الوانه جميلة )
ومحتاجة لنصيحة
((قولوا لي اشتري الجهاز الفلاني الموديل الفلاني))
يعني ما عايزة زول يقول لي الـ Processor, hard disk , RAM ......
والما بعرفوا شنو والكلام اللي انا ما بفهم فيهو حاجة ده

المختصر المفيد
لو سمحتو
جهاز سوني موديل .......
وكان الله يحب المحسنيين

مع الف الف شكر ...
طبعاً انا لي الحق اتكلم بالطريقة دي
بحكم السن وكده

عزيزي في موضوع موضح فيه انواع الابتوبات الكويسه والموديل وافضل المواصفات في المنتداي ده ذاته فتش وشلقاهوا ان شاء الله

سلام،

الأخ mohanad
الف شكر على النصيحة
انا شفت المواضيع دي قبل ما انزل سؤالي
وطبعت المواصفات ونزلت السوق
واحترت وجيت راجعة البيت
طبعاً البياعين عرفوا اني زولة غشيمة
وكل واحد بقى يفتي لي بجيهه

علشان كده قلت واحد ينصحني بموديل كويس أروح اجيبه واجي
"وكفى الله المؤمنين شر القتال"


أخي علي
كيف أخبارك من زمان ما سمعنا منك
من زمن الكتب ديك
البنية مستنية اوعك تزوغ

انا بفضل سوني
توشيبا ده عندي معاه خبرات ما كويسة
بيسخن بسرعة ومران بيهنق
وزي ما قلت محتاجة اعمل داون لود لكم برنامج انتراكتف
وقالوا سوني كويس في الحاجات دي
رأيك شنو؟

ود الموية
صباحك خير،

لا لسه ما اشتريت
وتكون عملت فيني معروف لو دليتني

فتش فتش فتش الله يخليك
ونخدمك في الافراح ان شاء الله