اول حاجة العنوان دا من امس مجهجهني قلت قطع شك دا تبع سيدتي
عشان كدي ما جيت فوقو الا هسي بالصدفة
.....
بالنسبة لي دلع البنات دا وارائهن المتقلبة حسب امزجتهن والحالة النفسية الراهنة
قبل اسبوعين كده تقريبا اتصل علي صاحبي في البلد قال لي لازم تجي ضروري قلت ليهو في شنو يازول
قال لي بعد تجي بوريك بس والله محتاج ليك شديد
المهم بعد مشيت ليهو قلت ليهو الحال شنو يا زول شفقتني عليك
قال لي امس خطيبتي لحدي ما جينا من الجامعة وصلتها لحدي اهلها كنا سمنة علي عسل
قال لي لمن اتصلت عليها بي المساء زي كل مره فجاءه وبدون اي مقدمات قالت لي تاني ما تضرب علي واعتبر البينا انتهت وقفلت التلفون
قلت ليهو طيب المشلكة شنو وقت قالت ليك ما عايزاك ما تجلي الفكره
قال لي بس انا عايز اعرف السبب شنو
قلت وافرط عرفتها حا تستفيد شنو طالما انك انت خلاص قنعت منها زي ما هي قنعت منك
المهم اصر علي رايو وفعلا مشي يقابلها عشان يعرف السبب شنو
الغريبة لا عرف السبب شنو ولا خلاها وهسي رجعو زي المافي حاجة
غايتو الحب دا عليهو جنس محن
.......
المهم يا ود ابرق اخوي والله انا البنات ديل قنعت من خيرا فيهن تب
ووقت تقابلني فيهن بت سمحة اصنقع وادنقر اصنقع وادنقر
لحدي ما اشوف لي فيها حاجة مميزه اخزنها في ذاكرتي
وامشي احاول اكتب لي فيها حاجة وبعد داك امسحها من ذاكرتي وانتهي الموضوع
ولك كل الود اخي ود ابرق
